Wednesday, July 17, 2024
Lenovo

ກະຊວງພານິດໄທ – DITP ເຊີນຊວນຜູ້ປະກອບການລາວ ຮ່ວມງານ “TILOG Virtual Exhibition 2022” ງານໃຫຍ່ຂອງພາກພື້ນອາຊຽນ.

ກົມສົ່ງເສີມການຄ້າລະຫວ່າງປະເທດ (DITP) ກະຊວງພານິດໄທ ນໍາທີມຈັດງານສະແດງສິນຄ້າສະເໝືອນຈິງ (Virtual Exhibition) ແລະ ການເຈລະຈາທຸລະກິດອອນລາຍ “TILOG VE 2022” ຕໍ່ເນື່ອງເປັນປີທີ 2 ພາຍໃຕ້ແນວຄວາມຄິດ Connecting ASEAN to the World ໂດຍເນັ້ນຢໍ້າເພື່ອສ້າງໂອກາດທາງການຄ້າໃຫ້ກັບຜູ້ປະກອບການໃນທຸລະກິດການຂົນສົ່ງລະຫວ່າງປະເທດຂອງໄທ ແລະ ເປີດປະຕູສູ່ການເປັນຜູ້ໃຫ້ບໍລິການຂົນສົ່ງ (ໂລຈິສຕິກ) ໃນພາກພື້ນອາຊຽນ ເທິງແພັດຟອມ www.tilog-ve.com ລະຫວ່າງວັນທີ 24-26 ສິງຫາ 2022.

ທ່ານ ພູສິດ ລັດຕະນາກຸນ ເສລີເລິງລິດ ອາທິການບໍດີ ກົມສົ່ງເສີມການຄ້າລະຫວ່າງປະເທດ ໄດ້ກ່າວວ່າ ກົມສົ່ງເສີມການຄ້າລະຫວ່າງປະເທດ ໄດ້ດໍາເນີນການຕາມນະໂຍບາຍຂອງຮອງນາຍົກລັດຖະມົນຕີ ແລະ ລັດຖະມົນຕີວ່າການກະຊວງພານິດໄທ (ທ່ານ ຈຸລິນ ລັກສະນະວິສິດ) ທີ່ເນັ້ນໜັກການສົ່ງເສີມທຸລະກິດພາກບໍລິການ ໂດຍສະເພາະໃນກຸ່ມທຸລະກິດການຂົນສົ່ງ ຈຶ່ງໄດ້ຈັດງານສະແດງສິນຄ້າໂລຈິສຕິກ ແລະ ເຈລະຈາທຸລະກິດອອນລາຍ (TILOG Virtual Exhibition : TILOG VE 2022) ນີ້ຂຶ້ນ ເພື່ອສ້າງໂອກາດໃຫ້ກັບຜູ້ປະກອບການໂລຈິສຕິກໄທ ເຊິ່ງໃນປີນີ້ໄດ້ຮວບຮວມຜູ້ປະກອບການໂລຈິສຕິກຊັ້ນນໍາຂອງໄທ ກວ່າ 50 ບໍລິສັດ ໃນ 5 ກຸ່ມສິນຄ້າ/ບໍລິການ ລວມມີ ກຸ່ມຂົນຍ້າຍວັດສະດຸ, ກຸ່ມບັນຈຸພັນ, ກຸ່ມຄັງສິນຄ້າ, ກຸ່ມເຕັກໂນໂລຊີ ແລະ ນະວັດຕະກໍາໂລຈິສຕິກ ແລະ ກຸ່ມບໍລິການຂົນສົ່ງສິນຄ້າ ທີ່ສາມາດຕອບໂຈດໄດ້ທຸກຄວາມຕ້ອງການ.

ຜູ້ປະກອບການທີ່ເຂົ້າຮ່ວມຈະໄດ້ພົບກັບກິດຈະກໍາພາຍໃນງານ ເຊັ່ນ: ການຈັບຄູ່ເຈລະຈາທຸລະກິດອອນລາຍກັບຜູ້ປະກອບການໂລຈິສຕິກໄທ ເພື່ອສ້າງເຄືອຂ່າຍພັນທະມິດທັງໃນໄທ ແລະ ຕ່າງປະເທດແບບໃນເວລາຈິງ ແລະ ທ່ຽວຊົມບູດແບບຄືຕົວຈິງ.

ໂອກາດຄັ້ງໃໝ່ສູ່ຕະຫຼາດໂລຈິສຕິກແບບບໍ່ມີຊາຍແດນພ້ອມແລ້ວ ມາຮ່ວມສ້າງໂອກາດໃນຕະຫຼາດໂລຈິສຕິກ ເພື່ອກ້າວສູ່ການເຕີບໂຕທາງທຸລະກິດໄປພ້ອມກັນກັບງານ TILOG VE 2022. ກົມສົ່ງເສີມການຄ້າລະຫວ່າງປະເທດກະຊວງພານິດໄທ ຂໍເຊີນຊວນຜູ້ຜະລິດ, ຜູ້ໃຊ້ບໍລິການ, ຜູ້ປະກອບການທຸລະກິດນໍາເຂົ້າ-ສົ່ງອອກ ແລະ ຜູ້ປະກອບການຂົນສົ່ງລະຫວ່າງປະເທດທີ່ສົນໃຈ ຮັບຊົມພິທີເປີດງານໄດ້ໃນວັນທີ 24 ສິງຫາ 2022 ຕັ້ງແຕ່ 10:00 ໂມງເປັນຕົ້ນໄປ ເທິງແພັດຟອມ www.tilog-ve.com ແລະ ລົງທະບຽນເຂົ້າຮ່ວມຊົມງານໄດ້ຕັ້ງແຕ່ມື້ນີ້ເປັນຕົ້ນໄປ ໂດຍບໍ່ເສຍຄ່າໃຊ້ຈ່າຍ.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.