ບຸນກິນຈຽງຂອງຊົນເຜົ່າມົ້ງ ແມ່ນປະເພນີໜຶ່ງທີ່ສືບທອດກັນມາແຕ່ບູຮານນະການ ຈະມີການຈັດຂຶ້ນໃນທຸກໆປີ ເຊິ່ງຈະເລີ່ມຈັດແຕ່ກາງເດືອນທັນວາ ຈົນເຖິງ ເດືອນມັງກອນ, ພາຍໃນງານຈະມີການຈັດກິດຈະກຳການແຂງຂັນກິລາ ແລະ ປະເພດນີຕ່າງໆຂອງຊົນເຜົ່າມົ້ງ ທີ່ສືບທອດກັນມາແຕ່ດົນນານ ມື້ນີ້ເຮົາຈະພາມາຮູ້ຈັກ 4 ກິລາ ຫຼັກໆຂອງຊົນເຜົ່າມົ້ງໃນງານບຸນກິນຈຽງ ປະກອບມີ: ເປົ່າແຄນເທິງເຊືອກ, ຕີໝາກຂ່າງ, ຍິງໜ້າເກັກ ແລະ ງົວຊົນງົວ; ເຊິ່ງກິລາທັງ 4 ຢ່າງນີ້ ຈະຊ່ວຍສ້າງຄວາມມ່ວນຊື່ໃຫ້ກັບຜູ້ທີ່ມາທ່ຽວຊົມ.
ເປົ່າແຄນເທິງເຊືອກ:
ການເປົ່າແຄນເທິງເຊືອກ ແມ່ນກິລາປະເພດໜຶ່ງ ທີ່ສຶບທອດກັນມາແຕ່ດົນນານ ແລະ ຈັດການແຂ່ງຂັນໃນທຸກປີ ເຊິ່ງນັກກິລາແຕ່ລະຄົນ ຕ້ອງນຸ່ງເຄື່ອງຂອງຊົນເຜົ່າມົ້ງ ແລະ ຕ້ອງມີແຄນທີ່ເຮັດດ້ວຍໄມ້ ເປັນຂອງຕົນເອງ.
ຕີໝາກຂ່າງ:
ກິລາຕີໝາກຂ່າງ ແມ່ນນັກກິລາແຕ່ລະຄົນ ຕ້ອງມີລູກໝາກຂ່າງເປັນຂອງຕົນເອງ ການຕີໝາກຂ່າງ ແມ່ນຈະມີ: ປະເພດຄູ່, ປະເພດດຽວ ແລະ ປະເພດທີມ, ໄລຍະຫ່າງໃນການຕີໝາກຂ່າງມີ: 5 ແມັດ,10 ແມັດ, 15 ແມັດ.
ຍິງໜ້າເກັກ:
ແມ່ນກິລາ ທີ່ຈັດຂຶ້ນທຸກໆ ປີ ໃນງານບຸນກິນຈຽງ ການຍິງໜ້າເກັກ ແມ່ນສາມາດຍິງໄດ້ທັງ ຊາຍ ແລະ ຍິງ ກະຕິກາການແຂ່ງຂັນ ຈະເປັນແບບດ່ຽວຕໍ່ດ່ຽວ, ໄລຍະໃນການຍິງແມ່ນ 10 ແມັດ ແລະ 15 ແມັດ.
ກິລາ ງົວຊົນງົວ:
ແມ່ນຈັດຂື້ນ ເພື່ອເພີ່ມຄວາມເບີກບານມ່ວນຊື່ນ ແລະ ໜ້າຕື່ນເຕັ້ນ ໃຫ້ກັບຜູ້ທີ່ມາທ່ຽວຊົມງານບຸນປະເພນີ.
ແລ້ວທ່ານເດ່! ເຄີຍໄປເບິ່ງກິລາປະເພດໃດ ໃນງານບຸນກິນຈຽງຂອງຊົນເຜົ່າມົ້ງແດ່.