Monday, April 21, 2025

ມາຮູ້ຈັກ! ອີກມູມໜຶ່ງຂອງສາວ ລິ່ນດ້າ ໃນນາມແມ່ພິມຂອງຊາດ.

ອາຊີບຄູ ເປັນອາຊີບທີ່ໃຫ້ຄວາມຮູ້ໃຫ້ກັບຫຼາຍໆຄົນ ຄຳວ່າ: “ຄູ ຫຼື ແມ່ພິມຂອງຊາດ” ໝາຍເຖິງ ຄົນທີ່ມີຄວາມຮູ້ ແລະ ປະສົບການ ທີ່ສາມາດຖ່າຍທອດຄວາມຮູ້ນັ້ນໄປສູ່ບຸກຄົນອື່ນໆໄດ້, ມື້ນີ້ Inside Laos ຈະພາທຸກຄົນມາຮູ້ຈັກ ລິ່ນດ້າ ໃນນາມ ຄູສອນພາສາອັງກິດ ເຊິ່ງປັດຈຸບັນ ສອນຢູ່ຊັ້ນ ມ4 ຢູ່ທີ່ ໂຮງຮຽນ ລິ່ນດ້າ, ເມືອງ ສີໂຄດຕະບອງ, ນະຄອນຫຼວງ ວຽງຈັນ.

ລິ່ນດ້າ ບອກວ່າ: ການທີ່ເລືອກຮຽນຄູສາຍພາສາອັງກິດ ເພາະພາສາອັງກິດ ເປັນພາສາກາງ ທີ່ຄົນສ່ວນໃຫຍ່ ໃຊ້ສື່ສານວຽກງານໃນຫຼາຍໆ ປະເທດ ຈຶ່ງເຫັນໄດ້ເຖິງຄວາມສຳຄັນ ຂອງການຮຽນພາສາອັງກິດ ແລະ ບໍ່ພຽງແຕ່ປະກອບອາຊີບເປັນຄູໄດ້ທົ່ານັ້ນ ແຕ່ຍັງສາມາດ ປະກອບອາຊີບເປັນນັກແປພາສາ ໃຫ້ກັບຄົນຕ່າງຊາດ ແລະ ເຮັດວຽກນຳອົງກອນໃຫຍ່ໆ ໄດ້ນຳອີກດ້ວຍ, ທີ່ ລິ່ນດ້າເລືອກ ເປັນຄູສອນພາສາອັງກິດ ເພື່ອຢາກນຳເອົາຄວາມຮູ້ ທີ່ຮຽນມາເຜີຍແຜ່ແກ່ປວງຊົນຄົນຮຸ່ນຕໍ່ໄປ ແລະ ເປັນອີກອາຊີບທີ່ ລິ່ນດ້າ ມັກ.

ເມື່ອເວົ້າເຖິງເທັກນິກໃນການສອນ ລິ່ນດ້າ ບອກວ່າ: ເທັກນິກວິທີສອນຂອງຄູແຕ່ລະຄົນ ຈະບໍ່ຄືກັນ, ສ່ວນຂອງ ລິ່ນດ້າ ເອງ ຈະເປັນການວາງບຸກຄະລິກ ຂອງຕົນເອງກ່ອນ ເປັນອັນດັບທຳອິດ, ວາງກົດລະບຽບກ່ອນຂຶ້ນຫ້ອງ ແລະ ສຶກສານັກຮຽນຢ່າງໃກ້ຊິດຕິດແທດ, ສ່ວນເອກະລັກເວລາສອນ ຈະເປັນການເນັ້ນສຽງໃຫ້ຖືກ ນັກຮຽນ ທີີ່ຮຽນນຳຈະຮູ້ເລີຍວ່າ ຂ້ອນຂ້າງຈິງຈັງ ກັບເລື່ອງການອອກສຽງ ພາສາອັງກິດເປັນຫຼັກ.

ປີນີ້ຖືວ່າເປັນປີທີ 2 ທີີ່ໄດ້ເຂົ້າຮ່ວມວັນຄູ ຢ່າງເປັນທາງການ, ຮູ້ຊຶ້ງເຖິງອາຊີບຄູ ກໍຕອນໄດ້ລົງປະຕິບັດ ສອນຕົວຈິງ, ບາງຄັ້ງກໍເມື່ອຍ ແຕ່ວ່າຮູ້ສຶກພູມໃຈ ທີ່ໄດ້ດຳເນີນໜ້າທີ່ ຂອງຄູຢ່າງເຕັມຕົວ ແລະ ພູມໃຈ ທີ່ໄດ້ເປັນໜຶ່ງໃນບຸກຄະລາກອນ ທີ່ສົົ່ງຄວາມຮູ້ໃຫ້ແກ່ນັກຮຽນ ໄດ້ເຕີບໂຕມາເປັນຜູ້ໃຫຍ່ ທີ່ມີຄຸນນະພາບໃນອະນາຄົດ ພາຍພາກໜ້າ.

ວັນທີ 7 ຕຸລາ ທີ່ຈະມາເຖິງນີ້ ຂໍອວຍໄຊໃຫ້ພອນ ໃຫ້ຄູອາຈານ ແລະ ນ້ອງນັກຮຽນທຸກຄົນ ຈົ່ງມີແຕ່ຄວາມສຸກກາຍສະບາຍໃຈ ແລະ ກ້າວໜ້າໃນໜ້າທີ່ການງານ.

More from author

Related posts

Latest posts

ໂປຣໂມຊັນຈຳກັດເວລາ: VietJet ມອບສ່ວນຫຼຸດ 50% ປີ້ຍົນທົ່ວທຸກເສັ້ນທາງ

(ນະຄອນຫຼວງວຽງຈັນ, ວັນທີ 18 ເມສາ 2025) – ເພື່ອສະເຫຼີມສະຫຼອງວັນການຕ້ອນໂຮມປະເທດຊາດຫວຽດນາມ, VietJet ມອບສ່ວນຫຼຸດ ໃຫ້ນັກທ່ອງທ່ຽວເຖິງ 50% (ບໍ່ລວມພາສີ ແລະ ຄ່າທຳນຽມ) ໃນຄ່າໂດຍສານຊັ້ນ Eco-class ໃນທົ່ວເຄືອຂ່າຍຖ້ຽວບິນ ຕັ້ງແຕ່ມື້ນີ້ຈົນຮອດວັນທີ 18 ເມສາ 2025. ນັກທ່ອງທ່ຽວສາມາດເພີດເພີນກັບຂໍ້ສະເໜີນີ້ໄດ້ໂດຍການໃຊ້ລະຫັດໂປຣໂມຊັນ VJ50 ເມື່ອຈອງຜ່ານທາງ www.vietjetair.com ເຊິ່ງເລີ່ມເດີນທາງຕັ້ງແຕ່ວັນທີ 28 ເມສາ ເຖິງ 30 ພະຈິກ 2025 (ບໍ່ລວມວັນພັກລັດຖະການ).

ບົດສວດ ອັງເຊີນພຣະພຸດທະຮູບໃນເຮືອນລົງສົງນໍ້າ ໃນມື້ປີໃໝ່ລາວ

ໃນວັນບຸນປີໃໝ່ລາວນີ້ ກ່ອນທີ່ຈະໄປສົງນໍ້າພຣະຢູ່ທີ່ວັດ ແຕ່ເຮົາກໍ​ຍັງມີ​ກິດຈະກຳ​ສຳຄັນ​ນັ້ນ​ຄື​ການສົງນໍ້າພຣະຢູ່ໃນເຮືອນ ເພື່ອ​ກຽມ​ສົງ​ນ້ຳ​ພຣະ​ເສີມສິລິມຸງຄຸນ​ຕ້ອນ​ຮັບ​ວັນປີໃໝ່ລາວ, ຫາກ​ໃຜ​ຍັງ​ບໍ່​ຮູ້​ວ່າ​ຈະ​ຕ້ອງ​ເຮັດແນວໃດ ກຽມ​ສົງ​ນ້ຳ​ພະວັນປີໃໝ່ລາວ​ນັ້ນ​ມີ​ຫຍັງແດ່ ອິນໄຊລາວ ໄດ້ລວບລວມ​ມາ​ໃຫ້​ແລ້ວ.

5 ໂຣກຮ້າຍຕ້ອງລະວັງ ໃນຊ່ວງບຸນປີໃໝ່ລາວ.

ບຸນປີໃໝ່ລາວ ແມ່ນອີກບຸນໜຶ່ງທີ່ມ່ວນຊື່ນທີ່ທຸກຄົນຈະໄປສົງພຣະ ຫຼິ້ນນໍ້າ ແຕ່ມັນກໍເຕັມໄປດ້ວຍພະຍາດຮ້າຍແຮງຕ່າງໆທີ່ອາດຈະເກີດຂຶ້ນໃນຊ່ວງນັ້ນ ເພາະວ່າເປັນລະດູຝົນອາກາດຈະຮ້ອນ ແລະ ຈຳນວນເຊື້ອພະຍາດສາມາດເພີ່ມຂຶ້ນໄດ້ງ່າຍ ພ້ອມທັງຄວາມຊຸ່ມຊື່ນຈາກກິດຈະກຳຫຼິ້ນນໍ້າໃນບຸນປີໃໝ່ລາວ, ເຊິ່ງເຮົາໄດ້ລວມເອົາ 5 ໂຣກທີ່ເຈົ້າຕ້ອງລະວັງມາໃຫ້ເບິ່ງນໍາກັນ.