Sunday, May 19, 2024
Lenovo

ລົງທຶນຜະລິດເອງ ຫຼຸດຜ່ອນການນຳເຂົ້າຈາກຕ່າງປະເທດ.

ໃນໄລຍະທີ່ຜ່ານມາ ທົ່ວໂລກປະເຊີນກັບວິກິດກັບພະຍາດລະບາດ ໂຄວິດ-19 ລວມທັງປະເທດລາວເຮົາ ເຊິ່ງເຮັດໃຫ້ຫຼາຍໆທຸລະກິດຕ້ອງປະສົບກັບບັນຫາຫຼາຍໆຢ່າງ ເປັນຕົ້ນແມ່ນການນຳເຂົ້າສິນຄ້າມາຈຳໜ່າຍຢູ່ປະເທດລາວ ທີ່ມີຕົ້ນທຶນການນຳເຂົ້າສູງຂຶ້ນ ຈົນເຮັດໃຫ້ນັກທຸລະກິດລາວຫຼາຍທ່ານ ເລືອກທີ່ຈະຫັນມາຜະລິດສິນຄ້າຈຳໜ່າຍເອງ ໂດຍອາໄສການຮຽນຮູ້ ແລະ ປະສົບການຈາກຕ່າງປະເທດ.

ທ່ານ ທອງສະຫວັນ ກິຕິຄຳມູນ

ເຊັ່ນດຽວກັນກັບ ທ່ານ ທອງສະຫວັນ ກິຕິຄຳມູນ, ເຈົ້າຂອງ ບໍລິສັດ ປັງທອງ ເບເກີຣີ ຈຳກັດຜູ້ດຽວ ທີ່ຕັດສິນໃຈຕັ້ງໂຮງງານຜະລິດເຂົ້າໜົມປັງ ຈຳໜ່າຍເອງ ໂດຍຫຼຸດຜ່ອນການນຳເຂົ້າສິນຄ້າຈາກາຕ່າງປະເທດ ທີ່ມີຕົ້ນທຶນການຜະລິດ ແລະ ຄ່າຂົນສົ່ງທີ່ສູງຂຶ້ນ.

ທ່ານ ທອງສະຫວັນ ກ່າວວ່າ: ກ່ອນໜ້າທີ່ພະຍາດ ໂຄວິດ-19 ຈະເຂົ້າມາແຜ່ລະບາດຢູ່ປະເທດລາວ ເພິ່ນເຮັດທຸລະກິດກ່ຽວກັບມິນິມາດ ແລະ ໄດ້ນຳເຂົ້າຂະໜົມປັງ ຈາກຕ່າງປະເທດມາຈຳໜ່າຍຢູ່ທີ່ມິນິມາດຂອງເພິ່ນ, ແຕ່ພາຍຫຼັງທີ່ ໂຄວິດ ເລີ່ມລະບາດໜັກ ແລະ ໄດ້ລ໊ອກດາວພພື້ນທີ່ຕ່າງໆທົ່ວປະເທດລວມທັງໂຈະການນຳເຂົ້າສິນຄ້າຈາກຕ່າງປະເທດ ເຮັດໃຫ້ການນຳເຂົ້າໜົມຈາກຕ່າງປະເທດຫຼຸດລົງເຮັດໃຫ້ສິນຄ້າຂາດຕະຫຼາດ ຈຶ່ງມາຄິດວ່າເຮັດແນວໃດຈະມີສິນຄ້າມາຈຳໜ່າຍໃຫ້ກັບລູກຄ້າ.

ດ້ວຍຄວາມທີ່ມັກໃນການເຮັດເຂົ້າໜົມຢູ່ແລ້ວ ເພິ່ນຈຶ່ງໄດ້ໄປສຶກສາຕື່ມກ່ຽວກັບການເຮັດເຂົ້າໜົມປັງຊະນິດຕ່າງໆຢູ່ຕ່າງປະເທດ ແລ້ວມາປັບສູດໃຫ້ແທດເໝາະກັບຕະຫຼາດຢູ່ບ້ານເຮົາ ແລະ ໄດ້ເພີ່ມເມນູເຂົ້າໜົມປັງໃໝ່ໆ ອອກມາເພື່ອເປັນອີກທາງເລືອກໃຫ້ກັບລູກຄ້າ.

ຈາກນັ້ນເພິ່ນຈຶ່ງຕັດສິນໃຈທົດລອງຜະລິດເຂົ້າໜົມປັງທອງອອກຈຳໜ່າຍຢູ່ມິນິມາດ ເພິ່ນເອງ ເພື່ອທົດແທນສິນຄ້າທີ່ນຳເຂົ້າມາບໍ່ໄດ້ ແລະ ເຫັນວ່າໄດ້ຮັບການຕອບຮັບດີຈາກລູກຄ້າ ເພິ່ນຈຶ່ງເລີ່ມຂະຫຍາຍການຜະລິດອອກມາເລື້ອຍໆ ຈາກທີ່ມີພະນັກງານພຽງແຕ່ 3 ຄົນ ກໍເພີ່ມຂຶ້ນເປັນ 20 ກວ່າຄົນໃນ ປັດຈຸບັນ ເພື່ອເປັນການຕອບສະໜອງກັບຄວາມຕ້ອງການຂອງລູກຄ້າທີ່ເພີ່ມຂຶ້ນ.

ທ່ານ ທອງສະຫວັນ ກ່າວວ່າ: ປັດຈຸບັນ ເຂົ້າໜົມປັງທີ່ເຄີຍນຳເຂົ້າຈາກຕ່າງປະເທດມາຈຳໜ່າຍ ແມ່ນສາມາດຜະລິດເອງໄດ້ເກືອບທຸກເມນູ ຕາມທີ່ຕະຫຼາດຕ້ອງການ ເປັນຕົ້ນແມ່ນເຂົ້າໜົມປັງແຜ່ນ, ເຂົ້າໜົມປັງແຊນວິດ, ຄົວຊອງ ແລະ ອື່ນໆ ອີກຫຼາກຫຼາຍເມນູ.

ສຳລັບການແຂ່ງຂັນກັບຕະຫຼາດຂະໜົມທີ່ນຳເຂົ້າຈາກຕ່າງປະເທດ ບອກໄດ້ເລີຍວ່າ ຜະລິດຢູ່ບ້ານເຮົາໄດ້ປຽບກວ່ານຳເຂົ້າມາຂາຍ ເຖິງວ່າຕົ້ນທຶນການຜະລິດຈະສູງຂຶ້ນກໍຕາມ ແຕ່ເຮົາກໍຍັງສາມາດກຳນົດລາຄາທີ່ສົມເຫດສົມຜົນໄດ້ ໂດຍສະເພາະໃນໄລຍະທີ່ອັດຕາແລກປ່ຽນທີ່ສູງຂຶ້ນ ແລະ ການບໍລິການຫຼັງການຂາຍທີ່ມີຄວາມສະໝ່ຳສະເໝີ, ເພາະການຜະລິດເຂົ້າໜົມປັງປະເພດນີ້ແມ່ນເນັ້ນຄວາມສົດໃໝ່ທຸກມື້ ແລະ ເຂົ້າໜົມປັງກໍມີອາຍຸສັ້ນ ສະນັ້ນ, ນອກຈາກຈະຜະລິດເຂົ້າໜົມປັງທີ່ມີຄຸນນະພາບອອກມາແລ້ວ ການບໍລິການກໍເປັນສິ່ງສຳຄັນ ຖ້າຫາກວ່າສິນຄ້າຂາຍບໍ່ໝົດ ຫຼື ໃກ້ຈະໝົດອາຍຸ ເຮົາກໍຈະເກັບຄືນໂດຍເອົາໂຕທີ່ຜະລິດອອກມາໃໝ່ໄປແທນ ເພື່ອສ້າງຄວາມໝັ້ນໃຈໃຫ້ກັບລູກຄ້າ.

ຍ້ອນຈຸດພິເສດໃນການບໍລິການ ແລະ ການສ້າງສັນຜະລິດຕະພັນໃໝ່ໆ ອອກມາ ພາໃຫ້ເຂົ້າໜົມ ປັງທອງ ມີຖານລູກຄ້າ ທີ່ຫຼາກຫຼາຍກຸ່ມຂຶ້ນ ແລະ ຊ່ວຍເພີ່ມອັດຕາສ່ວນການຕະຫຼາດໃນການຈຳໜ່າຍຜະລິດຕະພັນເຂົ້າໜົມປັງທອງໃນສັງຄົມ ໂດຍສະເພາະ ການຈຳໜ່າຍໃນຮ້ານມິນິມາດ ຢູ່ ນະຄອນຫຼວງ ວຽງຈັນ ແມ່ນກວມ 50% ໃນເວລານີ້ ແລະ ອັດຕາສ່ວນຕະຫຼາດໃນການຈຳໜ່າຍເຂົ້າໜົມປັງພາຍໃນປະເທດ ແມ່ນກວມ 10%.

ທັງນີ້, ປັງທອງ ຍັງບໍ່ທັນເນັ້ນການຕະຫຼາດ ແບບກະຈາຍສິນຄ້າລົງຕາມຮ້ານ ຂາຍຍົກ-ຂາຍຍ່ອຍ ຫຼື ຕາມຕະຫຼາດທົ່ວໄປເທື່ອ ເພາະຈະເນັ້ນກະຈາຍສິນຄ້າລົງຕາມຮ້ານສະດວກຊື້ເປັນຫຼັກ; ເຊິ່ງໃນປັດຈຸບັນມີຕົວແທນຈຳໜ່າຍທີ່ເປັນຮ້ານສະດວກຊື້ຫຼາຍກວ່າຮ້ອຍຫົວໜ່ວຍ; ໃນນີ້ແມ່ນມີຮ້ານວາງສະແດງຜະລິດຕະພັນເຂົ້າໜົມປັງທອງ ຢູ່ 3 ແຫ່ງຄື: ສູນການຄ້າພາກຊັນ, ອາຄານລາວໂທລະຄົມ ແລະ ຢູ່ທີ່ ບ້ານ ສວນມອນ.

ທ້າຍນີ້ ທ່ານ ທອງສະຫວັນ ກໍຢາກໃຫ້ຄົນລາວເປີດໃຈຍອມຮັບກັບສິນຄ້າທີ່ຜະລິດໂດຍຄົນລາວ ແລະ ຢາກໃຫ້ຊ່ວຍສະໜັບສະໜຸນສິນຄ້າລາວ ໃຫ້ມີຊື່ສຽງຢູ່ໃນຕະຫຼາດ ເພື່ອແຂ່ງຂັນກັບສິນຄ້າຕ່າງປະເທດໄດ້. ນອກຈາກນີ້, ກໍຍັງເປັນການສ້າງວຽກເຮັດງານທຳ ແລະ ສ້າງລາຍຮັບໃຫ້ກັບຄົນລາວນຳອີກ.

ໃນໄລຍະທີ່ຜ່ານມາ ທົ່ວໂລກປະເຊີນກັບວິກິດກັບພະຍາດລະບາດ ໂຄວິດ-19 ລວມທັງປະເທດລາວເຮົາ ເຊິ່ງເຮັດໃຫ້ຫຼາຍໆທຸລະກິດຕ້ອງປະສົບກັບບັນຫາຫຼາຍໆຢ່າງ ເປັນຕົ້ນແມ່ນການນຳເຂົ້າສິນຄ້າມາຈຳໜ່າຍຢູ່ປະເທດລາວ ທີ່ມີຕົ້ນທຶນການນຳເຂົ້າສູງຂຶ້ນ ຈົນເຮັດໃຫ້ນັກທຸລະກິດລາວຫຼາຍທ່ານ ເລືອກທີ່ຈະຫັນມາຜະລິດສິນຄ້າຈຳໜ່າຍເອງ ໂດຍອາໄສການຮຽນຮູ້ ແລະ ປະສົບການຈາກຕ່າງປະເທດ.

ທ່ານ ທອງສະຫວັນ ກິຕິຄຳມູນ

ເຊັ່ນດຽວກັນກັບ ທ່ານ ທອງສະຫວັນ ກິຕິຄຳມູນ, ເຈົ້າຂອງ ບໍລິສັດ ປັງທອງ ເບເກີຣີ ຈຳກັດຜູ້ດຽວ ທີ່ຕັດສິນໃຈຕັ້ງໂຮງງານຜະລິດເຂົ້າໜົມປັງ ຈຳໜ່າຍເອງ ໂດຍຫຼຸດຜ່ອນການນຳເຂົ້າສິນຄ້າຈາກາຕ່າງປະເທດ ທີ່ມີຕົ້ນທຶນການຜະລິດ ແລະ ຄ່າຂົນສົ່ງທີ່ສູງຂຶ້ນ.

ທ່ານ ທອງສະຫວັນ ກ່າວວ່າ: ກ່ອນໜ້າທີ່ພະຍາດ ໂຄວິດ-19 ຈະເຂົ້າມາແຜ່ລະບາດຢູ່ປະເທດລາວ ເພິ່ນເຮັດທຸລະກິດກ່ຽວກັບມິນິມາດ ແລະ ໄດ້ນຳເຂົ້າຂະໜົມປັງ ຈາກຕ່າງປະເທດມາຈຳໜ່າຍຢູ່ທີ່ມິນິມາດຂອງເພິ່ນ, ແຕ່ພາຍຫຼັງທີ່ ໂຄວິດ ເລີ່ມລະບາດໜັກ ແລະ ໄດ້ລ໊ອກດາວພພື້ນທີ່ຕ່າງໆທົ່ວປະເທດລວມທັງໂຈະການນຳເຂົ້າສິນຄ້າຈາກຕ່າງປະເທດ ເຮັດໃຫ້ການນຳເຂົ້າໜົມຈາກຕ່າງປະເທດຫຼຸດລົງເຮັດໃຫ້ສິນຄ້າຂາດຕະຫຼາດ ຈຶ່ງມາຄິດວ່າເຮັດແນວໃດຈະມີສິນຄ້າມາຈຳໜ່າຍໃຫ້ກັບລູກຄ້າ.

ດ້ວຍຄວາມທີ່ມັກໃນການເຮັດເຂົ້າໜົມຢູ່ແລ້ວ ເພິ່ນຈຶ່ງໄດ້ໄປສຶກສາຕື່ມກ່ຽວກັບການເຮັດເຂົ້າໜົມປັງຊະນິດຕ່າງໆຢູ່ຕ່າງປະເທດ ແລ້ວມາປັບສູດໃຫ້ແທດເໝາະກັບຕະຫຼາດຢູ່ບ້ານເຮົາ ແລະ ໄດ້ເພີ່ມເມນູເຂົ້າໜົມປັງໃໝ່ໆ ອອກມາເພື່ອເປັນອີກທາງເລືອກໃຫ້ກັບລູກຄ້າ.

ຈາກນັ້ນເພິ່ນຈຶ່ງຕັດສິນໃຈທົດລອງຜະລິດເຂົ້າໜົມປັງທອງອອກຈຳໜ່າຍຢູ່ມິນິມາດ ເພິ່ນເອງ ເພື່ອທົດແທນສິນຄ້າທີ່ນຳເຂົ້າມາບໍ່ໄດ້ ແລະ ເຫັນວ່າໄດ້ຮັບການຕອບຮັບດີຈາກລູກຄ້າ ເພິ່ນຈຶ່ງເລີ່ມຂະຫຍາຍການຜະລິດອອກມາເລື້ອຍໆ ຈາກທີ່ມີພະນັກງານພຽງແຕ່ 3 ຄົນ ກໍເພີ່ມຂຶ້ນເປັນ 20 ກວ່າຄົນໃນ ປັດຈຸບັນ ເພື່ອເປັນການຕອບສະໜອງກັບຄວາມຕ້ອງການຂອງລູກຄ້າທີ່ເພີ່ມຂຶ້ນ.

ທ່ານ ທອງສະຫວັນ ກ່າວວ່າ: ປັດຈຸບັນ ເຂົ້າໜົມປັງທີ່ເຄີຍນຳເຂົ້າຈາກຕ່າງປະເທດມາຈຳໜ່າຍ ແມ່ນສາມາດຜະລິດເອງໄດ້ເກືອບທຸກເມນູ ຕາມທີ່ຕະຫຼາດຕ້ອງການ ເປັນຕົ້ນແມ່ນເຂົ້າໜົມປັງແຜ່ນ, ເຂົ້າໜົມປັງແຊນວິດ, ຄົວຊອງ ແລະ ອື່ນໆ ອີກຫຼາກຫຼາຍເມນູ.

ສຳລັບການແຂ່ງຂັນກັບຕະຫຼາດຂະໜົມທີ່ນຳເຂົ້າຈາກຕ່າງປະເທດ ບອກໄດ້ເລີຍວ່າ ຜະລິດຢູ່ບ້ານເຮົາໄດ້ປຽບກວ່ານຳເຂົ້າມາຂາຍ ເຖິງວ່າຕົ້ນທຶນການຜະລິດຈະສູງຂຶ້ນກໍຕາມ ແຕ່ເຮົາກໍຍັງສາມາດກຳນົດລາຄາທີ່ສົມເຫດສົມຜົນໄດ້ ໂດຍສະເພາະໃນໄລຍະທີ່ອັດຕາແລກປ່ຽນທີ່ສູງຂຶ້ນ ແລະ ການບໍລິການຫຼັງການຂາຍທີ່ມີຄວາມສະໝ່ຳສະເໝີ, ເພາະການຜະລິດເຂົ້າໜົມປັງປະເພດນີ້ແມ່ນເນັ້ນຄວາມສົດໃໝ່ທຸກມື້ ແລະ ເຂົ້າໜົມປັງກໍມີອາຍຸສັ້ນ ສະນັ້ນ, ນອກຈາກຈະຜະລິດເຂົ້າໜົມປັງທີ່ມີຄຸນນະພາບອອກມາແລ້ວ ການບໍລິການກໍເປັນສິ່ງສຳຄັນ ຖ້າຫາກວ່າສິນຄ້າຂາຍບໍ່ໝົດ ຫຼື ໃກ້ຈະໝົດອາຍຸ ເຮົາກໍຈະເກັບຄືນໂດຍເອົາໂຕທີ່ຜະລິດອອກມາໃໝ່ໄປແທນ ເພື່ອສ້າງຄວາມໝັ້ນໃຈໃຫ້ກັບລູກຄ້າ.

ຍ້ອນຈຸດພິເສດໃນການບໍລິການ ແລະ ການສ້າງສັນຜະລິດຕະພັນໃໝ່ໆ ອອກມາ ພາໃຫ້ເຂົ້າໜົມ ປັງທອງ ມີຖານລູກຄ້າ ທີ່ຫຼາກຫຼາຍກຸ່ມຂຶ້ນ ແລະ ຊ່ວຍເພີ່ມອັດຕາສ່ວນການຕະຫຼາດໃນການຈຳໜ່າຍຜະລິດຕະພັນເຂົ້າໜົມປັງທອງໃນສັງຄົມ ໂດຍສະເພາະ ການຈຳໜ່າຍໃນຮ້ານມິນິມາດ ຢູ່ ນະຄອນຫຼວງ ວຽງຈັນ ແມ່ນກວມ 50% ໃນເວລານີ້ ແລະ ອັດຕາສ່ວນຕະຫຼາດໃນການຈຳໜ່າຍເຂົ້າໜົມປັງພາຍໃນປະເທດ ແມ່ນກວມ 10%.

ທັງນີ້, ປັງທອງ ຍັງບໍ່ທັນເນັ້ນການຕະຫຼາດ ແບບກະຈາຍສິນຄ້າລົງຕາມຮ້ານ ຂາຍຍົກ-ຂາຍຍ່ອຍ ຫຼື ຕາມຕະຫຼາດທົ່ວໄປເທື່ອ ເພາະຈະເນັ້ນກະຈາຍສິນຄ້າລົງຕາມຮ້ານສະດວກຊື້ເປັນຫຼັກ; ເຊິ່ງໃນປັດຈຸບັນມີຕົວແທນຈຳໜ່າຍທີ່ເປັນຮ້ານສະດວກຊື້ຫຼາຍກວ່າຮ້ອຍຫົວໜ່ວຍ; ໃນນີ້ແມ່ນມີຮ້ານວາງສະແດງຜະລິດຕະພັນເຂົ້າໜົມປັງທອງ ຢູ່ 3 ແຫ່ງຄື: ສູນການຄ້າພາກຊັນ, ອາຄານລາວໂທລະຄົມ ແລະ ຢູ່ທີ່ ບ້ານ ສວນມອນ.

ທ້າຍນີ້ ທ່ານ ທອງສະຫວັນ ກໍຢາກໃຫ້ຄົນລາວເປີດໃຈຍອມຮັບກັບສິນຄ້າທີ່ຜະລິດໂດຍຄົນລາວ ແລະ ຢາກໃຫ້ຊ່ວຍສະໜັບສະໜຸນສິນຄ້າລາວ ໃຫ້ມີຊື່ສຽງຢູ່ໃນຕະຫຼາດ ເພື່ອແຂ່ງຂັນກັບສິນຄ້າຕ່າງປະເທດໄດ້. ນອກຈາກນີ້, ກໍຍັງເປັນການສ້າງວຽກເຮັດງານທຳ ແລະ ສ້າງລາຍຮັບໃຫ້ກັບຄົນລາວນຳອີກ.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ອາຫານທຸກຄາບມີຜົນຕໍ່ການນອນຫຼັບ

ການນອນຫຼັບ ເປັນການພັກຜ່ອນດີທີ່ສຸດສຳລັບຮ່າງກາຍ ເພາະຊ່ວຍເພີ່ມ ແລະຮັກສາປະສິດທິພາບ ການເຮັດວຽກຂອງອະໄວຍະວະຕ່າງໆ ໃຫ້ສົມບູນແຂງແຮງ. ໃນຂະນະດຽວກັນຜົນເສຍຂອງການນອນບໍ່ພຽງພໍ ຈະເຮັດໃຫ້ຈຸລັງຕ່າງໆ ເສື່ອມສະພາບ, ນຳ້ໜັກເພີ່ມ, ບໍ່ສົດຊື່ນ, ອ່ອນເພຍ ແລະອາລົມປ່ຽນແປງງ່າຍ. ໜຶ່ງໃນເຄັດລັບທີ່ເຮັດໃຫ້ທ່ານນອນຫຼັບໄດ້ດີກໍຄື ອາຫານທຸກຄາບທີ່ທ່ານກິນເຂົ້າໄປນັ້ນເອງ.

ເປີດແອ ນອນຫຼັບໃນລົດ “ສ່ຽງເສຍຊີວິດ”

ຖ້າໃຜຮູ້ໂຕວ່າ ໂຕເອງຕ້ອງຂັບລົດໄກໆ ສິ່ງທຳອິດທີ່ຄວນຄຳນຶງ ກໍຄື ການພັກຜ່ອນໃຫ້ພຽງພໍ ເພື່ອໃຫ້ໄດ້ມີສະຕິທີ່ດີ, ບໍ່ຫຼັບໃນ. ຖ້າພັກຜ່ອນມາບໍ່ພຽງພໍ ຮ່າງກາຍຈະອ່ອນເພຍ ຮູ້ສຶກເຫງົານອນຈົນຕ້ອງຢຸດນອນພັກຜ່ອນແຄມທາງ ຊຶ່ງມັນເປັນສິ່ງທີ່ອັນຕະລາຍທີ່ສຸດຂອງການນອນໃນລົດ, ແຕ່ດ້ວຍຄວາມຮັກສະບາຍ ຄົນສ່ວນຫຼາຍຈຶ່ງເລືອກທີ່ຈະເປີດແອລົດປະໄວ້ຂະນະນອນຫຼັບນັ້ນ ຖືເປັນສິ່ງອັນຕະລາຍຕໍ່ຊີວິດ.

ປະໂຫຍດຈາກ “ຜັກຂະ” ຜັກພື້ນບ້ານຂອງລາວ

ຜັກຂະ ຫຼື ຜັກເນົ່າ ເປັນຜັກພື້ນບ້ານຂອງລາວ ປະຊາຊົນຊາວລາວນິຍົມປູກໄວ້ຕາມແຄມຮົ້ວເຮືອນຂອງຕົນເອງ ໂດຍຄຸນລັກສະນະເດັ່ນຂອງ "ຜັກຂະ" ກໍຄື ເປັນພືດຕະກູນຖົ່ວທີ່ມີໜາມແຫຼມຄົມຕາມກິ່ງກ້ານ, ມີກິ່ນຮຸນແຮງ ບາງທ້ອງຖິ່ນເອີ້ນ ຜັກຂະຕາມກິ່ນວ່າ “ຜັກເນົ່າ”.