Wednesday, July 17, 2024
Lenovo

ຜົນງານ “Through” ງານສິລະປະໃນຮູບແບບ Installation Art ຂອງ ວິນລີ້ ໄຊວຸດ ທີ່ສື່ເຖິງອາລົມຄວາມຮູ້ສຶກ ຜ່ານງານສິລະປະ

ຈຸດດຳທີ່ກາງເອີກ ຄືຈຸດລວມຂອງຈິດໃຈ ແລະ ຄວາມຮູ້ສຶກຂອງຜູ້ສ້າງເອງ ເນື່ອງຈາກວ່າເວລາທີ່ເກີດ ເຫດການ ທີ່ເປັນພາວະຄວາມເສົ້າ ກໍຈະມີເສັ້ນສາຍອັນດຳມຶດກໍ່ຕົວ ແລະ ມ້ວນພັນກັນ ຈົນກາຍເປັນກ້ອນຄວາມຮູ້ສຶກທີ່ໃຫຍ່ ແລະໃຫຍ່ຂຶ້ນເລື້ອຍໆ ຈົນຮອດຈຸດໜຶ່ງ ເສັ້ນສາຍເຫຼົ່ານັ້ນ ກໍຄ່ອຍໆຄາຍອອກຈາກກັນ.

Willie XAIWOUTH (ວິນລີ້ ໄຊວຸດ) ອາຍຸ 21 ປີ ນັກສຶກສາ ພາກຈິດຕະກຳ ປີທີ 5 ທີ່ສະຖາບັນວິຈິດສິນແຫ່ງຊາດ ເຈົ້າຂອງຜົນງານ “Through” ງານສິລະປະໃນຮູບແບບ Installation Art ເຊິ່ງໃຊ້ເສັ້ນລວດ ແລະ ຝ້າຍເປັນສ່ວນປະກອບ.

ວິນລີ້ເວົ້າວ່າ: ເສັ້ນລວດ ເປັນຕົວແທນໃຫ້ກັບເລືອດເນື້ອ, ກາຍຍາທັງປວງ ເພື່ອເບິ່ງທະລຸເຂົ້າໄປຫາເສັ້ນສາຍ ແຫ່ງຈິດວິນຍານ, ຈິດໃຈ, ຄວາມຄິດ, ເລື່ອງລາວ, ປະສົບການ, ທຸກສິ່ງທຸກຢ່າງ ທີ່ໄດ້ປະສົບພົບພໍ້ມາ ແລະ ຝ້າຍ: ເປັນຕົວແທນໃຫ້ກັບອາລົມ ແລະຄວາມຮູ້ສຶກທັງໝົດທີ່ໄດ້ຜ່ານເຂົ້າມາ ແລະຜ່ານອອກໄປ ເຊິ່ງມີສີສັນເປັນຕົວບົງບອກ ວ່າມີຄວາມຮູ້ສຶກໃດແດ່ ທີ່ປະປົນກັນຢູ່ ເຊິ່ງໃຊ້ຝ້າຍຫຼາຍກວ່າ 100 ເສັ້ນ.

ແຮງບັນດານໃຈ ທີ່ສ້າງຜົນງານນີ້ອອກມາ ໄດ້ມາຈາກຄວາມຮູ້ສຶກພາຍໃນຂອງຕົນເອງ ແລະຫຼາຍໆຢ່າງທີ່ເກີດຂຶ້ນຢູ່ອ້ອມຕົວເຮົາ ເພື່ອອະທິບາຍ ສິ່ງທີ່ເຮົາໄດ້ຮູ້ສຶກຢູ່ພາຍໃນ ອອກມາໃຫ້ຄົນອື່ນຮັບຮູ້ນຳ ໂດຍໃຊ້ສິລະປະ, ການຈັດວາງ ເປັນຕົວຖ່າຍທອດ.

ເຊິ່ງມີຄວາມໝາຍວ່າ: ເມື່ອເວລາໄດ້ດຳເນີນໄປ ສິ່ງທີ່ຈະເກີດຂຶ້ນຕາມມານັ້ນ ກໍຄືເລື່ອງລາວ ແລະ ເຫດການ, ສະຖານະການຕ່າງໆ ຜັນປ່ຽນໝູນວຽນກັນຢູ່ເລື້ອຍໆ ເຖິງວ່າເລື່ອງລາວທີ່ຜ່ານເຂົ້າມານັ້ນ ຈະກໍເກີດເປັນຄວາມຮູ້ສຶກ ທີ່ມະຫາສານພຽງໃດກໍຕາມ ບໍ່ວ່າຈະເປັນເລື່ອງລາວທີ່ດີ, ຄວາມປະທັບໃຈ, ຄວາມສຸກ, ຄວາມໂຫດຮ້າຍ, ຄວາມໂສກເສົ້າ, ຄວາມເສຍໃຈ ແລະ ຄວາມຜິດຫວັງ ແຕ່ໃນທ້າຍທີ່ສຸດແລ້ວ ທຸກໆຢ່າງທີ່ຜ່ານເຂົ້າມານັ້ນ ກໍຍ້ອມຜ່ານພົ້ນໄປສະເໝີ.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.