ປິດສະໜາເລື່ອງເຊື້ອໄວຣັສໂຄໂລນາ ສາຍພັນໃໝ່ ຫຼື ໄວຣັສ ໂຄວິດ-19 ສາມາດເຂົ້າສູ່ສະໝອງໄດ້ແນວໃດ? ເຖິງແມ່ນວ່າຈຸລັງຂອງສະໝອງເກືອບຈະບໍ່ມີໂຕຮັບ ACE2 ທີ່ ໄວຣັສ ໃຊ້ຜ່ານເຂົ້າສູ່ຈຸລັງຮ່າງກາຍເລີຍນັ້ນ, ເຊິ່ງຂະນະນີ້ ນັກວິທະຍາສາດໄດ້ມີຂໍ້ມູນທີ່ຊ່ວຍໄຂປິດສະໜາແລ້ວ.
ທີມນັກຄົ້ນຄວ້າຈາກສະຖາບັນ Pasteur ຂອງຝຣັ່ງ ໄດ້ພິມເຜີຍແຜ່ຜົນການຄົ້ນພົບຫຼ້າສຸດຂອງພວກເຂົາ ໃນວາລະສານ Science Advances, ເຊິ່ງໄດ້ສະແດງໃຫ້ເຫັນວ່າ ພະຍາດ ໂຄວິດ-19 ສາມາດເຂົ້າໄປໃນເນື້ອເຍື່ອດັງໄດ້ ສາມາດກະຕຸ້ນການສ້າງທໍ່ຂະຫນາດນ້ອຍ ເຊື່ອມຕໍ່ລະຫວ່າງຈຸລັງເນື້ອເຍື່ອດັງ ແລະ ຈຸລັງສະໝອງໄດ້, ໄວຣັດໂຄວິດ ຈະໃຊ້ຊ່ອງທາງນີ້ເປັນ “ອຸໂມງ” ເພື່ອເດີນທາງຜ່ານສະໝອງຕໍ່ໄປ.
ຜົນການວິໄຈດັ່ງກ່າວ ຊ່ວຍອະທິບາຍສາເຫດຂອງພາວະເມື່ອຍລ້າຂອງສະໝອງ (Brain Fog) ເຊິ່ງເປັນຄວາມຜິດປົກກະຕິທາງດ້ານຄວາມຄິດ ແລະ ຄວາມຈຳ ຫຼັງຈາກເຈັບປ່ວຍດ້ວຍ ໄວຣັດ ໂຄວິດ-19 ເຖິງແມ່ນວ່າ ຈຸລັງສະໝອງບໍ່ມີແນວໂນ້ມທີ່ຈະຕິດເຊື້ອໄວຣັດ ໂຄວິດ-19 ຄືກັບອະໄວຍະວະອື່ນໆ ໂດຍສະເພາະແມ່ນອະໄວຍະວະລະບົບທາງຫາຍໃຈເຊັ່ນ: ປາກ, ດັງ ແລະ ປອດ ເຊິ່ງເຕັມໄປດ້ວຍຕົວຮັບ ACE2 ທີ່ໄວຣັດມັກ.
ມີການທົດລອງນໍາເອົາຈຸລັງປະສາດປະເພດໜຶ່ງໄດ້ຖືກທົດສອບ ເພື່ອຢູ່ຮ່ວມກັນກັບຈຸລັງເນື້ອເຍື່ອອະໄວຍະວະອື່ນໃນຈານທົດລອງ ເຊິ່ງຈຸລັງປະເພດສຸດທ້າຍທີ່ນໍາມາທົດລອງໄດ້ຕິດເຊື້ອ ໂຄວິດ-19 ແລ້ວ ຜົນທີ່ໄດ້ຮັບໄດ້ສະແດງໃຫ້ເຫັນວ່າ ໃນເວລາສັ້ນໆ ຈຸລັງປະສາດໄດ້ຕິດເຊື້ອໄວຣັສ ໂຄວິດ-19 ເຊັ່ນດຽວກັນ (ເຊິ່ງສາເຫດນີ້ຈະບໍ່ໄດ້ເກີດຂຶ້ນໃນເວລາທີ່ເຊື້ອໄວຣັສຖືກຈັດໃສ່ໃນຈານທົດລອງທີ່ມີແຕ່ຈຸລັງປະສາດລ້ວນ).
ເມື່ອພວກເຂົານໍາໃຊ້ກ້ອງຈຸລະທັດເອເລັກໂຕຣນິກ ສ່ອງເບິ່ງໃນຈານທົດລອງທີ່ມີຈຸລັງທັງສອງປະເພດຕິດເຊື້ອ, ນັກຄົ້ນຄວ້າໄດ້ພົບວ່າ ຈຸລັງເນື້ອເຍື່ອອະໄວຍະວະ ໄດ້ເກີດສ້າງເປັນທໍ່ຂະໜາດນ້ອຍຈໍານວນຫຼາຍທີ່ເຊື່ອມຕໍ່ກັບຈຸລັງຂອງປະສາດ ເຊິ່ງໄວຣັສ ໂຄວິດ-19 ໃຊ້ທໍ່ເຫຼົ່ານີ້ເປັນອຸໂມງທີ່ຜ່ານຈຸລັງເສັ້ນປະສາດໄດ້ຢ່າງງ່າຍດາຍ ໂດຍບໍ່ມີການອີງໃສ່ຕົວຮັບ ACE2 ເຊັ່ນດຽວກັນກັບກໍລະນີທີ່ມີການຕິດເຊື້ອທົ່ວໄປ.
ເຖິງຢ່າງໃດກໍຕາມ, ຂະບວນການຕ້ອງໄດ້ຮັບການທົດສອບໃໝ່ໃນຮ່າງກາຍຂອງມະນຸດອີກຄັ້ງ ເພື່ອໃຫ້ແນ່ໃຈວ່າການຕິດເຊື້ອໄວຣັສ ໂຄວິດ-19 ໃນສະໝອງຕົວຈິງແມ່ນມາຈາກຂະບວນການນີ້ແທ້ ຫຼື ບໍ່, ເຊິ່ງຖ້າຢືນຢັນແລ້ວ ນັກວິທະຍາສາດຈະສາມາດສ້າງຢາ ຫຼື ໂມເລກຸນ ທີ່ສະກັດກັ້ນການເຈາະຂອງຈຸລັງເຫຼົ່ານີ້ ເພື່ອປ້ອງກັນການເຂົ້າສູ່ສະໝອງຂອງໄວຣັສ ໂຄວິດ-19 ຕື່ມອີກ.
ຂໍ້ມູນຈາກ: BBC
ປິດສະໜາເລື່ອງເຊື້ອໄວຣັສໂຄໂລນາ ສາຍພັນໃໝ່ ຫຼື ໄວຣັສ ໂຄວິດ-19 ສາມາດເຂົ້າສູ່ສະໝອງໄດ້ແນວໃດ? ເຖິງແມ່ນວ່າຈຸລັງຂອງສະໝອງເກືອບຈະບໍ່ມີໂຕຮັບ ACE2 ທີ່ ໄວຣັສ ໃຊ້ຜ່ານເຂົ້າສູ່ຈຸລັງຮ່າງກາຍເລີຍນັ້ນ, ເຊິ່ງຂະນະນີ້ ນັກວິທະຍາສາດໄດ້ມີຂໍ້ມູນທີ່ຊ່ວຍໄຂປິດສະໜາແລ້ວ.
ທີມນັກຄົ້ນຄວ້າຈາກສະຖາບັນ Pasteur ຂອງຝຣັ່ງ ໄດ້ພິມເຜີຍແຜ່ຜົນການຄົ້ນພົບຫຼ້າສຸດຂອງພວກເຂົາ ໃນວາລະສານ Science Advances, ເຊິ່ງໄດ້ສະແດງໃຫ້ເຫັນວ່າ ພະຍາດ ໂຄວິດ-19 ສາມາດເຂົ້າໄປໃນເນື້ອເຍື່ອດັງໄດ້ ສາມາດກະຕຸ້ນການສ້າງທໍ່ຂະຫນາດນ້ອຍ ເຊື່ອມຕໍ່ລະຫວ່າງຈຸລັງເນື້ອເຍື່ອດັງ ແລະ ຈຸລັງສະໝອງໄດ້, ໄວຣັດໂຄວິດ ຈະໃຊ້ຊ່ອງທາງນີ້ເປັນ “ອຸໂມງ” ເພື່ອເດີນທາງຜ່ານສະໝອງຕໍ່ໄປ.
ຜົນການວິໄຈດັ່ງກ່າວ ຊ່ວຍອະທິບາຍສາເຫດຂອງພາວະເມື່ອຍລ້າຂອງສະໝອງ (Brain Fog) ເຊິ່ງເປັນຄວາມຜິດປົກກະຕິທາງດ້ານຄວາມຄິດ ແລະ ຄວາມຈຳ ຫຼັງຈາກເຈັບປ່ວຍດ້ວຍ ໄວຣັດ ໂຄວິດ-19 ເຖິງແມ່ນວ່າ ຈຸລັງສະໝອງບໍ່ມີແນວໂນ້ມທີ່ຈະຕິດເຊື້ອໄວຣັດ ໂຄວິດ-19 ຄືກັບອະໄວຍະວະອື່ນໆ ໂດຍສະເພາະແມ່ນອະໄວຍະວະລະບົບທາງຫາຍໃຈເຊັ່ນ: ປາກ, ດັງ ແລະ ປອດ ເຊິ່ງເຕັມໄປດ້ວຍຕົວຮັບ ACE2 ທີ່ໄວຣັດມັກ.
ມີການທົດລອງນໍາເອົາຈຸລັງປະສາດປະເພດໜຶ່ງໄດ້ຖືກທົດສອບ ເພື່ອຢູ່ຮ່ວມກັນກັບຈຸລັງເນື້ອເຍື່ອອະໄວຍະວະອື່ນໃນຈານທົດລອງ ເຊິ່ງຈຸລັງປະເພດສຸດທ້າຍທີ່ນໍາມາທົດລອງໄດ້ຕິດເຊື້ອ ໂຄວິດ-19 ແລ້ວ ຜົນທີ່ໄດ້ຮັບໄດ້ສະແດງໃຫ້ເຫັນວ່າ ໃນເວລາສັ້ນໆ ຈຸລັງປະສາດໄດ້ຕິດເຊື້ອໄວຣັສ ໂຄວິດ-19 ເຊັ່ນດຽວກັນ (ເຊິ່ງສາເຫດນີ້ຈະບໍ່ໄດ້ເກີດຂຶ້ນໃນເວລາທີ່ເຊື້ອໄວຣັສຖືກຈັດໃສ່ໃນຈານທົດລອງທີ່ມີແຕ່ຈຸລັງປະສາດລ້ວນ).
ເມື່ອພວກເຂົານໍາໃຊ້ກ້ອງຈຸລະທັດເອເລັກໂຕຣນິກ ສ່ອງເບິ່ງໃນຈານທົດລອງທີ່ມີຈຸລັງທັງສອງປະເພດຕິດເຊື້ອ, ນັກຄົ້ນຄວ້າໄດ້ພົບວ່າ ຈຸລັງເນື້ອເຍື່ອອະໄວຍະວະ ໄດ້ເກີດສ້າງເປັນທໍ່ຂະໜາດນ້ອຍຈໍານວນຫຼາຍທີ່ເຊື່ອມຕໍ່ກັບຈຸລັງຂອງປະສາດ ເຊິ່ງໄວຣັສ ໂຄວິດ-19 ໃຊ້ທໍ່ເຫຼົ່ານີ້ເປັນອຸໂມງທີ່ຜ່ານຈຸລັງເສັ້ນປະສາດໄດ້ຢ່າງງ່າຍດາຍ ໂດຍບໍ່ມີການອີງໃສ່ຕົວຮັບ ACE2 ເຊັ່ນດຽວກັນກັບກໍລະນີທີ່ມີການຕິດເຊື້ອທົ່ວໄປ.
ເຖິງຢ່າງໃດກໍຕາມ, ຂະບວນການຕ້ອງໄດ້ຮັບການທົດສອບໃໝ່ໃນຮ່າງກາຍຂອງມະນຸດອີກຄັ້ງ ເພື່ອໃຫ້ແນ່ໃຈວ່າການຕິດເຊື້ອໄວຣັສ ໂຄວິດ-19 ໃນສະໝອງຕົວຈິງແມ່ນມາຈາກຂະບວນການນີ້ແທ້ ຫຼື ບໍ່, ເຊິ່ງຖ້າຢືນຢັນແລ້ວ ນັກວິທະຍາສາດຈະສາມາດສ້າງຢາ ຫຼື ໂມເລກຸນ ທີ່ສະກັດກັ້ນການເຈາະຂອງຈຸລັງເຫຼົ່ານີ້ ເພື່ອປ້ອງກັນການເຂົ້າສູ່ສະໝອງຂອງໄວຣັສ ໂຄວິດ-19 ຕື່ມອີກ.
ຂໍ້ມູນຈາກ: BBC
