ລາຍງານໃນ ວາລະສານ ລະບາດວິທະຍານານາຊາດ ອ້າງອີງຜົນວິໄຈຂອງ ດຣ. ດາຟິນ ແອນເນ ນັກວິໄຈ ຈາກມະຫາວິທະຍາໄລ ລອນດອນ ກ່ຽວກັບລະບົບເຜົາຜານອາຫານໃນຮ່າງກາຍໃນກຸ່ມໂຕຢ່າງ 95 ຄົນ ທີ່ມັກກິນຜັກ ແລະໝາກໄມ້ເປັນປະຈຳ ເປີດເຜີຍວ່າ: “ພວກເຂົາຈະເສຍຊີວິດກ່ອນໄວອັນຄວນໜ້ອຍລົງ ຄິດເປັນຈຳນວນປະມານ 7,8 ລ້ານຄົນຕໍ່ປີ ຖ້າຫາກກິນຜັກ ແລະ ໝາກໄມ້ຫຼາຍກວ່າ 10 ຊະນິດຕໍ່ມື້.”
ຈາກການວິໄຈລັກສະນະຂອງຜັກ ແລະ ໝາກໄມ້ກວ່າ 10 ຊະນິດ ໂດຍສະເພາະ ທີ່ໃຫ້ພະລັງງານຈຳນວນ 800 ກຣາມຕໍ່ມື້ ພົບວ່າ ແອັບເປິ້ນໜ່ວຍກາງຈະໃຫ້ພະລັງງານ 182 ກຣາມ.
ນອກນີ້ ນັກວິໄຈຍັງຄາດວ່າ ຕ້ອງກິນຜັກ ແລະໝາກໄມ້ໃຫ້ໄດ້ 10 ຊະນິດຕໍ່ມື້ ຈະຫຼຸດຄວາມສ່ຽງຕໍ່ການເປັນໂຣກຫົວໃຈລົງໄດ້ 24%, ຫຼຸດຄວາມສ່ຽງຕໍ່ການເປັນໂຣກຫຼອດເລືອດສະໝອງຫຼຸດລົງ 33%, ຫຼຸດຄວາມສ່ຽງຕໍ່ການເກີດໂຣກຫຼອດເລືອດຫົວໃຈຫຼຸດລົງ 28%, ຄວາມສ່ຽງຕໍ່ການເກີດໂຣກມະເຮັງຫຼຸດລົງ 13% ໂດຍລວມແລ້ວການກິນຜັກ ແລະໝາກໄມ້ຈະຫຼຸດຄວາມສ່ຽງທຸກໂຣກທີ່ກ່າວມາລົງໄດ້ເຖິງ 31% ຖ້າທຽບກັບການບໍ່ກິນຜັກ ແລະໝາກໄມ້ຊະນິດໃດເລີຍ.
ສຳລັບຜັກ ແລະ ໝາກໄມ້ທີ່ຊ່ວຍຫຼຸດອັດຕາການເກີດໂຣກຫົວໃຈຖ້າຫາກກິນໝາກໄມ້ເລື້ອຍໆ ເຊັ່ນ ແອັບເປິ້ນ, ໝາກກ້ຽງ ແລະຜັກຫົມ. ສ່ວນຜັກຕະກູນກະລ່ຳເຊັ່ນ ບັອກໂຄລີ, ກະລ່ຳປີ, ພິກໄທ ແລະ ຖົ່ວຂຽວ ຈະຊ່ວຍຫຼຸດຄວາມສ່ຽງໂຣກມະເຮັງ ຊຶ່ງນັກວິໄຈລະບຸວ່າ ຜັກ ແລະໝາກໄມ້ຈະຊ່ວຍຫຼຸດລະດັບ ຄໍເລດສະເຕີຣອນ, ຫຼຸດຄວາມດັນເລືອດ, ເສີມສ້າງຫຼອດເລືອດໃຫ້ແຂງແຮງ ແລະສ້າງພູມຄຸ້ມກັນໃນຮ່າງກາຍ ປະກອບກັບຜັກ ແລະໝາກໄມ້ທີ່ມີກາກໃຍ ແລະ ສານອາຫານທີ່ຊັບຊ້ອນຢູ່ພາຍໃນ ຫຼື ອະທິບາຍໄດ້ວ່າ ກຸ່ມອາຫານດັ່ງກ່າວປະກອບດ້ວຍສານຕ້ານອະນຸມູນອິດສະຫຼະເປັນຈຳນວນຫຼາຍ ຈຶ່ງຊ່ວຍຊ້ອມແຊມ DNA ໃນຮ່າງກາຍທີ່ເສື່ອມລົງ ຈາກສິ່ງແວດລ້ອມ ຫຼື ອາຍຸທີ່ເພີ່ມຫຼາຍຂຶ້ນໃຫ້ກັບມາແຂງແຮງໄດ້.