Monday, July 15, 2024
Lenovo

ກະຊວງພານິດໄທ – DITP ເປີດງານສະແດງສິນຄ້າໂລຈິສຕິກສະເໝືອນຈິງ TILOG VE 2022 ຊຸກຍູ້ຜູ້ປະກອບການສູ່ຕະຫຼາດໂລກ,  ເຊື່ອມຕໍ່ທຸລະກິດໂລຈິສຕິກໃນພາກພື້ນ

ກົມສົ່ງເສີມການຄ້າລະຫວ່າງປະເທດ (DITP) ກະຊວງພານິດໄທ ເປີດງານສະແດງສິນຄ້າ ໂລຈິສຕິກສະເໝືອນຈິງ ແລະ ເຈລະຈາທຸລະກິດອອນລາຍ (TILOG Virtual Exhibition : TILOG VE 2022) ເປັນປີທີ 2 ຕໍ່ຍອດຄວາມສຳເລັດໂດຍຈັດງານ 3 ມື້ ຕັ້ງແຕ່ ວັນທີ 24-26 ສິງຫາ 2022 ໂດຍນໍາທັບຜູ້ປະກອບການໂລຈິສຕິກໄທລະດັບແຖວໜ້າກວ່າ 50 ບໍລິສັດ ເຊື່ອມໂຍງເຄືອຂ່າຍ ສ້າງພັນທະມິດກັບຜູ້ປະກອບການໂລຈີສຕິກ ຜູ້ນໍາເຂົ້າຕ່າງປະເທດ ເທິງແພັດຟອມ www.tilog-ve.com ຕັ້ງເປົ້າໃຫ້ເກີດມູນຄ່າທາງການຄ້າ ສ້າງລາຍໄດ້ບໍ່ໜ້ອຍກວ່າ 200 ລ້ານບາດ.

ທ່ານພູສິດ ລັດຕະນະກຸນ ເສລີເລິງລິດ ອະທິການບໍດີ ກົມສົ່ງເສີມການຄ້າລະຫວ່າງປະເທດ ເປີດເຜີຍວ່າ: ກົມສົ່ງເສີມການຄ້າລະຫວ່າງປະເທດ ດໍາເນີນການຕາມນະໂຍບາຍຂອງຮອງນາຍົກລັດຖະມົນຕີ ແລະ ລັດຖະມົນຕີວ່າການກະຊວງພານິດໄທ (ທ່ານ ຈຸລິນ ລັກສະນະວິສິດ) ໃນການພັດທະນາຊ່ອງທາງການຕະຫຼາດໃຫ້ກັບພາກບໍລິການ ໂດຍສະເພາະທຸລະກິດໂລຈີສຕິກທີ່ເປັນສ່ວນສຳຄັນໃນການພັດທະນາຂີດຄວາມສາມາດທາງການແຂ່ງຂັນຂອງປະເທດ ແລະ ຍົກລະດັບໃຫ້ປະເທດໄທເປັນສູນກາງໂລຈີສຕິກຂອງພາກພື້ນ. ເຊິ່ງທຸລະກິດບໍລິການໂລຈິສຕິກຂອງໄທມີສັກກະຍະພາບ ແລະ ຍັງມີໂອກາດຂະຫຍາຍຕົວໄດ້ຢ່າງຕໍ່ເນື່ອງ ກົມສົ່ງເສີມການຄ້າລະຫວ່າງປະເທດຈຶ່ງໄດ້ຈັດງານສະແດງສິນຄ້າໂລຈີສຕິກສະເໝືອນຈິງ ແລະ ເຈລະຈາທຸລະກິດອອນລາຍ (TILOG Virtual Exhibition : TILOG VE 2022) ຂື້ນເພື່ອສ້າງໂອກາດທາງການຄ້າສູ່ສາກົນ ຂະຫຍາຍເຄືອຂ່າຍລະຫວ່າງຜູ້ປະກອບການໂລຈີສຕິກໄທ ກັບຕ່າງປະເທດ ລວມເຖິງສະແດງຄວາມພ້ອມຂອງທຸລະກິດ ບໍລິການໂລຈີສຕິກໄທ ຜ່ານການນໍາສະເໜີສິນຄ້າ ແລະ ບໍລິການ ເທິງແພັດຟອມ www.tilog-ve.com

ກິດຈະກຳພາຍໃນງານ TILOG VE 2022 ນອກຈາກຈະມີການນໍາສະເໜີບູສສະແດງສິນຄ້າ ແລະ ບໍລິການຂອງຜູ້ປະກອບການໂລຈີສຕິກໄທກວ່າ 50 ບໍລິສັດ ທີ່ສາມາດເຂົ້າເບິ່ງໄດ້ຕະຫຼອດ 24 ຊົ່ວໂມງຈາກທົ່ວໂລກແລ້ວ ຍັງມີການຈັບຄູ່ເຈລະຈາທຸລະກິດອອນລາຍ (Online Business Matching) ທີ່ຮວບຮວມຜູ້ໃຫ້ບໍລິການໃນ 5 ກຸ່ມສິນຄ້າ/ບໍລິການໄວ້ນໍາກັນ ເພື່ອຕອບໂຈດທຸກຄວາມຕ້ອງການເຊັ່ນ: ກຸ່ມຂົນຖ່າຍວັດສະດຸ, ກຸ່ມບັນຈຸ, ກຸ່ມຄັງສິນຄ້າ, ກຸ່ມເຕັກໂນໂລຊີ ແລະ ນະວັດຕະກໍາໂລຈີສຕິກ ແລະ ກຸ່ມບໍລິການຂົນສົ່ງສິນຄ້າ.

ງານTILOG VE 2022 ເປັນງານສະແດງສິນຄ້າໂລຈີສຕິກສະເໝືອນຈິງທີ່ໄດ້ຮັບການຕອບຮັບເປັນຢ່າງດີ ແລະ ເປັນງານແບບຄົບວົງຈອນສໍາລັບທຸລະກິດໂລຈີສຕິກແຫ່ງທໍາອິດໃນພາກພື້ນອາຊຽນ ລວມເຖິງເປັນສ່ວນໜຶ່ງທີ່ສາມາດສະໜັບສະໜູນໃຫ້ຜູ້ປະກອບການຕະຫຼອດຮອດຜູ້ຜະລິດທັງຂະໜາດນ້ອຍ ຂະໜາດກາງ ແລະ ຂະໜາດໃຫຍ່ມີເຄືອຂ່າຍພັນທະມິດກັບຕ່າງປະເທດໄດ້ຫຼາຍຂື້ນ ເຊິ່ງຈະຊ່ວຍສົ່ງເສີມປະສິດທິພາບໃນການດໍາເນີນທຸລະກິດ ທັງນີ້ຄາດວ່າຈະສ້າງມູນຄ່າທາງການຄ້າລະຫວ່າງການເຈລະຈາທຸລະກິດໄດ້ບໍ່ໜ້ອຍກວ່າ 200 ລ້ານບາດ” ທ່ານ ພູສິດ ລັດຕະນະກຸນ ເສລີເລິງລິດ ອະທິການບໍດີກົມສົ່ງເສີມການຄ້າລະຫວ່າງປະເທດ ກ່າວປີດທ້າຍ

ຜູ້ປະກອບການທີ່ສົນໃຈ ສາມາດລົງທະບຽນເຂົ້າຮ່ວມເບິ່ງງານ TILOG VE 2022 ເທິງ www.tilog-ve.com ໄດ້ຕັ້ງແຕ່ມື້ນີ້ເປັນຕົ້ນໄປ ໂດຍບໍ່ເສຍຄ່າໃຊ້ຈ່າຍ.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.

ສາຍການບິນ Vietjet ບັນລຸ​ຂໍ້​ຕົກລົງ ​ຍົກລະດັບ​ການ​ເຊື່ອມ​ຕໍ່​ການ​ຂົນ​ສົ່ງ​ທາງ​ອາກາດ ລະຫວ່າງ ສປປ ລາວ ແລະ ສສ ຫວຽດນາມ

(ນະຄອນຫຼວງວຽງຈັນ, ວັນທີ 11 ກໍລະກົດ 2024) - ກະຊວງໂຍທາທິການ ແລະ ຂົນສົ່ງປະຈຳ ສປປ ລາວ ແລະ ສາຍການບິນ Vietjet ປະກາດຂໍ້ຕົກລົງເພີ່ມທະວີການເຊື່ອມຕໍ່ການຂົນສົ່ງທາງອາກາດລະຫວ່າງ ປະເທດລາວ-ຫວຽດນາມ.

Sky Connections ໄດ້ຂະຫຍາຍ: ເສັ້ນທາງໃໝ່ຂອງສາຍການບິນ Vietjet ໃນທົ່ວປະເທດຈີນ ແລະ ເກົາຫຼີໃຕ້

(ນະຄອນຫຼວງວຽງຈັນ, ວັນທີ 08 ກໍລະກົດ 2024) –  ສາຍການບິນ Vietjet ໄດ້ສ້າງບາດກ້າວຄັ້ງໃໝ່ໃນການເຊື່ອມຕໍ່ສາຍການບິນຜ່ານ ພາກພື້ນອາຊີປາຊີຟິກ ດ້ວຍ​ການ​ເປີດ​ບໍລິການ​ໂດຍ​ກົງ​ແຫ່ງ​ທຳ​ອິດ ​ທີ່​ເຊື່ອມ​ຕໍ່​ ນະຄອນໂຮຈີ​ມິນ ​- Xi'an (ຈີນ) ​ແລະ ການ​ປະກາດ​ເສັ້ນທາງ Nha Trang - Daegu (ສ.​ເກົາຫຼີ),