ຫຼາຍຄົນອາດພົບບັນຫາໃນການເຮີັດ Presentation ແຕ່ຄິດໄອເດຍບໍ່ອອກ ບໍ່ຮູ້ວ່າຄວນເລີ່່ມຈາກຈຸດໃດ ແລະ ຈະເຮັດແນວໃດໃຫ້ປັງ ອິນໄຊລາວ ເລີຍຈະລວມເອົາເຄັດລັບງ່າຍໆໃນການເຮັດ Presentation ມາໃຫ້ລອງເອົາໄປໃຊ້ນໍາກັນ ໂດຍຈະມີຢູ່ 4 ຫົວຂໍ້ຫຼັກໆທີ່ຕ້ອງເອົາໃຈໃສ່.
1. ໃຊ້ຮູບພາບຫຼາຍກວ່າຕົວອັກສອນ
ເພາະຖ້າມີແຕ່ໂຕອັກສອນຈະເຮັດໃຫ້ບົດເຮົາໜ້າເບື່ອ ແນະນຳໃຫ້ໃຊ້ຮູບພາບໃນການເລົ່າເລື່ອງແທນ ເພື່ອເພີ່ມຄວາມໜ້າສົນໃຈຂຶ້ນ ແຕ່ພະຍາຍາມຢ່າໃສ່ແຕ່ຮູບພາບລ້ວນໆເກີນໄປ ຢ່າລືມແຊກຊ້ອນໂຕໜັງສືເພື່ອໃຫ້ຄົນໄດ້ຢຸດອ່ານ ແລະ ໂຟກັດກັບໜ້ານັ້ນດົນຂຶ້ນ ຫຼື ເຮັດໃຫ້ຢາກຕິດຕາມຕໍ່ໄປ.
2. ໃຊ້ສີທີ່ເປັນເອກະລັກ
ໃຫ້ວາງກອບ Layout ແລະ ສີທີ່ເຮົາຕ້ອງການໃຊ້ ໂດຍເລືອກສີໃຫ້ເຂົ້າກັບຫົວຂໍ້ ແລະ ບໍ່ຄວນໃຊ້ສີພື້ນຫຼັງທີ່ເຂັ້ມກວ່າຕົວອັກສອນ ເນື່ອງຈາກຈະເຮັດໃຫ້ບໍ່ເຫົັນຕົວອັກສອນ
ພະຍາຍາມບໍ່ໃຊ້ສີທີ່ຫຼາກຫຼາຍຈົນເກີນໄປ ເພື່ອໃຫ້ງ່າຍຕໍ່ການອ່ານ ແລະ ຈັບໃຈຄວາມແບບໄວໆໄດ້ ຫຼື ລອງແບ່ງສີທີ່ຈະໃຊ້ເປັນເປີເຊັນເບິ່ງ ແຍກສີຫຼັກ ສີຮອງ ກໍຈະເຮັດໃຫ້ບົດພີເຊັ້ນເຮົາເບິ່ງຄືມີອາຊີບຂຶ້ນ.
3. ເລືອກ Template ໃຫ້ດີ
ຫາກເບື່ອຮູບແບບເກົ່າໆ ເຮົາສາມາດດາວໂຫລດ Template ໄດ້ຈາກເວັບໄຊຕ່າງໆ ເພື່ອເພີ່ມຄວາມໂດດເດັ່ນ ຫຼື ເປັນໄອເດຍໃຫ້ເຮີົາໄປຕໍ່ຍອດໄດ້ ເພາະດຽວນີ້ Template ມີໃຫ້ເລືອກຫຼາກຫຼາຍ ເໝາະກັບຮູບແບບງານທີ່ຕ້ອງການ ທັງຮູບແບບງານນໍາສະເໜີ Resume ແລະ ງານໂຊຊຽວມີເດຍ. ນອກນັ້ນ ໃຜທີ່ຄ້ານຊອກຫາ Template ກໍສາມາດເຂົ້າໄປດາວໂຫຼດໄດ້ທີ່ ລວມເວັບດາວໂຫລດ TEMPLATE ຟຣີ
4. ຫົວໃຈຫຼັກຢູ່ທີ່ Font
ເລືອກໃຊ້ Font ໃຫ້ເໝາະກັບເປົ້າໝາຍ ຫາກເປັນທາງການໃຫ້ໃຊ້ແບບລຽບໆ ອ່ານງ່າຍ ຖ້າເປັນງານທົ່ວໄປໃຫ້ໃຊ້ Font ທີ່ໜ້າດຶງດູດ ຄົນເຫັນແລ້ວຢາກອ່ານຕໍ່ໄປເລື້ອຍໆ ເຊິ່ງດຽວນີ້ເຮົາສາມາດຫາ Font ຟຣີທີ່ບໍ່ມີລິຂະສິດໄດ້ງ່າຍໆ.
