Monday, July 22, 2024
Lenovo

ປ່ຽນວິກິດໃຫ້ເປັນໂອກາດ! ໝູຢໍ່ປ້າລີ ຂາຍດີຊ່ວງໂຄວິດ.

ໂຄວິດ-19 ແມ່ນວິກິດການໜຶ່ງ ທີ່ໄດ້ສ້າງຜົນກະທົບໃຫ້ກັບຫຼາຍໆ ທຸລະກິດໃນລາວ ຈົນເຮັດໃຫ້ທຸລະກິດບາງອັນຕ້ອງໄດ້ປິດໂຕລົງ, ແຕ່ສຳລັບ “ຮ້ານໝູຢໍ່ປ້າລີ” ແລ້ວ ໄດ້ປ່ຽນວິກິດການດັ່ງກ່າວ ໃຫ້ເປັນໂອກາດທາງທຸລະກິດ ດ້ວຍການນຳສິນຄ້າມາໂພສຂາຍໃນອອນລາຍໃນຊ່ວງທີ່ມີການແຜ່ລະບາດຂອງພະຍາດ ໂຄວິດ-19 ຈົນເປັນທີ່ຮູ້ຈັກຢ່າງກວ້າງຂວາງ ແລະ ສາມາດຂະຫຍາຍທຸລະກິດໄດ້.

ທ່ານ ນາງ ກິ່ງຈານ ໄຊຍະເສນ, ຜູ້ສືບທອດລຸ້ນທີ 2 ຂອງ ຮ້ານໝູຢໍ່ປ້າລີ ກ່າວວ່າ ໃນໄລຍະທີ່ ໂຄວິດ-19 ລະບາດ ການຂາຍຢູ່ໜ້າຮ້ານບໍ່ຄ່ອຍດີ, ລູກຄ້າສ່ວນໃຫຍ່ເກັບຕົວຢູ່ເຮືອນ ຈຶ່ງເຫັນເຖິງໂອກາດທີ່ຈະຫັນມາຂາຍທາງອອນລາຍ ເພື່ອຊ່ວຍເພີ່ມຊ່ອງທາງການຂາຍ ໃຫ້ທຸລະກິດຂອງເຮົາກ້າວຕໍ່ໄປ ແລະ ສາມາດຕອບສະໜອງໃຫ້ກັບລູກຄ້າໄດ້.

ການທີ່ເຮົາຫັນມາຂາຍອອນລາຍ ມັນເປັນການທີ່ເຮົາຍ່າງໄປຫາລູກຄ້າເອງ ພຽງແຕ່ໃຊ້ຄວາມຄິດ ວ່າຈະເຮັດແບບໃດໃຫ້ຄົນເຂົ້າເຖິງຫຼາຍ ແລະ ເລີ່ມເຮັດສື່ໂຄສະນາ ເພື່ອໃຫ້ພາກສ່ວນອື່ນຮູ້ຈັກຫຼາຍຂຶ້ນ ເຊິ່ງມັນໄດ້ຜົນຕອບຮັບດີ ບໍ່ສະເພາະແຕ່ຄົນວພາຍໃນປະເທດທີ່ຮູ້ຈັກ ແຕ່ມັນຍັງກວ້າງໄກໄປຮອດປະເທດເພື່ອນບ້ານເຊັ່ນ ໄທ ແລະ ຫວຽດນາມ ກໍຮູ້ຈັກສິນຄ້າຮ້ານເຮົາຫຼາຍຂຶ້ນ.

“ໝູຢໍ່ຮ້ານເຮົາ ຈຸດພິເສດແມ່ນລົດຊາດບໍ່ຄືກັບຮ້ານອື່ນ ເພາະໄດ້ຄິດຄົ້ນສູດໃຫ້ເຂົ້າກັບຄົນບ້ານເຮົາ ບໍ່ວ່າຈະເປັນການເລືອກໝູ, ການວັດແທກອຸຫະພູມໃຫ້ພໍດີ ແລະ ການຫຸ້ມຫໍ່” ນາງ ກິ່ງຈັນ ກ່າວ.

ການທີ່ຈະເຮັດທຸລະກິດໃດໜຶ່ງອອກມາໃຫ້ລູກຄ້າໄດ້ປະທັບໃຈ ຕ້ອງເຂົ້າໃຈສິ້ນຄ້າທີ່ຈະນຳມາຜະລິດຢ່າງລະອຽດ ແລະ ຫາຈຸດແຂງຂອງສິນຄ້າເຮົາໃຫ້ໄດ້ ເພື່ອເຮັດໃຫ້ສິນຄ້າເຮົາບໍ່ຄືກັບສິນຄ້າຂອງຜູ້ອື່ນ, ສິນຄ້າທີ່ຜະລິດອອກມາຕ້ອງສະອາດ ແລະ ສົດໃໝ່, ມີຮູບພາບທີ່ໜ້າກິນ ເປັນສິ່ງສຳຄັນທີ່ຈະເຮັດໃຫ້ດຶງດູດຄວາມສົນໃຈຂອງລູກຄ້າໄດ້ ແລະ ອີກຢ່າງທີ່ເຮັດໃຫ້ການຂາຍອອນລາຍໄດ້ຜົນຂຶ້ນ ຄືການຫາກຸ່ມເປົ້າໝາຍທີ່ສົນໃຈກ່ຽວກັບສິນຄ້າທີ່ເຮົາວາງຈຳໜ່າຍ.

ປັດຈຸບັນ ໝູຢໍ່ປ້າລີ ກຳລັງສ້າງໂຮງງານເຮັດໝູຢໍ່ ເພື່ອໃຫ້ລູກຄ້າໄດ້ມີຄວາມເຊື້ອໝັ້ນວ່າສິນຄ້າເຮົາສະອາດ, ແຊບ ແລະ ໄດ້ມາດຕະຖານ, ເພາະໃນອະນະຄົດທາງຮ້ານມີແຜນເຈາະຕະຫຼາດ, ຂະຫຍາຍສາຂາໃຫ້ກວ້າງອອກ ເພື່ອຕອບສະໜອງຄວາມຕ້ອງການຂອງລູກຄ້າ ທີ່ຢູ່ໄກ ໃຫ້ຊື້ຜະລິດຕະພັນໄດ້ສະດວກ ແລະ ລາຄາບໍ່ແພງ.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ປະຫວັດບຸນເຂົ້າພັນສາ

ວັນບຸນເຂົ້າພັນສາ ໃນປີນີ້ ແມ່ນກົງກັບ ວັນທີ 20 ກໍລະກົດ 2024 ຫຼື ຂຶ້ນ 15 ຄໍ່າ ເດືອນ 8 ລາວ ຊຶ່ງເປັນມື້ທີ່ຊາວພຸດທະສາສະໜາ ຈະໄດ້ພ້ອມກັນນຳພາຄອບຄົວອອກໄປຟັງທຳມະເທສະໜາ ແລະ ໄດ້ມີການກະກຽມສິ່ງຂອງຕ່າງໆ ເພື່ອໄປທຳບຸນໃນມື້ເຂົ້າພັນສາ

“ອົດອາຫານ” ບໍ່ຊ່ວຍໃຫ້ຫຼຸດນຳ້ໜັກ

ການອົດອາຫານນັ້ນ ສຳພັນກັບການຈຳກັດ ແຄລໍຣີ່ ຂອງອາຫານທີ່ເຮົາກິນໃນແຕ່ລະມື້, ການນັບ ແຄລໍຣີ່ ເປັນວິທີທີ່ໄດ້ຮັບຄວາມນິຍົມຫຼາຍ ຊຶ່ງມີທີມນັກວິໄຈດ້ານໂພຊະນາການ ໃນ ສະຫະລັດ ອາເມຣິກາ ໄດ້ລາຍງານລົງໃນວາລະສານ ການແພດ ເຈເອເອັມເອ (JAMA International Medicine) ເຖິງຜົນການລົງເລິກກວດຜູ້ໃຫຍ່ ທີ່ລະບຸວ່າ ອ້ວນເຖິງ 100 ຄົນ ໂດຍແບ່ງຈາກພຶດຕິກຳການກິນເປັນ 3 ກຸ່ມ ຊຶ່ງເປັນເວລາ 1 ປີ.

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.