Wednesday, July 17, 2024
Lenovo

ບໍລິສັດ ເບຍລາວ ຜູ້ຮ່ວມມືທາງການ ງານມະຫະກໍາກິລາແຫ່ງຊາດ ຄັ້ງທີ່ XI ແຂວງຊຽງຂວາງ

ພາຍຫຼັງທີ່ ງານມະຫະກໍາ ກິລາແຫ່ງຊາດ ຄັ້ງທີ່ XI ຖືກເລື່ອນການແຂ່ງຂັນ ມາຫຼາຍຄັ້ງ ເນື່ອງຈາກສະພາບອາກາດ ແລະ ການແຜ່ລະບາດ ຂອງເຊື້ອໂຄວິດ-19 ໃນໄລຍະຜ່ານມາ, ມາຮອດປະຈຸບັນ ງານມະຫະກໍາກິລາແຫ່ງຊາດ ຄັ້ງທີ XI ແມ່ນໄດ້ຮັບການຢືນຢັນແລ້ວ ວ່າຈະເປີດສາກຂຶ້ນ ຢ່າງເປັນທາງການ ລະຫວ່າງວັນທີ 13-22 ທັນວາ 2022 ຢູ່ແຂວງຊຽງຂວາງ ໂດຍຈະມີ ນັກກິລາທັງໝົດ 3.003 ຄົນ ຈາກ 1 ນະຄອນຫຼວງ 17 ແຂວງ ແລະ 4 ກະຊວງ ເຂົ້າຮ່ວມຊິງໄຊໃນທັງໝົດ 25 ປະເພດກິລາ.

ສືບຕໍ່ໃຫ້ການສະໜັບສະໜູນຫຼັກ ໃນງານແຂ່ງຂັນ ມະຫາກໍາກິລາແຫ່ງຊາດ ພິເສດ ໃນປີນີ້, ບໍລິສັດ ເບຍລາວ ຈໍາກັດ ໂດຍຜ່ານຜະລິດຕະພັນ ນໍ້າດື່ມ ກາຫົວເສືອ, ເປບຊີ ແລະ ສະຕິງ ໄດ້ປະກອບສ່ວນ ຊຸກຍູ້ ທຶນຮອນ ໃນການຈັດການແຂ່ງຂັນ ຫຼາຍກ່ວາ 1.5 ຕື້ກີບ ໃນນາມ ຄູ່ຮວມທາງການ ຂອງງານມະຫະກໍາ ກິລາແຫ່ງຊາດ.

ຖ້າກັບຄືນໄປເບິ່ງ ການແຂ່ງຂັນ ມະຫະກໍາກິລາແຫ່ງຊາດ ຊຶ່ງຈັດຂື້ນໃນທຸກໆ ສີ່ປີ ຕັ້ງແຕ່ຄັ້ງທີ່ I ມາຮອດ ຄັ້ງທີ XI ບໍລິສັດ ເບຍລາວ ຈຳກັດ ຍາມໃດ ກໍ່ເຫັນໄດ້ ຄວາມສໍາຄັນ ໃນວຽກງານຂອງການສົ່ງເສີມ ແລະ ພັດທະນາ ກິລາລາວ ໃຫ້ກ້າວໄກ ແລະ ທຽບເທົ່າກັບສາກົນ ໂດຍປະກອບສວນທຶນຮອນ ສະໜັບສະໜູນ ງານມະຫະກໍາ ກິລາແຫ່ງຊາດ ດ້ວຍດີ ຕະຫຼອດມາ.

ນອກຈາກງານ ມະຫະກໍາ ກິລາແຫ່ງຊາດແລ້ວ ບໍລິສັດ ເບຍລາວ ຈໍາກັດ ຍັງເປັນ ບໍລິສັດ ທີ່ໄດ້ມອບພັນທະເຂົ້າ ງົບປະມານແຫ່ງຊາດ ເປັນອັນດັບ #1 ໃນແຕ່ລະປີ ຫຼາຍກ່ວາ 2.000 ຕື້ກີບ, ພ້ອມທັງປະກອບສ່ວນ ໃນທຸກໆງານໃຫຍ່ ລະດັບຊາດ ເຊັ່ນ: ງານປະເພນີ ບຸນທາດຫຼວງ, ບຸນອອກພັນສາ ຊ່ວງເຮືອປະເພນີ ແລະ ໄຫຼເຮືອໄຟ, ວຽກງານທາງດ້ານ ສາທາລະນະສຸກ ການຕ້ານ ການແຜ່ລະບາດ ຂອງເຊື້ອ ໂຄວິດ ຢູ່ ສປປ ລາວ, ການໃຫ້ທຶນສະໜັບສະໜູນ ນັກຮຽນດີນັກຮຽນເກັ່ງ ໃນທົ່ວປະເທດ ແລະ ການສ້າງວຽກເຮັດງານທໍາ ໃຫ້ຄົນທ້ອງຖິ່ນ.

ເພື່ອໃຫ້ງານແຂ່ງຂັນກິລາແຫ່ງຊາດ ໃນປີນີ້ ມີຄວາມໝາຍ ແລະ ຟົດຟື້ນມ່ວນຊື່ນ ບໍລິສັດ ເບຍລາວ ຈໍາກັດ ຂໍຮຽນເຊີນຊວນ ປວງຊົນລາວບັນດາເຜົ່າ ໃນທົ່ວປະເທດ ເຂົ້າຮ່ວມພິທີເປີດ ຫຼື ຮັບຊົມງານມະຫະກຳ ກິລາແຫ່ງຊາດທີ່ຈະໄຂຂຶ້ນ ໃນວັນທີ 13 ທັນວາ 2022 ຢູ່ທີ່ເດີນກິລາ ແຂວງຊຽງຂວາງ. ທ່ານສາມາດເຂົ້າຮ່ວມຊົມພິທີເປີດ ແລະ ການແຂ່ງຂັນ ທຸກປະເພດກິລາ ໂດຍບໍ່ໄດ້ເສຍຄ່າໃຊ້ຈ່າຍໃດໆ.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.