ທໍາມະຊາດນັ້ນສ້າງຮ່າງກາຍ “ຍິງ” ກັບ “ຊາຍ” ແຕກຕ່າງກັນ ແລະ ການຮັບທາດຕ່າງໆ ກໍແຕກຕ່າງກັນ. ຮ່າງກາຍ ແມ່ຍິງ ຈະຊຶມຊັບທາດເຫຼົ້າ (Alcohol) ໄວກວ່າ ຜູ້ຊາຍ ເຮັດໃຫ້ເມົາໄວກວ່າ ແລະ ມີທາດພິດເຂົ້າທໍາລາຍໄດ້ຫຼາຍກວ່າ. ຜົນທີ່ຕາມມາກໍຄື ແມ່ຍິງ ທີ່ດື່ມເຫຼົ້າຫຼາຍ ມັກຈະເປັນມະເຮັງເຕົ້ານົມ ຊຶ່ງມີໂອກາດສູງເຖິງ 50% ຖ້າທຽບກັບຜູ້ທີ່ບໍ່ດື່ມ. ນອກນັ້ນ, ແມ່ຍິງ ຍັງມີໂອກາດເປັນໂຣກກະດູກຜ່ອຍ, ກະດູກບາງ ເພາະເຫຼົ້າຈະເຂົ້າໄປທໍາລາຍເນື້ອກະດູກ Bone mass.
ຕໍ່ໄປນີ້ ແມ່ນ 6 ເຫດຜົນ ທີ່ແມ່ຍິງ ບໍ່ຄວນດື່ມສິ່ງມຶນເມົາແຂ່ງກັບຜູ້ຊາຍ:
- ຮ່າງກາຍຂອງແມ່ຍິງ ມີນ້ຳໜັກໜ້ອຍກວ່າຜູ້ຊາຍ ແລະ ມີນ້ຳໃນຮ່າງກາຍໜ້ອຍນຳອີກ, ດັ່ງນັ້ນ ຮ່າງກາຍຂອງແມ່ຍິງ ຈຶ່ງບໍ່ມີຄວາມສາມາດ ທີ່ຈະກຳຈັດ ແອລກໍຮໍ ໃຫ້ໝົດໄປຊ່ຳກັບຜູ້ຊາຍ ເຖິງວ່າຈະດື່ມໃນປະລິມານທີ່ເທົ່າກັນກໍຕາມ, ແຕ່ ແອລກໍຮໍ ສົ່ງຜົນກະທົບຕໍ່ແມ່ຍິງຫຼາຍກວ່າຜູ້ຊາຍ ແຖມຍັງສ່ຽງຕໍ່ມະເຮັງເຕົ້ານົມອີກດ້ວຍ.
- ທັງຜູ້ຊາຍ ແລະ ແມ່ນຍິງ ທີ່ອາຍຸໜ້ອຍກວ່າ 21 ປີ ເປັນຊ່ວງອາຍຸທີ່ຮ່າງກາຍ ກຳລັງມີການຈະເລີນເຕີບໃຫຍ່ ຈຶ່ງບໍ່ຄວນໄດ້ຮັບ ແອລກໍຮໍ ເຂົ້າສູ່ຮ່າງກາຍ ເພາະມັນຈະເຂົ້າໄປຂັດຂວາງ ການເຮັດວຽກຂອງອະໄວຍະວະຕ່າງໆ ໃຫ້ເຮັດວຽກໄດ້ບໍ່ເຕັມທີ່ ເຊິ່ງອາດຈະສົ່ງຜົນເຮັດໃຫ້ອະໄວຍະວະບາງຢ່າງຂອງເຮົາ ເຕີຍໃຫຍ່ໄດ້ບໍ່ເຕັມທີ່ໄປນຳ.
- ແມ່ຍິງ ທີ່ກຳລັງຖືພາ ຫຼື ມີການວາງແຜນທີ່ຈະມີລູກ ຄວນເຊົາດື່ມ ແອລກໍຮໍ ຢ່າງຮີບດ່ວນ ເພາະມີຜົນຫຼາຍຕໍ່ເດັກນ້ອຍໃນທ້ອງ ເຊັ່ນ: ເຮັດໃຫ້ເດັກໂຕນ້ອຍ, ຫົວລີບ ຫຼື ມີຮູບໜ້າຜິດປົກກະຕິ, ສະໝອງຜິດປົກກະຕິ ເປັນຕົ້ນ.
- ສຳລັບແມ່ຍິງ ທີ່ກຳລັງໃຊ້ຢາບາງຊະນິດຢູ່ ອາດຈະເພື່ອປິ່ນປົວໂຣກປະຈຳໂຕ ຫຼື ປິ່ນປົວອາການອື່ນໆ ບໍ່ຄວນດື່ມ ແອລກໍຮໍ ເລີຍ ເພາະ ແອລກໍຮໍ ອາດມີປະຕິກິລິຍາກັບຢາທີ່ເຮົາກຳລັງກິນຢູ່ ອາດຈະເຮັດໃຫ້ຮ່າງກາຍຂອງເຮົາດູດຊຶມຢາໄດ້ບໍ່ເຕັມທີ່ ຫຼື ອາດເພີ່ມໃຫ້ຜົນຂ້າງຄຽງຂອງຢາຮຸນແຮງຂຶ້ນກໍເປັນໄດ້.
- ແມ່ຍິງທີ່ຕ້ອງຂັບລົດ ຫຼື ເຮັດວຽກທີ່ໃຊ້ສະມາທິສູງຫຼາຍ ບໍ່ຄວນດື່ມ ແອລກໍຮໍ ເພາະມີຄວາມອັນຕະລາຍຕໍ່ສະຕິ ແລະ ສະໝອງ ເຊິ່ງສົ່ງຜົນຕໍ່ເນື່ອງເຖິງຊີວິດໄດ້ໃນອະນາຄົດ.
- ເນື່ອງຈາກວ່າຮ່າງກາຍແມ່ນຍິງມີຂໍ້ເສຍປຽບຜູ້ຊາຍຫຼາຍ ດັ່ງນັ້ນ, ເຮົາຈຶ່ງບໍ່ຄວນດື່ມ ແອລກໍຮໍ ເພາະຈະເຮັດໃຫ້ເຮົາສູນເສຍເຮື່ອແຮງ ໃນການປ້ອງກັນໂຕເອງ, ອາດຖືກທຳຮ້າຍຮ່າງກາຍ ຫຼື ຖືກລ່ວງລະເມີດທາງເພດໄດ້ງ່າຍໆ.