ຫຼາຍທ່ານອາດຈະຍັງບໍ່ທັນຄຸ້ນຫູກັບຊື່ໝາກໄມ້ຊະນິດນີ້ “ໝາກເລີ້ງ” ເຊິ່ງເປັນໝາກໄມ້ປ່າທີ່ເກີດຂຶ້ນຕາມທຳມະຊາດ ຢູ່ທາງພາກເໜືອຂອງ ປະເທດລາວ ໂດຍສະເພາະແມ່ນແຂວງ ຊຽງຂວາງ. ໝາກລີ້ງ ມັກເກີດຢູ່ໃນເຂດໜາວ ແລະ ເປັນໝາກໄມ້ລະດູດຽວ ສາມາດອອກຜົນຜະລິດໄດ້ພຽງແຕ່ຄັ້ງດຽວຕໍ່ປີ.
“ໝາກເລີ້ງ” ເປັນໝາກໄມ້ທີ່ມີທັງຣົດຂົມ, ສົ້ມ, ຝາດ ໃນໜ່ວຍດຽວ ຈຶ່ງເຮັດໃຫ້ມີສັບພະຄຸນທາງຢາຫຼາຍຢ່າງເຊັ່ນ: ຄວາມສົ້ມຂອງມັນ ສາມາດດີທ໊ອກລຳໃສ້ໄດ້, ສ່ວນຄວາມຂົມ ແລະ ຝາດຂອງມັນ ສາມາດບຳລຸງເສັ້ນປະສາດ, ຜ່ອນຄາຍສະໝອງ, ເຮັດໃຫ້ນອນຫຼັບດີ.
ດ້ວຍຣົດຊາດຊາດທີ່ມີທັງ ສົ້ມ, ຂົມ ແລະ ຝາດ ຄົນທ້ອງຖິ່ນມັກຈະນຳເອົາ ໝາກເລີ້ງ ມາຝານຈ້ຳແຈ່ວເກືອກິນຫຼິ້ນ, ແຕ່ໃນ ປັດຈຸບັນ ໝາກເລີ້ງ ໄດ້ກາຍເປັນວັດຖຸດິບຫຼັກ ໃນການນຳມາຜະລິດເປັນເຄື່ອງດື່ມວາຍເພື່ອສຸຂະພາບ ທີ່ມີສັບພະຄຸນຊ່ວຍບຸງລຸງປະສາດ, ເຮັດໃຫ້ນອນຫຼັບດີ ແລະ ກໍຍັງມີ ໝາກເລີ້ງ ອົບແຫ້ງ ທີ່ສາມາດນຳເອົາໄປດອງໃສ່ນ້ຳທຳມະດາກິນຈະມີຣົດຊາດຫອມຫວານອອກສົ້ມໜ້ອຍໜຶ່ງ ຫຼື ນຳໄປດອງເຫຼົ້າກໍໄດ້.
