Saturday, July 20, 2024
Lenovo

ໄປຊຽງຂວາງ ຢ່າລືມໄປແວ່ “ຕາດຄາ” ເມືອງ ໜອງແຮດ ກັນເດີ້!

ຕາດຄາ ເປັນນ້ຳຕົກຕາດທີ່ເກີດຂຶ້ນຈາກທຳມະຊາດອີກແຫ່ງໜຶ່ງທີ່ສວຍງາມ ແລະ ສູງທີ່ສຸດຂອງ ແຂວງຊຽງຂວາງ ເຊິ່ງຕັ້ງຢູ່ບ້ານ ຄັງພະນຽນ, ເມືອງ ໜອງແຮດ, ແຂວງ ຊຽງຂວາງ ຫ່າງຈາກເທດສະບານ ເມືອງແປກ ປະມານ 104 ກິໂລແມັດ ໄປຕາມທາງເລກ 7 ແລະ ຫ່າງຈາກເສັ້ນທາງດັ່ງກ່າວ ເຂົ້າສູ່ແຫ່ງທ່ອງທ່ຽວ ປະມານ 5 ກິໂລແມັດ.

ຈຸດເດັ່ນຂອງຕາດຄາ ແມ່ນມີນ້ຳທີ່ໃສສະອາດ ທີ່ໄຫຼອອກມາຈາກຮູຜາ ລົງມາໂຕນໃສ່ຕາດ ທີ່ເປັນຫຼາຍຂັ້ນ ກະແຈກກະຈາຍໂດຍມີຄວາມສູງ ປະມານ 141 ແມັດ ແບ່ງເປັນ 3 ຕາດ ໂດຍຈຸດຕົ້ນນ້ຳຫາຈຸດພັກທີ 3 ມີຄວາມສູງປະມານ 81 ແມັດ ແລະ ຕາດທີ 3 ລົງຮອດຕີນຕາດສູງ 60 ແມັດ ກວ້າງ 40-50 ແມັດ, ມີຂັ້ນໄດຢ່າງຕໍ່ກັນ ເປັນຂັ້ນໆ ເຊື່ອມຕໍ່ແຕ່ລະຂັ້ນ.

ນອກຈາກຄວາມງາມທີ່ເກີດຂຶ້ນຈາກທຳມະຊາດຂອງຕາດຄາແລ້ວ, ຍັງມີການເລົ່າຂານຂອງຄົນສະໄໝກ່ອນໃຫ້ຮູ້ວ່າ ຕາດແຫ່ງນີ້ ເປັນຕາດຫວງຫ້າມສຳລັບແມ່ຍິງ ແລະ ຫ້າມຈູງສັດຕ່າງໆ ມາຂ້າມຕາດແຫ່ງນີ້ ເພາະຫາກແມ່ຍິງຄົນໃດໄດ້ຂ້າມຕາດແຫ່ງນີ້ ຈະບໍ່ສາມາດມີລູກໄດ້ ຫຼື ຖ້າມີກໍລຸລູກ.

ນອກຈາກນັ້ນ, ຖ້າໃຜເອົາສັດເຂົ້າໄປໃນເຂດຕາດ ໂດຍສະເພາະແມ່ນ ໝາ ແລະ ແບ້ ຂ້າມຕາດແຫ່ງນີ້ ແມ່ນຈະເກີດໄພພິບັດ ເພາະຜິດກັບພະຍານາກ ດັ່ງນັ້ນ, ຈຶ່ງໃສ່ຊື່ຕາດວ່າ “ຕາດຄາ” ເພາະຜູ້ຍິງ ແລະ ສັດບາງສະນິດບໍ່ສາມາດຂ້າມໄດ້ ແລະ ຕ້ອງຄາຢູ່ທີ່ແຫ່ງນັ້ນ.

ດ້ວຍຄວາມທີ່ເປັນທຳມະຊາດທີ່ອຸດົມສົມບູນ, ມີປ່າໄມ້ທີ່ຂຽວສົດງົດງາມຫຼາຍ, ປະກອບກັບຕົ້ນໄມ້ນ້ອຍໃຫຍ່ ລວມທັງຊີວະນາໆພັນອາໄສຢູ່ ຕາດຄາ ຈຶ່ງກາຍເປັນແຫຼ່ງທ່ອງທ່ຽວ ທີ່ໄດ້ເລີ່ມເປີດບໍລິການ ໃນປີ 2005 ເປັນຕົ້ນມາ.

ສຳລັບລະດູການ ທີ່ນັກທ່ອງທ່ຽວມາຫຼາຍທີ່ສຸດແມ່ນ ໃນລະຫວ່າເດືອນ ມີນາ ຫາ ເດືອນພຶດສະພາ ຫຼື ໄລຍະບຸນປີໃໝ່ລາວ ນອກນັ້ນ ໃນລະດູຝົນຕາດແຫ່ງນີ້ ຍີ່ງມີຄວາມສວຍງາມ     ເໝາະສຳລັບການທ່ອງທ່ຽວມັກປະຈົນໄພນຳອີກ.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ປະຫວັດບຸນເຂົ້າພັນສາ

ວັນບຸນເຂົ້າພັນສາ ໃນປີນີ້ ແມ່ນກົງກັບ ວັນທີ 20 ກໍລະກົດ 2024 ຫຼື ຂຶ້ນ 15 ຄໍ່າ ເດືອນ 8 ລາວ ຊຶ່ງເປັນມື້ທີ່ຊາວພຸດທະສາສະໜາ ຈະໄດ້ພ້ອມກັນນຳພາຄອບຄົວອອກໄປຟັງທຳມະເທສະໜາ ແລະ ໄດ້ມີການກະກຽມສິ່ງຂອງຕ່າງໆ ເພື່ອໄປທຳບຸນໃນມື້ເຂົ້າພັນສາ

“ອົດອາຫານ” ບໍ່ຊ່ວຍໃຫ້ຫຼຸດນຳ້ໜັກ

ການອົດອາຫານນັ້ນ ສຳພັນກັບການຈຳກັດ ແຄລໍຣີ່ ຂອງອາຫານທີ່ເຮົາກິນໃນແຕ່ລະມື້, ການນັບ ແຄລໍຣີ່ ເປັນວິທີທີ່ໄດ້ຮັບຄວາມນິຍົມຫຼາຍ ຊຶ່ງມີທີມນັກວິໄຈດ້ານໂພຊະນາການ ໃນ ສະຫະລັດ ອາເມຣິກາ ໄດ້ລາຍງານລົງໃນວາລະສານ ການແພດ ເຈເອເອັມເອ (JAMA International Medicine) ເຖິງຜົນການລົງເລິກກວດຜູ້ໃຫຍ່ ທີ່ລະບຸວ່າ ອ້ວນເຖິງ 100 ຄົນ ໂດຍແບ່ງຈາກພຶດຕິກຳການກິນເປັນ 3 ກຸ່ມ ຊຶ່ງເປັນເວລາ 1 ປີ.

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.