ທ່ານ ໂຈມແຍງ ແພງທອງສະຫວັດ ຫົວໜ້າຫ້ອງການ ຄະນະກຳມະການຄຸ້ມຄອງແຫ່ງຊາດ ເພື່ອການແກ້ໄຂບັນຫາລະເບີດບໍ່ທັນແຕກ ທີ່ຕົກຄ້າງຢູ່ ສປປ ລາວ ໄດ້ໃຫ້ຮູ້ວ່າ ໄລຍະເວລາ 26 ປີຜ່ານມາ ສາມາດກູ້ລະເບີດຈາກສົງຄາມໄດ້ແຕ່ 1% ເທົ່ານັ້ນ ຍັງເຫຼືອອີກ 99% ຖ້າທຽບໃສ່ພື້ນທີ່ໆໄດ້ຮັບຜົນກະທົບ ເຊິ່ງຈາກການວິເຄາະແມ່ນ ເປັນ 87 ພັນກິໂລຕາແມັດ ແລະ ພວກເຮົາໄດ້ສະເລ່ຍໃສ່ຈຳນວນປີ ຍັງອີກ 1.860 ປີ ຈຶ່ງສາມາດບັນລຸການສຳຫຼວດກວດກູ້ລະເບີດບໍ່ທັນແຕກ ທີ່ຕົກຄ້າງຢູ່ ສປປ ລາວ ໄດ້ທັງໝົດ.
ການສຳຫຼວດການກວດກູ້ ແລະ ການຊ່ວຍເຫຼືອຜູ້ຖືກເຄາະຮ້າຍ ແລະ ຄຽງຄູ່ກັນນັ້ນຍັງໄດ້ອຳນວຍຄວາມສະດວກໃຫ້ແກ່ທຸກອົງການທີ່ປະຕິບັດງານທັງພາຍໃນ ແລະ ຕ່າງປະເທດ ທີ່ມີຈຸດປະສົງທີ່ຈະແກ້ໄຂບັນຫາລະເບີດບໍ່ທັນແຕກທີ່ຕົກຄ້າງຢູ່ ສປປ ລາວ ເພື່ອເປັນການພັດທະນາເສດຖະກິດ-ສັງຄົມ ເປັນການພັດທະນາຊີວິດການເປັນຢູ່ຂອງປະຊາຊົນລາວບັນດາເຜົ່າ.
ແຂວງສາລະວັນ ຍັງເປັນແຂວງທີ່ລະເບີດຕົກຄ້າງເປັນອັນດັບ 4 ຂອງປະເທດ ການເຄື່ອນໄຫວໃນຄັ້ງນີ້ເຫັນວ່າບັນດາປະເທດຜູ້ໃຫ້ທຶນມີຄວາມສົນໃຈ ໃນການຈັດຕັ້ງການຢ້ຽມຍາມ ການຕິດຕາມເບິ່ງຕົວຈິງ ໃນການເຄື່ອນໄຫວການໂຄສະນາສຶກສາຄວາມສ່ຽງໄພ ຊຶ່ງເປັນມາດຕະການຕົ້ນຕໍໜຶ່ງເຮັດໃຫ້ພໍ່ແມ່ປະຊາຊົນ ເຮັດໃຫ້ນ້ອງໆນັກຮຽນເຂົ້າໃຈ ແລະ ຮູ້ວິທີຫຼີກລ່ຽງຈາກການເກີດອຸບັດເຫດ.
ນອກນັ້ນ, ຈະໄດ້ສຸມໃສ່ການຈັດຕັ້ງການກຳນົດບຸລິມະສິດໃນການສຳຫຼວດກວດກູ້ ແລະເຮັດໃຫ້ການກວດກູ້ມີປະສິດທິພາບ ແລະ ປະສິດທິຜົນຂຶ້ນຕື່ມ ໃນແຕ່ລະປີພວກເຮົາກໍໄດ້ສົມທົບກັບພາກສ່ວນທີ່ກ່ຽວຂ້ອງຈັດຕັ້ງການລະດົມທຶນຜ່ານກອງປະຊຸມຕ່າງໆ ການແລກປ່ຽນຂໍ້ມູນຂ່າວສານຕ່າງໆ ພວກເຮົາຍັງໄດ້ເຊີນຜູ້ໃຫ້ທຶນຕ່າງໆມາເບິ່ງຕົວຈິງ.
ທີ່ມາ: ປະຊາຊົນ