ນັບຕັ້ງແຕ່ທີ່ Netflix ປະກາດວ່າຈະປັບປຸງເລື່ອງຂອງການແຊຮໄອດີຫ້ອງກັນ ຫຼື ການຫານໄອດີ ເຊິ່ງການແຊຮໄອດີເຮັດໃຫ້ເນັດຟິກເສຍລາຍໄດ້ຈຳນວນມະຫາສານ ເລີຍຈໍາເປັນຈະຕ້ອງແຊຮໃຫ້ຄົນໃນບ້ານເທົ່ານັ້ນ ຖ້າແຊຮໃຫ້ຄົນອື່ນຈະເບິ່ງບໍ່ໄດ້ ການທີ່ເນັດຟິກຕ້ອງການປັບປຸງກໍເພື່ອທີ່ຈະສ້າງລາຍໄດ້ໃຫ້ຫຼາຍຂຶ້ນກ່ອນເກົ່າ.
ປັດຈຸບັນ Netflix ໄດ້ມີການ Block Zone ປະເທດລາວເຮົົາ, ເຊິ່ງຫຼາຍຄົນໜ້າຈະງົງວ່າເປັນຫຍັງຕ້ອງ Block Zone? ການທີ່ເນັດຟິກ Block Zone ປະເທດລາວເຮົາກໍເພື່ອໃຫ້ຄົນລາວບໍ່ສາມາດ ໄປຊື້ໄອດີເນັດຟິກ ກັບ ປະເທດອື່ນໆໃນລາຄາຂອງປະເທດນັ້ນໆໄດ້ ເຊິ່ງຖ້າເຮົາໄປຊື້ໄອດີຂອງປະເທດອື່ນມາເບິ່ງ ກໍຈະບໍ່ສາມາດເຂົ້າເບິ່ງວີໂດໂອໄດ້ເລີຍ ແລະ ເຖິງວ່າຈະເປັນໄອດີລາວເຮົາເອງ ບາງສະຖານທີໃນລາວກໍຖືກ Block Zone ປິດກັ້ນບໍ່ໃຫ້ເຂົ້າເບິ່ງ.
ສາເຫດທີ່ເນັດຟິກ Block Zone ປະເທດລາວເຮົາກໍເພື່ອໃຫ້ເຮົາໄປຊື້ໄອດີທີ່ເປັນຂອງປະເທດລາວເຮົາໂດຍສະເພາະ ໃນລາຄາທີ່ທາງເນັດຟິກໄດ້ກຳນົດໃຫ້, ປັດຈຸບັນ ໃນລາວເຮົາຈະມີຢູ່ 4 ລາຄາໃຫ້ເລືອກໃຊ້ງານ ຄື: $3.99 (ລາຄາ 64.000 ກີບ), $7.99 (ລາຄາ 125.000 ກີບ), $9.99 (ລາຄາ 160.000 ກີບ) ແລະ $11.99 (ລາຄາ 190.000 ກີບ) (ລາຄານີ້ແມ່ນໄລ່ຈາກເລດເງິນ 1 USD=16.000 ກີບ) ເຊິ່ງແຕ່ລະລາຄາຈະມີຄວາມແຕກຕ່າງກັນ ເຊັ່ນວ່າ: ໂຕທີ່ລາຄາຕໍ່າສຸດ ຈະບໍ່ສາມາດເບິ່ງພ້ອມກັນໄດ້ ເບິ່ງໄດ້ແຕ່ໜ້າຈໍດຽວ ບໍ່ສາມາດເບິ່ງຜ່ານໂທລະພາບ-ຄອມໄດ້ ແລະ ບໍ່ສາມາດເບິ່ງໃນຄວາມຄົມຊັດ HD-ULTRA HD ໄດ້.
ລາຄາທີ່ພຽງຂຶ້ນມາສອງເທົ່າຈາກໂຕລາຄາຕໍ່າສຸດ ແມ່ນ $7.99 ຄ້າຍໆກັບລາຄາໂຕທີ່ຕໍ່າສຸດພຽງແຕ່ ສາມາດເບິ່ງຜ່ານໂທລະພາບ-ຄອມໄດ້, ສ່ວນລາຄາ $9.99 ສາມາດເບິ່ງພ້ອມກັນໄດ້ສອງໜ້າຈໍ ແລະ ເບິ່ງແບບຄວາມຄົມຊັດ HD ແລະ ສຸດທ້າຍໃນລາຄາ $11.99 ໂຕທີ່ແພງທີ່ສຸດແມ່ນສາມາດເບິ່ງພ້ອມກັນໄດ້ເຖິງ 4 ໜ້າຈໍ ສາມາດເບິ່ງຜ່ານທຸກຢ່າງໄດ້ທັງໂທລະສັບ-ຄອມ-ໂທລະພາບ ແລະ ມີສາມາດເບິ່ງວີດີໂອຢູ່ໃນຄວາມຄົມຊັດແບບ ULTRA HD ໄດ້.
ຢູ່ລາວເຮົາຈະສະໝັກເນັດຟິດໄດ້ນັ້ນ ຈະຕ້ອງຊໍາລະຜ່ານທາງ ບັດ VISA, ບັດ Master Card, Paypal ແລະ American Express ເທົ່ານັ້ນ.
ສະຕີມມິງທີ່ເປັນຄູ່ແຂ່ງຂອງເນັດຟິກ ໄດ້ເລິີ່ມພາກັນຂະຫຍາຍຕົວຂຶ້ນເລື້ອຍໆ ໂດຍສະເພາະ Disney+, VIU, WeTV, IQIY, HBO ແລະ ອື່ນໆ ຈົນເຮັດໃຫ້ເນັດຟິກເກີດການສູນເສຍ, ຫຼ້າສຸດ ເດືອນສິງຫາທີ່ຜ່ານມາ ເນັດຟິກໄດ້ປະກາດວ່າຈະສ້າງແພັກເກັດໃຫມ່ຂຶ້ນມາເຊິ່ງລາຄາຈະຖືກລົງ ແຕ່ມີໂຄສະນາເພີ່ມເຂົົ້າມາ ເຊິ່ງມັນອາດຈະເປັນອີກໜຶ່ງທາງເລືອກໃຫ້ກັບຜູ້ທີ່ບໍ່ຕ້ອງການເສຍເງິນຫຼາຍ ແຕ່ຍັງບໍ່ມີກຳນົດມື້ສ້າງແພັກເກັດທີ່ແນ່ນອນ.
ແຕ່ເຖິງຢ່າງໃດກໍຕາມ ການທີ່ເຮົາສະໝັກເນັດຟິກມາໃຊ້ງານເອງຖືວ່າເປັນການດີທີ່ສຸດ ເພາະໃນບັດຈຸບັນ ໄດ້ມີການ Block Zone ເຊິ່ງຖ້າເຮົາໄປຊື້ໃຊ້ໄອດີຮ່ວມກັບຜູ້ອື່ນມາກໍອາດຈະເປັນໄອດີຂອງຕ່າງປະເທດ ຫຼື ເປັນໄອດີທີ່ຖືກ Block Zone ເຮົາຈະເສຍເງິນລ້າໆ ແລະ ຍັງບໍ່ໄດ້ເບິ່ງໜັງອີກ.