Thursday, July 18, 2024
Lenovo

“ຂັນຫ້າ” ກັບຄວາມໝາຍ ແລະ ຄວາມສຳຄັນ.

ພຣະພຸດທະເຈົ້າໄດ້ກ່າວເຖິງຂັນຫ້າແທ້! ແຕ່ບໍ່ແມ່ນ ທຽນຫ້າຄູ່ ແລະ ດອກໄມ້ ຫ້າຄູ່. ຂັນຫ້າຕາມຄວາມໝາຍຂອງ ພຣະພຸດທະເຈົ້າ ແມ່ນ ເລື່ອງຂອງ ອະລິຍະສັດ ໂດຍໝາຍເຖິງ ຮູບປະທັມ ແລະ ນາມມະທັມ ທັງຫ້າ ທີ່ພາໃຫ້ເກີດເປັນຊີວິດຄົນເຮົານັ້ນເອງ ເຊິ່ງປະກອບມີ 5 ຂັນ ດັ່ງລຸ່ມນີ້:

ພາບປະກອບ

1. ຮູບຂັນ: ໝາຍເຖິງ ສ່ວນທີ່ເປັນຮ່າງກາຍ, ພຶດຕິກຳ, ຄຸນລັກຊະນະຕ່າງໆ ຂອງຮ່າງກາຍ ແລະ ສ່ວນປະກອບທີ່ເປັນຮູບປະທັມທັງໝົດ.

2. ເວທະນາຂັນ: ໝາຍເຖິງ ກອງເວທະນາ ທີ່ເປັນຄວາມສຸກ, ຄວາມທຸກ, ຄວາມພໍໃຈ, ຄວາມບໍ່ພໍໃຈ.

3. ສັນຍາຂັນ: ໝາຍເຖິງ ກອງສັນຍາ ທີ່ເປັນຄວາມຈື່ຈຳໃນອາດີດທີ່ໄດ້ຮັບ.

4. ສັງຂານຂັນ: ໝາຍເຖິງ ກອງສັງຂານ ສ່ວນທີ່ເປັນການປຸງແຕ່ງຂອງຈິດ, ຄິດມະໂນໄປເອງວ່າ ສິ່ງນີ້ອາດຈະເກີດ ສິ່ງນັ້ນອາດຈະເກີດ.

5. ວິນຍານຂັນ: ໝາຍເຖິງ ກອງວິນຍານ ຫຼື ຈິດ ທີ່ເປັນການຮູ້ແຈ້ງຜ່ານ ຫູ, ຕາ, ດັງ, ລີ້ນ, ກາຍ ແລະ ໃຈ.​

ເຊິ່ງຂັນທັງ 5 ຢ່າງນີ້ ຈະມີການເກີດຂື້ນ, ຕັ້ງຢູ່ ແລະ ດັບໄປ ຕະຫຼອດເວລາ ເຮົາບໍ່ສາມາດບັງຄັບມັນໄດ້ ແຕ່ເຮົາສາມາດຮັບຮູ້ມັນໄດ້ ແລະ ຢູ່ກັບມັນໃຫ້ໄດ້. ສິ່ງເລົ່ານີ້ແມ່ນທາດແທ້ຂອງຂັນ 5 ຕາມຫຼັກຄຳສອນຂອງພຣະພຸດທະເຈົ້າ.

ແຕ່ປະຈຸບັນ ເຫັນຫຼາຍຄົນນຳໃຊ້ຂັນ 5 ທີ່ປະກອບດ້ວຍ ດອກໄມ້ ແລະ ທຽນ 5 ຄູ່ ເພື່ອນຳໃຊ້ໃນການປະກອບພິທີກຳຕ່າງເຊັ່ນ: ການຂໍຂະມາ, ການນິມົນຕ່າງໆ ເຊິ່ງທາດແທ້ຂອງການຂໍຂະມາດ້ວຍການຍົກຂັນ 5 ກາບນັ້ນ ແມ່ນການເອົາຂັນທັງ 5 ຄື ຮູບ, ເວທະນາ, ສັນຍາ, ສັງຂານ ແລະ ວິນຍານ ນອບນ້ອມໃສ່ຜູ້ທີ່ເຮົາຕ້ອງການຂໍຂະມາ.

ສະນັ້ນ, ການຂໍຂະມາ ໃນບາງເທື່ອ ແມ່ນບໍ່ຈຳເປັນຕ້ອງມີຂັນ 5 ທີ່ເປັນດອກໄມ້ 5 ​ຄູ່ ທຽນ 5 ຄູ່ກໍໄດ້, ສິ່ງທີ່ເຈົ້າຄວນມີແມ່ນ ຮູບ, ເວທະນາ, ສັນຍາ, ສັງຂານ ແລະ ວິນຍານ.

ແຕ່ຖ້າມີກໍດີ ເພາະເປັນການຮັກສາ ວັດທະນະທຳ ແລະ ຮີດຄອງປະເພນີອັນດີງາມ.

ໂດຍ: ພຸດທະໂອດ

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.