Thursday, July 18, 2024
Lenovo

ຮັບສະໝັກແລ້ວ! ທຶນ SCG Sharing the Dream ປີທີ 11 ສານຝັນເຍົາວະຊົນ ຫຼຸດຜ່ອນຄວາມບໍ່ສະເໝີພາບທາງການສຶກສາ

ເອັດສຊີຈີ ສານຕໍ່ມອບທຶນການສຶກສາລະດັບມັດທະຍົມ ແລະ ປະລິນຍາຕີ ໃນໂຄງການ “Sharing the Dream” ເປັນປີທີ 11 ໃຫ້ກັບນັກຮຽນຊັ້ນມັດທະຍົມຕອນປາຍ ໃນນະຄອນຫຼວງວຽງຈັນ ແລະ ແຂວງຄຳມ່ວນ ແຂວງລະ 110 ທຶນ ພ້ອມທຶນການສຶກສາລະດັບປະລິນຍາຕີອີກ 10 ທຶນ ໃນສົກຮຽນ 2022-2023 ລວມເປັນ 230 ທຶນ ເພື່ອສ້າງໂອກາດທາງການສຶກສາໃຫ້ເຍົາວະຊົນທີ່ເປັນຄົນເກັ່ງ ແລະ ດີ, ມີຄວາມກະຕັນຍູຮູ້ຄຸນແຕ່ຂາດເຂີນທຶນຮອນ ແລະ ເປັນອະນາຄົດຂອງຊາດ

ນອກຈາກນີ້ SCG Sharing the Dream ເປັນໜຶ່ງໃນໂຄງການກິດຈະກຳເພື່ອສັງຄົມຂອງເອັດສຊີຈີ ທີ່ມຸ່ງໝັ້ນສົ່ງເສີມການພັດທະນາສັກກະຍະພາບເຍົາວະຊົນຂອງປະເທດໃນອາຊຽນ ເຊິ່ງເປັນແນວທາງໃນການດຳເນີນທຸລະກິດທີ່ SCG ປະຕິບັດຢ່າງຕໍ່ເນື່ອງຫຼາຍກວ່າ 110 ປີ ນັບຕັ້ງແຕ່ກໍ່ຕັ້ງບໍລິສັດ ໂດຍມີຈຸດປະສົງເພື່ອເປັນກຳລັງໃຈໃຫ້ເຍົາວະຊົນທີ່ເປັນຄົນດີ, ມີຄວາມກະຕັນຍູ, ໃສ່ໃຈໃນສິ່ງແວດລ້ອມ ແລະ ມີຄວາມມຸ່ງໝັ້ນໃນການສ້າງສັງຄົມທີ່ດີ ໃຫ້ໄດ້ມີໂອກາດສຶກສາຮໍ່າຮຽນຕໍ່ ແລະ ນໍາຄວາມຮູ້ມາພັດທະນາປະເທດ ເພື່ອຂັບເຄື່ອນສັງຄົມລາວ ໄປສູ່ອະນາຄົດທີ່ຍືນຍົງ ແລະ ຫຼຸດຜ່ອນຄວາມບໍ່ສະເໝີພາບດ້ານການສຶກສາ ຕາມເປົ້າໝາຍ ESG 4 Plus ຂອງ SCG

SCG ມຸ່ງໝັ້ນສະໜັບສະໜູນໂຄງການທີ່ຈະຊ່ວຍພັດທະນາບຸກຄະລາກອນຂອງປະເທດ ຜ່ານການສົ່ງເສີມການສຶກສາ ແລະ ທັກສະດ້ານວິຊາຊີບຂອງເຍົາວະຊົນລາວ ຕາມເປົ້າໝາຍ ESG 4 Plus ຂອງ SCG ທີ່ປະກອບໄປດ້ວຍການຈັດການ ດ້ານສິ່ງແວດລ້ອມ (Environment), ສັງຄົມ (Social), ແລະ ການປົກຄອງ (Governance) ຜ່ານ 4 ແນວທາງປະຕິບັດຫຼັກຄື: 1. ຫຼຸດການປ່ອຍກາສເຮືອນແກ້ວໃຫ້ເປັນສູນ ພາຍໃນປີ2050; 2.ມຸ່ງໝັ້ນພັດທະນານະວັດຕະກໍາທີ່ເປັນມິດກັບສິ່ງແວດລ້ອມ; 3. ຫຼຸດຜ່ອນຄວາມບໍ່ສະເໝີພາບໃນສັງຄົມ ເພີ່ມໂອກາດທາງການສຶກສາ; ແລະ 4.ສ້າງຄວາມຮ່ວມມືໃນການຂັບເຄື່ອນ ESG ກັບໜ່ວຍງານລະດັບປະເທດໃນອາຊຽນ ແລະ ລະດັບໂລກ ເພື່ອຄວາມຍືນຍົງຂອງ ພາກທຸລະກິດ ທີ່ສອດຄ່ອງກັບເປົ້າໝາຍຄວາມຍືນຍົງຂອງໂລກ ແລະ ຮ່ວມກັນນຳພາໂລກຂອງເຮົາ ໄປສູ່ຄວາມຍືນຍົງໃຫ້ຄົນຮຸ່ນຕໍ່ໄປ” ທ່ານ ທິລະວັດ ພູນການຈະນະໂລດ Country Director Laos ບໍລິສັດເອັດສຊີຈີ ຊີເມັນ ຜະລິດຕະພັນກໍ່ສ້າງ ຈຳກັດ ກ່າວ

ປັດຈຸບັນໂຄງການ SCG Sharing the dream ໄດ້ມອບທຶນການສຶກສາໃຫ້ນັກຮຽນຫຼາຍກວ່າ 5.000 ຄົນ ໃນແຕ່ລະປີທົ່ວອາຊຽນໄດ້ແກ່ ຟິລິປິນ, ອິນໂດເນເຊຍ, ກຳປູເຈຍ, ຫວຽດນາມ ແລະ ສປປ ລາວ ເພື່ອຮ່ວມພັດທະນາປະເທດທີ່ SCG ເຂົ້າໄປດໍາເນີນທຸລະກິດ ເຊິ່ງ SCG ດຳເນີນໂຄງການນີ້ໃນ ສປປ ລາວ ດ້ວຍຄວາມຕັ້ງໃຈ ແລະ ເອົາໃຈໃສ່ ຢ່າງຕໍ່ເນື່ອງມາຕະຫຼອດ 11 ປີ, ນອກຈາກການສະໜັບສະໜຸນດ້ານການເງິນແລ້ວ ຍັງມີກິດຈະກຳເພື່ອພັດທະນາສັກກະຍະພາບ ແລະ ສົ່ງເສີມຄຸນນະທຳ ຕະຫຼອດໂຄງການອີກດ້ວຍ

ສຳລັບຂໍ້ມູນເພີ່ມເຕີມ ແລະ ຊ່ອງທາງການຮັບໃບສະໝັກຂອງທຶນສະໜັບສະໜູນການສຶກສາໃນລະດັບມັດທະຍົມ ໃນນະຄອນຫຼວງວຽງຈັນ ແລະ ໃນ 4 ຕົວເມືອງ ຂອງແຂວງຄຳມ່ວນໄດ້ແກ່ ເມືອງໜອງບົກ, ເມືອງທ່າແຂກ, ເມືອງມະຫາໄຊ ແລະ ເມືອງຍົມມະລາດ ແລະ ທຶນໃນລະດັບມະຫາວິທະຍາໄລ ສາມາດເບິ່ງລາຍລະອຽດເພີ່ມເຕີມ ໄດ້ທີ່  

#SCG #SCGSharingtheDream #Passionforbetter #ESG4Plus

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.