Sunday, May 19, 2024
Lenovo

ສິ່ງທີ່ທ່ານຄວນຮູ້! ກ່ອນເບິ່ງຮູບເງົາ “ບໍ່ມີວັນຈາກ-The Long Walk”

ເປັນທີ່ໜ້າຍິນດີ ທີ່ຮູບເງົາລາວເລື່ອງ “ບໍ່ມີວັນຈາກ-The Long Walk” ເຊິ່ງເປັນຮູບເງົາເລື່ອງທຳອິດ ທີ່ໄດ້ເຂົ້າສາຍໃນ Netflix ເປັນຜົນງານການກຳກັບຈາກ ແມັດຕີ້ ໂດ ຜູ້ກຳກັບຮູບເງົາຍິງຄົນທຳອິດຂອງລາວ. ໂດຍຮູບເງົາເລື່ອງນີ້ໄດ້ສ້າງຂຶ້ນໃນປີ 2019  ແລະ ໄດ້ຮັບການຕອບຮັບເປັນຢ່າງດີຈາກທົ່ວໂລກ.

ສຳລັບເລື່ອງຫຍໍ້ຂອງຮູບເງົາເລື່ອງນີ້ ແມ່ນເວົ້າເຖິງຊາຍຊະລາທີ່ທຸກຈົນຄົນໜຶ່ງ (ຮັບບົດໂດຍ: ຊຽງຍານ ນະວຸດທິ ຈັນທະລັງສີ) ທີ່ໃຊ້ຊີວິດຕາມລຳພັງໃນເຮືອນຫຼັງເກົ່າ ທີ່ຊົນນະບົດ ເຂດຫ່າງໄກສອກຫຼີກ ທີ່ມີວິຖີຊີວິດ ແລະ ຄວາມເຊື່ອ ທີ່ຍັງຄົງດຳເນີນຕໍ່ໄປ ເຖິງວ່າຈະມີເຕັກໂນໂລຊີທີ່ທັນສະໄໝເຂົ້າມາປານໃດກໍຕາມ, ເຊິ່ງຊາຍຊະລາຄົນນີ້ ມີຄວາມສາມາດພິເສດ ທີ່ສາມາດເບິ່ງເຫັນບັນດາວິນຍານຄົນຕາຍໄດ້ ແລ້ວມື້ໜຶ່ງເຂົາກໍພົບກັບວິນຍານຜີສາວ (ຮັບບົດໂດຍ: ນຸດນະພາ ສ້ອຍດາລາ) ທີ່ຢູ່ກັບເຂົາມາ 50 ປີ ສາມາດພາເຂົາຍ້ອນເວລາໄປພົບກັບໂຕເຂົາໃນສະໄໝຍັງນ້ອຍໄດ້ (ເຊິ່ງເດັກນ້ອຍຄົນນັ້ນຮັບບົດໂດຍ: ປໍ ສີລັດສາ) ເຊິ່ງເຮັດໃຫ້ເຂົາຕ້ອງການທີ່ຈະຍ້ອນເວລາກັບໄປເພື່ອແກ້ໄຂຄວາມເຈັບປວດໃນອະດີດ ແຕ່ເຂົາບໍ່ຮູ້ເລີຍວ່າ ການແກ້ໄຂອະດີດທີ່ເຂົາຕ້ອງການ ຈະຍ້ອນກັບມາສົ່ງຜົນຕໍ່ເຂົາຢ່າງຮ້າຍແຮງແບບບໍ່ຄາດຄິດ.

ເຖິງວ່າເລື່ອງ “ບໍ່ມີວັນຈາກ-The Long Walk” ຈະເປັນຮູບເງົາທີ່ມີຜີອອກມາເກືອບໝົດເລື່ອງ ແຕ່ເປັນຜີທີ່ບໍ່ມີຄວາມເປັນຕາຢ້ານເລີຍ ແຕ່ກໍມີບາງສາກທີ່ມີເລືອດອອກມາແບບສົດ (ຄົນທີ່ຢ້ານເລືອດຄວນຫຼີກຫຼ່ຽງ) ເຊິ່ງນອກຈາກຈະບໍ່ມີຄວາມເປັນຕາຢ້ານແລ້ວ ຍັງເບິ່ງເປັນຕາຮັກອີກ ໂດຍສະເພາະໃນສາກທີ່ຊາຍຊະລາຕອນຍັງນ້ອຍ ແບ່ງໝາກກ້ຽງໃຫ້ຜີສາວກິນ, ເຊິ່ງໂດຍລວມຂອງຮູບເງົາຈະອອກແນວທີ່ມີສຽງປະກອບທີ່ຮູ້ສຶກເປັນຕາຢ້ານແດ່ ເຊິ່ງໃຫ້ຄວາມຮູ້ສຶກຄ້າຍຄືກັບເບິ່ງຮູບເງົາສາລະຄະດີ ຫຼາຍກວ່າຮູບເງົາຜີ.

ຮູບເງົາເລື່ອງນີ້ ມີຫຼາຍຕອນທີ່ບົ່ງບອກເບິ່ງອະນາຄົດ ເຖິງວ່າຈະບໍ່ແມ່ນອະນາຄົດທີ່ໄກຕົວ ແຕ່ກໍມີເຕັກໂນໂລຊີໃນເລື່ອງທີ່ພັດທະນາໄປຈົນເຖິງການຝັງຊິບໃນຮ່າງກາຍ, ໂດຍຊິບນີ້ຈະປະກົດຢູ່ເທິງແຂນທີ່ສາມາດລະບຸໂຕຕົນໄດ້, ບອກເວລາໄດ້ ແລະ ໃຊ້ສະແກນຈ່າຍເງິນໄດ້ ແຕ່ຕົວລະຄອນຫຼັກໃນເລື່ອງຊ້ຳພັດໃຊ້ຊີວິດຢູ່ໃນເຮືອນໄມ້ຫຼັງເກົ່າໆ ທີ່ບົ່ງບອກເຖິງຄວາມຫ່າງໄກຈາກຄວາມຈະເລີນໃນໂລກຄວາມເປັນຈິງ ເຊິ່ງຫຼາຍຄົນອາດບໍ່ເຂົ້າໃຈວ່າ ເປັນຫຍັງຈຶ່ງເອົາໂລກອະນາຄົດມາປະກອບໃສ່ນຳ ແລະ ຕຳຫຼວດຍັງຕ້ອງມາເພິ່ງຄົນທີ່ເຫັນຜີ ໃຫ້ຊ່ວຍຕາມຫາສົບຄົນຕາຍອີກ ທັ້ງໆທີ່ມີເຕັກໂນໂລຊີທີ່ທັນສະໄໝ ກ້າວໜ້າ ຈົນເຖິງຂັ້ນຝັງຊິບໄດ້ແລ້ວ.

ຖ້າໃຜໄດ້ເບິ່ງຮູບເງົາເລື່ອງນີ້ແລ້ວຈະສັງເກດເຫັນວ່າ ຕົວລະຄອນໃນເລື່ອງ ບໍ່ຄ່ອຍມີຊື່ ແລະ ມີບົດທີ່ຄົນເວົ້າໜ້ອຍສຸດ ແຕ່ນັກສະແດງແຕ່ລະຄົນ ຊ້ຳພັດສະແດງບົດບາດອອກມາໄດ້ດີຫຼາຍ ທັງຊາຍຊະລາ, ຜີສາວ, ເດັກນ້ອຍ ແລະ ຕົວລະຄອນອື່ນໆ ໂດຍສະເພາະບົດບາດຂອງຜີສາວ ທີ່ເກືອບໝົດເລື່ອງມີບົດເວົ້າພຽງປະໂຫຍກດຽວ ໃນຕອນຈົບ ແຕ່ການສະແດງສີໜ້າທ່າທາງໃນຕອນຈົບ ເຮັດໃຫ້ຮູ້ສຶກອິນໄປກັບເລື່ອງໄດ້ຢ່າງງ່າຍດາຍ.

ອີກໜຶ່ງຈຸດທີ່ໜ້າສົນໃຈຄື ຊື່ຂອງຮູບເງົາເລື່ອງນີ້ ແມ່ນເຂົ້າກັບເນື້ອໃນຂອງຮູບເງົາຫຼາຍ ທັງພາສາອັງກິດ The Long Walk” ເພາະມັນສື່ໃຫ້ເຫັນເຖິງການເດີນທາງໄກແບບບໍ່ມີຈຸດສິ້ນສຸດຂອງຕົວລະຄອນທີ່ ວົນກັບໄປບ່ອນເກົ່າສະເໝີ ລວມເຖິງ “ບໍ່ມີວັນຈາກ” ທີ່ຟັງແລ້ວເປັນຕາຢ້ານ ແຕ່ຄວາມຈິງແລ້ວໝາຍເຖິງ ການວຽນວາຍຕາຍເກີດ, ການຄຳນຶງຫາ ລວມທັງຄວາມຮູ້ສຶກທີ່ຕິດຢູ່ໃນໃຈທີ່ ບໍ່ມີວັນຈາກໄປໄສ ເຖິງເວລາຈະຜ່ານໄປດົນສ່ຳໃດກໍຕາມ.

ເຖິງວ່າ ຮູບເງົາເລື່ອງນີ້ຈະເຮັດອອກມາໄດ້ດີ ແຕ່ກໍຕ້ອງຍອມຮັບວ່າ ຮູບເງົາເລື່ອງນີ້ອາດເຂົ້າເຖິງແຕ່ຄົນບາງກຸ່ມ ເພາະເປັນການເລົ່າເລື່ອງຂອງມິຕິເວລາທີ່ສະຫຼັບສັບຊ້ອນ ແບບຂ້ອນຂ້າງເຈັບຫົວພໍສົມຄວນ, ລວມໄປເຖິງເລື່ອງລາວຕ່າງໆທີ່ຖິ້ມເອົາໄວ້ໃນຕອນຈົບແບບງົງໆ, ຫຼັງຈາກທີ່ເບິ່ງຈົບແລ້ວອາດຕ້ອງໄດ້ຫາບົດວິເຄາະກັນແບບໄວໆ ແຕ່ສຳລັບໃຜທີ່ມັກເບິ່ງຮູບເງົາທີ່ຕ້ອງໃຊ້ຄວາມຄິດ ຫຼື ໃຊ້ເວລາໃນການເບິ່ງ ກໍໜ້າຈະຖືກໃຈຮູບເງົາເລື່ອງນີ້ພໍສົມຄວນ ເວົ້າງ່າຍໆ ທີ່ຄົນມັກກໍຈະມັກເລີຍ ສ່ວນຄົນທີ່ບໍ່ມັກກໍຈະບໍ່ມັກເລີຍ ປະມານນີ້.

ແນວໃດກໍດີ ຮູບເງົາເລື່ອງນີ້ເປັນຮູບເງົາຂອງປະເທດລາວ ສ້າງຂຶ້ນໂດຍຄົນລາວ ເຮົາຄວນຈະສົ່ງເສີມ ແລະ ສະໜັບສະໜຸນຮູບເງົາລາວໃຫ້ຫຼາຍໆ ເພື່ອຈະໄດ້ເປັນກຳລັງໃຈໃຫ້ກັບທີມງານຜູ້ສ້າງ ໄດ້ມີແຮງກາຍ ແຮງໃຈໃນການພັດທະນາວົງການຮູບເງົາລາວໃຫ້ກ້າວໜ້າຕໍ່ໄປ.

ສຳລັບຜູ້ທີ່ຈະເບິ່ງຮູບເງົາເລື່ອງນີ້ ຄວນຈະອ່ານເບິ່ງເນື້ອເລື່ອງຫຍໍ້ໃຫ້ເຂົ້າໃຈສາກ່ອນ ຈະໄດ້ບໍ່ສັບສົນເວລາເບິ່ງຕົວຈິງ ແລະ ຫຼັງຈາກທີ່ເບິ່ງຮູບເງົາເລື່ອງນີ້ແລ້ວ ທ່ານໄດ້ຮັບຮູ້ ແລະ ສຳພັດໄດ້ເຖິງຫຍັງແດ່ ກ່ຽວກັບຮູບເງົາເລື່ອງນີ້ ບໍ່ວ່າຈະເປັນເນື້ອເລື່ອງຂອງຮູບເງົາ, ການນຳສະເໜີ, ການລຳດັບພາບ, ສຽງ ແລະ ຄຸນນະພາບຂອງຮູບເງົາ ເປັນແນວໃດ? ແຕ່ຖ້າທ່ານຈະໃຫ້ຄະແນນທ່ານຈະໃຫ້ຄະແນນແບບໃດ? ຢ່າລືມຄອມເມັ້ນບອກກັນແດ່ເດີ້!

ສາມາດເບິ່ງຮູບເງົາເລື່ອງ “ບໍ່ມີວັນຈາກ-The Long Walk” ໄດ້ແລ້ວທີ່ Netflix.

ເປັນທີ່ໜ້າຍິນດີ ທີ່ຮູບເງົາລາວເລື່ອງ “ບໍ່ມີວັນຈາກ-The Long Walk” ເຊິ່ງເປັນຮູບເງົາເລື່ອງທຳອິດ ທີ່ໄດ້ເຂົ້າສາຍໃນ Netflix ເປັນຜົນງານການກຳກັບຈາກ ແມັດຕີ້ ໂດ ຜູ້ກຳກັບຮູບເງົາຍິງຄົນທຳອິດຂອງລາວ. ໂດຍຮູບເງົາເລື່ອງນີ້ໄດ້ສ້າງຂຶ້ນໃນປີ 2019  ແລະ ໄດ້ຮັບການຕອບຮັບເປັນຢ່າງດີຈາກທົ່ວໂລກ.

ສຳລັບເລື່ອງຫຍໍ້ຂອງຮູບເງົາເລື່ອງນີ້ ແມ່ນເວົ້າເຖິງຊາຍຊະລາທີ່ທຸກຈົນຄົນໜຶ່ງ (ຮັບບົດໂດຍ: ຊຽງຍານ ນະວຸດທິ ຈັນທະລັງສີ) ທີ່ໃຊ້ຊີວິດຕາມລຳພັງໃນເຮືອນຫຼັງເກົ່າ ທີ່ຊົນນະບົດ ເຂດຫ່າງໄກສອກຫຼີກ ທີ່ມີວິຖີຊີວິດ ແລະ ຄວາມເຊື່ອ ທີ່ຍັງຄົງດຳເນີນຕໍ່ໄປ ເຖິງວ່າຈະມີເຕັກໂນໂລຊີທີ່ທັນສະໄໝເຂົ້າມາປານໃດກໍຕາມ, ເຊິ່ງຊາຍຊະລາຄົນນີ້ ມີຄວາມສາມາດພິເສດ ທີ່ສາມາດເບິ່ງເຫັນບັນດາວິນຍານຄົນຕາຍໄດ້ ແລ້ວມື້ໜຶ່ງເຂົາກໍພົບກັບວິນຍານຜີສາວ (ຮັບບົດໂດຍ: ນຸດນະພາ ສ້ອຍດາລາ) ທີ່ຢູ່ກັບເຂົາມາ 50 ປີ ສາມາດພາເຂົາຍ້ອນເວລາໄປພົບກັບໂຕເຂົາໃນສະໄໝຍັງນ້ອຍໄດ້ (ເຊິ່ງເດັກນ້ອຍຄົນນັ້ນຮັບບົດໂດຍ: ປໍ ສີລັດສາ) ເຊິ່ງເຮັດໃຫ້ເຂົາຕ້ອງການທີ່ຈະຍ້ອນເວລາກັບໄປເພື່ອແກ້ໄຂຄວາມເຈັບປວດໃນອະດີດ ແຕ່ເຂົາບໍ່ຮູ້ເລີຍວ່າ ການແກ້ໄຂອະດີດທີ່ເຂົາຕ້ອງການ ຈະຍ້ອນກັບມາສົ່ງຜົນຕໍ່ເຂົາຢ່າງຮ້າຍແຮງແບບບໍ່ຄາດຄິດ.

ເຖິງວ່າເລື່ອງ “ບໍ່ມີວັນຈາກ-The Long Walk” ຈະເປັນຮູບເງົາທີ່ມີຜີອອກມາເກືອບໝົດເລື່ອງ ແຕ່ເປັນຜີທີ່ບໍ່ມີຄວາມເປັນຕາຢ້ານເລີຍ ແຕ່ກໍມີບາງສາກທີ່ມີເລືອດອອກມາແບບສົດ (ຄົນທີ່ຢ້ານເລືອດຄວນຫຼີກຫຼ່ຽງ) ເຊິ່ງນອກຈາກຈະບໍ່ມີຄວາມເປັນຕາຢ້ານແລ້ວ ຍັງເບິ່ງເປັນຕາຮັກອີກ ໂດຍສະເພາະໃນສາກທີ່ຊາຍຊະລາຕອນຍັງນ້ອຍ ແບ່ງໝາກກ້ຽງໃຫ້ຜີສາວກິນ, ເຊິ່ງໂດຍລວມຂອງຮູບເງົາຈະອອກແນວທີ່ມີສຽງປະກອບທີ່ຮູ້ສຶກເປັນຕາຢ້ານແດ່ ເຊິ່ງໃຫ້ຄວາມຮູ້ສຶກຄ້າຍຄືກັບເບິ່ງຮູບເງົາສາລະຄະດີ ຫຼາຍກວ່າຮູບເງົາຜີ.

ຮູບເງົາເລື່ອງນີ້ ມີຫຼາຍຕອນທີ່ບົ່ງບອກເບິ່ງອະນາຄົດ ເຖິງວ່າຈະບໍ່ແມ່ນອະນາຄົດທີ່ໄກຕົວ ແຕ່ກໍມີເຕັກໂນໂລຊີໃນເລື່ອງທີ່ພັດທະນາໄປຈົນເຖິງການຝັງຊິບໃນຮ່າງກາຍ, ໂດຍຊິບນີ້ຈະປະກົດຢູ່ເທິງແຂນທີ່ສາມາດລະບຸໂຕຕົນໄດ້, ບອກເວລາໄດ້ ແລະ ໃຊ້ສະແກນຈ່າຍເງິນໄດ້ ແຕ່ຕົວລະຄອນຫຼັກໃນເລື່ອງຊ້ຳພັດໃຊ້ຊີວິດຢູ່ໃນເຮືອນໄມ້ຫຼັງເກົ່າໆ ທີ່ບົ່ງບອກເຖິງຄວາມຫ່າງໄກຈາກຄວາມຈະເລີນໃນໂລກຄວາມເປັນຈິງ ເຊິ່ງຫຼາຍຄົນອາດບໍ່ເຂົ້າໃຈວ່າ ເປັນຫຍັງຈຶ່ງເອົາໂລກອະນາຄົດມາປະກອບໃສ່ນຳ ແລະ ຕຳຫຼວດຍັງຕ້ອງມາເພິ່ງຄົນທີ່ເຫັນຜີ ໃຫ້ຊ່ວຍຕາມຫາສົບຄົນຕາຍອີກ ທັ້ງໆທີ່ມີເຕັກໂນໂລຊີທີ່ທັນສະໄໝ ກ້າວໜ້າ ຈົນເຖິງຂັ້ນຝັງຊິບໄດ້ແລ້ວ.

ຖ້າໃຜໄດ້ເບິ່ງຮູບເງົາເລື່ອງນີ້ແລ້ວຈະສັງເກດເຫັນວ່າ ຕົວລະຄອນໃນເລື່ອງ ບໍ່ຄ່ອຍມີຊື່ ແລະ ມີບົດທີ່ຄົນເວົ້າໜ້ອຍສຸດ ແຕ່ນັກສະແດງແຕ່ລະຄົນ ຊ້ຳພັດສະແດງບົດບາດອອກມາໄດ້ດີຫຼາຍ ທັງຊາຍຊະລາ, ຜີສາວ, ເດັກນ້ອຍ ແລະ ຕົວລະຄອນອື່ນໆ ໂດຍສະເພາະບົດບາດຂອງຜີສາວ ທີ່ເກືອບໝົດເລື່ອງມີບົດເວົ້າພຽງປະໂຫຍກດຽວ ໃນຕອນຈົບ ແຕ່ການສະແດງສີໜ້າທ່າທາງໃນຕອນຈົບ ເຮັດໃຫ້ຮູ້ສຶກອິນໄປກັບເລື່ອງໄດ້ຢ່າງງ່າຍດາຍ.

ອີກໜຶ່ງຈຸດທີ່ໜ້າສົນໃຈຄື ຊື່ຂອງຮູບເງົາເລື່ອງນີ້ ແມ່ນເຂົ້າກັບເນື້ອໃນຂອງຮູບເງົາຫຼາຍ ທັງພາສາອັງກິດ The Long Walk” ເພາະມັນສື່ໃຫ້ເຫັນເຖິງການເດີນທາງໄກແບບບໍ່ມີຈຸດສິ້ນສຸດຂອງຕົວລະຄອນທີ່ ວົນກັບໄປບ່ອນເກົ່າສະເໝີ ລວມເຖິງ “ບໍ່ມີວັນຈາກ” ທີ່ຟັງແລ້ວເປັນຕາຢ້ານ ແຕ່ຄວາມຈິງແລ້ວໝາຍເຖິງ ການວຽນວາຍຕາຍເກີດ, ການຄຳນຶງຫາ ລວມທັງຄວາມຮູ້ສຶກທີ່ຕິດຢູ່ໃນໃຈທີ່ ບໍ່ມີວັນຈາກໄປໄສ ເຖິງເວລາຈະຜ່ານໄປດົນສ່ຳໃດກໍຕາມ.

ເຖິງວ່າ ຮູບເງົາເລື່ອງນີ້ຈະເຮັດອອກມາໄດ້ດີ ແຕ່ກໍຕ້ອງຍອມຮັບວ່າ ຮູບເງົາເລື່ອງນີ້ອາດເຂົ້າເຖິງແຕ່ຄົນບາງກຸ່ມ ເພາະເປັນການເລົ່າເລື່ອງຂອງມິຕິເວລາທີ່ສະຫຼັບສັບຊ້ອນ ແບບຂ້ອນຂ້າງເຈັບຫົວພໍສົມຄວນ, ລວມໄປເຖິງເລື່ອງລາວຕ່າງໆທີ່ຖິ້ມເອົາໄວ້ໃນຕອນຈົບແບບງົງໆ, ຫຼັງຈາກທີ່ເບິ່ງຈົບແລ້ວອາດຕ້ອງໄດ້ຫາບົດວິເຄາະກັນແບບໄວໆ ແຕ່ສຳລັບໃຜທີ່ມັກເບິ່ງຮູບເງົາທີ່ຕ້ອງໃຊ້ຄວາມຄິດ ຫຼື ໃຊ້ເວລາໃນການເບິ່ງ ກໍໜ້າຈະຖືກໃຈຮູບເງົາເລື່ອງນີ້ພໍສົມຄວນ ເວົ້າງ່າຍໆ ທີ່ຄົນມັກກໍຈະມັກເລີຍ ສ່ວນຄົນທີ່ບໍ່ມັກກໍຈະບໍ່ມັກເລີຍ ປະມານນີ້.

ແນວໃດກໍດີ ຮູບເງົາເລື່ອງນີ້ເປັນຮູບເງົາຂອງປະເທດລາວ ສ້າງຂຶ້ນໂດຍຄົນລາວ ເຮົາຄວນຈະສົ່ງເສີມ ແລະ ສະໜັບສະໜຸນຮູບເງົາລາວໃຫ້ຫຼາຍໆ ເພື່ອຈະໄດ້ເປັນກຳລັງໃຈໃຫ້ກັບທີມງານຜູ້ສ້າງ ໄດ້ມີແຮງກາຍ ແຮງໃຈໃນການພັດທະນາວົງການຮູບເງົາລາວໃຫ້ກ້າວໜ້າຕໍ່ໄປ.

ສຳລັບຜູ້ທີ່ຈະເບິ່ງຮູບເງົາເລື່ອງນີ້ ຄວນຈະອ່ານເບິ່ງເນື້ອເລື່ອງຫຍໍ້ໃຫ້ເຂົ້າໃຈສາກ່ອນ ຈະໄດ້ບໍ່ສັບສົນເວລາເບິ່ງຕົວຈິງ ແລະ ຫຼັງຈາກທີ່ເບິ່ງຮູບເງົາເລື່ອງນີ້ແລ້ວ ທ່ານໄດ້ຮັບຮູ້ ແລະ ສຳພັດໄດ້ເຖິງຫຍັງແດ່ ກ່ຽວກັບຮູບເງົາເລື່ອງນີ້ ບໍ່ວ່າຈະເປັນເນື້ອເລື່ອງຂອງຮູບເງົາ, ການນຳສະເໜີ, ການລຳດັບພາບ, ສຽງ ແລະ ຄຸນນະພາບຂອງຮູບເງົາ ເປັນແນວໃດ? ແຕ່ຖ້າທ່ານຈະໃຫ້ຄະແນນທ່ານຈະໃຫ້ຄະແນນແບບໃດ? ຢ່າລືມຄອມເມັ້ນບອກກັນແດ່ເດີ້!

ສາມາດເບິ່ງຮູບເງົາເລື່ອງ “ບໍ່ມີວັນຈາກ-The Long Walk” ໄດ້ແລ້ວທີ່ Netflix.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ອາຫານທຸກຄາບມີຜົນຕໍ່ການນອນຫຼັບ

ການນອນຫຼັບ ເປັນການພັກຜ່ອນດີທີ່ສຸດສຳລັບຮ່າງກາຍ ເພາະຊ່ວຍເພີ່ມ ແລະຮັກສາປະສິດທິພາບ ການເຮັດວຽກຂອງອະໄວຍະວະຕ່າງໆ ໃຫ້ສົມບູນແຂງແຮງ. ໃນຂະນະດຽວກັນຜົນເສຍຂອງການນອນບໍ່ພຽງພໍ ຈະເຮັດໃຫ້ຈຸລັງຕ່າງໆ ເສື່ອມສະພາບ, ນຳ້ໜັກເພີ່ມ, ບໍ່ສົດຊື່ນ, ອ່ອນເພຍ ແລະອາລົມປ່ຽນແປງງ່າຍ. ໜຶ່ງໃນເຄັດລັບທີ່ເຮັດໃຫ້ທ່ານນອນຫຼັບໄດ້ດີກໍຄື ອາຫານທຸກຄາບທີ່ທ່ານກິນເຂົ້າໄປນັ້ນເອງ.

ເປີດແອ ນອນຫຼັບໃນລົດ “ສ່ຽງເສຍຊີວິດ”

ຖ້າໃຜຮູ້ໂຕວ່າ ໂຕເອງຕ້ອງຂັບລົດໄກໆ ສິ່ງທຳອິດທີ່ຄວນຄຳນຶງ ກໍຄື ການພັກຜ່ອນໃຫ້ພຽງພໍ ເພື່ອໃຫ້ໄດ້ມີສະຕິທີ່ດີ, ບໍ່ຫຼັບໃນ. ຖ້າພັກຜ່ອນມາບໍ່ພຽງພໍ ຮ່າງກາຍຈະອ່ອນເພຍ ຮູ້ສຶກເຫງົານອນຈົນຕ້ອງຢຸດນອນພັກຜ່ອນແຄມທາງ ຊຶ່ງມັນເປັນສິ່ງທີ່ອັນຕະລາຍທີ່ສຸດຂອງການນອນໃນລົດ, ແຕ່ດ້ວຍຄວາມຮັກສະບາຍ ຄົນສ່ວນຫຼາຍຈຶ່ງເລືອກທີ່ຈະເປີດແອລົດປະໄວ້ຂະນະນອນຫຼັບນັ້ນ ຖືເປັນສິ່ງອັນຕະລາຍຕໍ່ຊີວິດ.

ປະໂຫຍດຈາກ “ຜັກຂະ” ຜັກພື້ນບ້ານຂອງລາວ

ຜັກຂະ ຫຼື ຜັກເນົ່າ ເປັນຜັກພື້ນບ້ານຂອງລາວ ປະຊາຊົນຊາວລາວນິຍົມປູກໄວ້ຕາມແຄມຮົ້ວເຮືອນຂອງຕົນເອງ ໂດຍຄຸນລັກສະນະເດັ່ນຂອງ "ຜັກຂະ" ກໍຄື ເປັນພືດຕະກູນຖົ່ວທີ່ມີໜາມແຫຼມຄົມຕາມກິ່ງກ້ານ, ມີກິ່ນຮຸນແຮງ ບາງທ້ອງຖິ່ນເອີ້ນ ຜັກຂະຕາມກິ່ນວ່າ “ຜັກເນົ່າ”.