Thursday, July 18, 2024
Lenovo

ເຈົ້າມີວິທີແນວໃດໃນການຮັກສາສິ່ງແວດລ້ອມ?

ທຳມະຊາດຄືແຫ່ງກຳເນີດ ແລະ ເປັນທີ່ເພິ່ງພາຂອງທຸກຊີວິດໃນໂລກ, ຖ້າສັບພະຍາກອນທຳມະຊາດດີ ກໍປຽບເໝືອນສົມບັດທີ່ມີຄ່າຂອງມະນຸດ, ມະນຸດທຸກຄົນ ມີສ່ວນໃນການໃຊ້ຊັບພະຍາກອນທຳມະຊາດ ດັ່ງນັ້ນ ຈຶ່ງເປັນໜ້າທີ່ຂອງທຸກຄົນເຊັ່ນກັນ ທີ່ຈະຕ້ອງອະນຸລັກຮັກສາສິ່ງແວດລ້ອມ ເຊິ່ງມື້ນີ້ ເຮົາມີໂອກາດໄດ້ສອບຖາມນັກສຶກສາ ສອງນ້ອງ ທີ່ກຳລັງສຶກສາຢູ່ຄະນະສິ່ງແວດລ້ອມ ຂອງມະຫາວິທະຍາໄລແຫ່ງຊາດ ກ່ຽວກັບການຮັກສາທຳມະຊາດແບບນັກສຶກສາສິ່ງແວດລ້ອມມາຝາກກັນ.

ນາງ ສຸກສະຫວັນ ນັກສຶກສາຄະນະສິ່ງແວດລ້ອມປີ 1 ເວົ້າວ່າ: ສຳລັບນ້ອງແລ້ວ ການອະນຸລັກຊັບພະຍາກອນທຳມະຊາດ ຄືການໃຊ້ຊັບພະຍາກອນຢ່າງມີປະສິດທິພາບ, ໄດ້ປະໂຫຍດສູງສຸດ ແລະ ໃນຄະນະດຽວກັນນັ້ນ ກໍຈະເຮັດໃຫ້ເກີດມົນລະຜິດນ້ອຍທີ່ສຸດດ້ວຍ ເພື່ອໃຫ້ມີທຳມະຊາດທີ່ດີໃຊ້ ຢ່າງຍືນຍົງຕໍ່ໄປໃນອານະຄົດ.

ເຊິ່ງເຮົາຄວນຈະເລີ່ມຕົ້ນ ຈາກການປູກຝັງຄວາມຄິດທີ່ຖືກຕ້ອງກ່ອນ ເຊັ່ນການສ້າງຮາກຖານຈິດສຳນຶກດ້ານສິ່ງແວດລ້ອມທີ່ໝັ້ນຄົງ ດ້ວຍການໃຫ້ຂໍ້ມູນຄວາມຮູ້ທີ່ຖືກຕ້ອງ ແກ່ຜູ້ຄົນທັງເຍົາວະຊົນ ແລະ ປະຊາຊົນທົ່ວໄປ ທັງໃນສະຖານທີ່ການສຶກສາຢ່າງໂຮງຮຽນ, ມະຫາວິທະຍາໄລ ລວມເຖິງລະບົບຮຽນຮູ້ອື່ນໆ ນອກຫ້ອງຮຽນ, ສົ່ງເສີມໃຫ້ຄົນມີສ່ວນຮ່ວມ ໃນການພັດທະນາສິ່ງແວດລ້ອມໃນບ່ອນທີ່ຕົນເອງອາໄສຢູ່.

ສ່ວນທ້າວ ຈັນທະຈອນ ນັກສຶກສາປີ 4 ຄະນະສິ່ງແວດລ້ອມເວົ້າວ່າ: ສຳລັັບນ້ອງແລ້ວ ການນຳໃຊ້ວັດສະດຸທົດແທນ ວັດສະດຸທີ່ເປັນມົນລະຜິດ, ສິ່ງຂອງບາງຢ່າງສ້າງມົນລະພາວະໃຫ້ກັບສິ່ງແວດລ້ອມ ຫຼື ເຮັດໃຫ້ເກີດການສິ້ນເປືອງ ເຊິ່ງເຮົາສາມາດໃຊ້ສິ່ງຂອງຊະນິດອື່ນໆທົດແທນໄດ້, ນອກຈາກນີ້ ການປູກຕົ້ນໄມ້ກໍເປັນການທົດແທນ ຕົ້ນໄມ້ທີ່ຖືກທຳລາຍໄປ, ການປູກຕົ້ນໄມ້ຈະສ້າງໃຫ້ອາກາດມີຄວາມປອດໂປ່ງບໍລິສຸດຫຼາຍຂຶ້ນ.

ເຊິ່ງໃນປັດຈຸບັນ ໂລກມີເທັກໂນ່ໂລຢີ ແລະ ງານວິໄຈກ່ຽວກັບຊັບພະຍາກອນທຳມະຊາດຢູ່ຫຼວງຫຼາຍ, ມີວິທີອະນຸລັກຊັບພະຍາກອນທຳມະຊາດ ແລະ ສິ່ງແວດລ້ອມ ສຳຄັນທີ່ສຸດຄືການສຶກສາ ໂດຍສະເພາະຊັບພະຍາກອນຮອບຕົວເຮົາ ເມື່ອເຂົ້າໃຈວິທີການດຳເນີນ, ຄວາມເປັນໄປ ແລະ ວິທີການຈັດການກ່ຽວກັບສິ່ງແວດລ້ອມແລ້ວ ກໍຈະຍິ່ງເຮັດໃຫ້ເຮົາຄິດ ແລະ ສາມາດປ່ຽນແປງຕົນເອງ ເພື່ອເຂົ້າສູ່ຫົນທາງແຫ່ງການອະນຸລັກຮັກສາ ຊັບພະຍາກອນທຳມະຊາດໃຫ້ດີຂຶ້ນ.

ເພາະທຳມະຊາດເຊື່ອມໂຍງກັບທຸກຊີວິດ, ການທີ່ເຮົາລະເລີຍການອະນຸລັກຮັກສາ ຈຶ່ງປຽບເໜືອນການທຳລາຍອີກຫຼາກຫຼາຍຊີວິດໃນອານະຄົດ ດັ່ງນັ້ນການອະນຸລັກຮັກສາ ຈຶ່ງເປັນໜ້າທີ່ຄວາມຮັບຜິດຊອບຂອງທຸກຄົນທີ່ຕ້ອງຊ່ວຍກັນ.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.