ກາເຟ ເປັນເຄື່ອງດື່ມທີ່ເປັນທີ່ນິຍົມ ສຳລັບໄວເຮັດວຽກ, ຄົນເຖົ້າຄົນແກ່ ແລະ ລວມເຖິງໄວລຸ້ນບາງຄົນ ດ້ວຍລົດຊາດທີ່ຫອມເຂັ້ມ ບໍ່ຄືກັບເຄືຶ່ອງດື່ມຊະນິດໃດ ແລະ ຍັງເປັນເຄື່ອງດື່ມເຮັດຊົດຊື່ນມີແຮງໃນການເຮັດວຽກ ດ້ວຍລິດຂອງຄາເຟອີນ. ແຕ່ລິດຂອງຄາເຟອີນ ອາດສົ່ງຜົນເສຍຫຼາຍກວ່າຜົນດີໄດ້ ຫາກເຈົ້າດື່ມກາເຟແລ້ວເກີດອາການຜິດປົກກະຕິຂຶ້ນ. ມື້ນີ້ ແອັດມິນ ຈະພາມາເບິ່ງສັນຍານອັນຕະລາຍ ວ່າເຮົາຕ້ອງຫຼຸດການກິີນກາເຟລົງແບບດ່ວນໆ ເພາະອາດຈະເປັນອັນຕະລາຍໄດ້.
- ປວດຫົວ
- ນອນບໍ່ຫຼັບ
- ກັງວົນ
- ອາລົມຂຶ້ນໆ ລົງໆ
- ຖ່າຍເບົາໄດ້ງ່າຍ ຫຼື ບໍ່ສາມາດກັ້ນໄວ້ໄດ້
- ຫົວໃຈເຕັ້ນໄວ
- ກ້າມເນື້ອສັ່ນ
ສາເຫດທີ່ເຮັດໃຫ້ເກີດອາການຜິດປົກກະຕິເມື່ອດື່ມກາເຟ
- ຮ່າງກາຍໄດ້ຮັບຄາເຟອີນຫຼາຍເກີນໄປ
- ຮ່າງກາຍມີປະຕິກິລິຍາຫຼາຍກວ່າຄົນອື່ນ
- ນອນບໍ່ຫຼັບ ຫຼື ນອນບໍ່ພຽງພໍ ແລ້ວກິນກາເຟເພື່ອໃຫ້ຕົນເອງຕື່ນໂຕ ເຊິ່ງເຮັດໃຫ້ຄືນຕໍ່ໄປນອນບໍ່ຫຼັບ ນອນບໍ່ພຽງພໍ ຕ້ອງວົນວຽນແບບນີ້ໄປເລື້ອຍໆ ອາດເຮັດໃຫ້ຮ່າງກາຍອ່ອນເພຍເກີນໄປຈົນເກີດອາການຜິດປົກກະຕິ.
ວິທີຫຼຸດກາເຟຢ່າງປອດໄພ ແລະ ໄດ້ຜົນ
- ຈຳກັດປະລິມານໃນການດື່ມຂອງໂຕເອງ ແລະ ພະຍາຍາມບໍ່ດື່ມຫຼາຍໄປກວ່ານັ້ນ ເພາະປະລິມານທີ່ເໝາະສົມຂອງແຕ່ລະຄົນບໍ່ເທົ່າກັນ ແຕ່ທາງທີ່ດີແມ່ນບໍ່ຄວນດື່ມເກີນ 4 ແກ້ວຕໍ່ວັນ.
- ຢາລືມເຊັກວ່າມີຄາເຟອື່ນໃນເຄື່ອງດື່ມຫຼືອາການອື່ນໆອີກຫຼືບໍ່ ເພາະຢ່າລືມວ່າຄາເຟອີນບໍ່ໄດ້ຢູ່ໃນກາເຟຢ່າງດຽວ.
- ຄ່ອຍໆຫຼຸດລົງຢ່າງຊ້າໆຈາກທີ່ເຄີຍກິນ 4 ແກ້ວຕໍ່ວັນ ກໍຄ່ອຍໆຫຼຸດລົງເຫຼືອ 3 ແກ້ວຕໍ່ວັນ ຈົນກວ່າຂະໜ້ອຍລົງໃນປະລິມານທີ່ເຮົາກິນແລ້ວບໍ່ເກີດສິ່ງຜິດປົກກະຕິຕໍ່ຮ່າງກາຍເຮົາ.
- ເລືອກດື່ມກາເຟທີ່ບໍ່ມີຄາເຟອີນ
- ເຮົາອາດຈະຕ້ອງປ່ຽນໄປດື່ມເຄື່ອງດື່ມອື່ນໆ ແທນເຊັ່ນ: ຊາ, ໂກ້ໆ ແລະ ອື່ນໆ ທີ່ມີປະລິມານຄາເຟອີນໜ້ອຍຫຼືໍ່ມີຄາເຟອີນເລີຍ.
ຂໍ້ມູນຈາກ: ມູນລະນິທິມາໂຍເພື່ອການສຶກສາ ແລະ ວິໄຈທາງການແພດ (MFMER)
Hits: 5
