Wednesday, April 23, 2025

ເຈົ້າຢາກບອກຫຍັງກັບແມ່? ໃນວັນແມ່ປີນີ້

ວັນແມ່ກໍໝູນວຽນມາເຖິງອີກວາລະໜຶ່ງແລ້ວ ແຕ່ກໍຍັງມີອີກຫຼາຍໆຄົນທີ່ບໍ່ກ້າສະແດງຄວາມຮັກອອກໃຫ້ແມ່ຮັບຮູ້ ໃນວັນທົ່ວໆໄປ ແຕ່ການສະແດງຄວາມຮັກຂອງແຕ່ລະຄົນກໍມີຄວາມແຕກຕ່າງກັນອອກໄປວ່າຈະສະແດງໃນຮູບແບບໃດ ແລ້ວໃນວັນແມ່ປີນີ້ເດ່ ເຈົ້າຢາກບອກຫຍັງກັບແມ່ເຈົ້າ.

ມື້ນີ້ເຮົາມີໂອກາດໄດ້ສອບຖາມ ນ້ອງ ຂັນໄຊ ແຖມພູຄຳ ແລະ ນ້ອງ ກັນຍາລັດ ແຊ່ຈ້າວ ວ່າເພີ່ນຢາກບອກຫຍັງກັບແມ່ໃນວັນແມ່ປີນີ້ໄປເບິ່ງນຳກັນເລີຍ.

ນາງ ກັນຍາລັດ ຫຼື ແປ້ງ ເວົ້າວ່າ: ຕັ້ງແຕ່ນ້ອຍຈົນໃຫຍ່ ແປ້ງເປັນຄົນໜື່ງທີ່ບໍ່ຄ່ອຍບອກຮັກແມ່ເລີຍ ເພາະເປັນຄົນທີ່ບໍ່ຊ່າງສະແດງອອກ ໃນເລື່ອງພວກນີ້ປານໃດ ຈະຮູ້ສຶກເຂີນອາຍ ທຸກຄັ້ງທີ່ຄິດຢາກເວົ້າ ແຕ່ໃນທາງກົງກັນຂ້າມ ອີກມູມມອງໜື່ງ ທຸກຄັ້ງທີ່ເຮົາມີບັນຫາ ຫຼື ບາງຄັ້ງເຖີງເຮົາບໍ່ສະບາຍເລັກໆນ້ອຍໆເຮົາຈະຮູ້ສຶກໄດ້ວ່າຄົນທີ່ເປັນຫ່ວງເຮົາທີ່ສຸດເລີຍກໍຄື “ແມ່”, ຕອນຍັງນ້ອຍແມ່ມັກຈະບອກໃຫ້ເຮົາເຮັດແນວນັ້ນ ແນວນີ້ມັນຈະດີ ບາງຄັ້ງເຮົາກາຖຽງເພາະຮູ້ສຶກວ່າເປັນຫຍັງຕ້ອງບອກເຮົາເຮັດໃນສິ່ງທີ່ບໍ່ມັກ ແຕ່ເມື່ອເຮົາເຕີບໃຫຍ່ໄດ້ອອກໄປໃຊ້ຊີວິດຢູ່ໄກຈາກບ້ານ, ໄປຮຽນຕໍ່ ກໍຮູ້ສຶກຄິດຮອດແມ່ຫຼາຍ ຢາກໄດ້ຍິນສຽງແມ່ ແມ້ແຕ່ຄຳດ່າຈັກບາງຄຳກໍຍັງດີ, ຫຼັງຈາກນັ້ນ ເວລາກັບມາຫາແມ່ທຸກຄັ້ງ ຈຶ່ງພະຍາຍາມຟັງແມ່ຫຼາຍຂຶ້ນ ເພາະເຂົ້າໃຈແລ້ວທຸກສິ່ງທີ່ເພິ່ນເວົ້າມາແມ່ນຄວາມຫວັງດີ ຢາກໃຫ້ລູກໄດດີທັ້ງນັ້ນ (ເຖີງບາງຄັ້ງຈະຍັງຖຽງແມ່ຢູ່ໜ້ອຍໜຶ່ງກໍຕາມ).

ເນື່ອງໃນໂອກາດວັນແມ່ປີນີ້ ກໍຢາກບອກແມ່ວ່າລູກຮັກແມ່ເດີ ເຖິງຈະເປັນຄົນທີ່ບໍ່ຄ່ອຍສະແດງຄວາມຮູ້ສຶກອອກມາ ແຕ່ທຸກຢ່າງທີ່ເຮົາກຳລັງພະຍາຍາມເຮັດ ຫຼື ປະສົບຄວາມສຳເລັດມາແລ້ວກໍຕາມ ເຮົາພຽງຢາກໃຫ້ແມ່ພູມໃຈໃນຕົວລູກຄົນນີ້.

ທ້າວ ຂັນໄຊ ເວົ້າວ່າ: ວັນແມ່ປີນີ້ກະຢາກບອກວ່າ ແມ່ເປັນຄົນໜຶ່ງທີ່ໃຫ້ກຳລັງໃຈ, ໃຫ້ພະລັງບວກກັບເຮົາຕະຫລອດ ໃຫ້ເຮົາໄດ້ສູ້ຕໍ່ໄປ ບໍ່ວ່າຈະໃນຍາມໃດ ໂດຍສະເພາະຊ່ວງການປະກວດອອກແບບຊຸດຕ່າງໆ ເຖິງແມ່ຈະບໍ່ໄດ້ມີທຶນທີ່ຈະຊັບພອດເຮົາໄດ້ເຕັມທີ່ ແຕ່ແມ່ກໍຍັງຊ່ວຍເຮົາເຕັມທີ່ ໃຫ້ເຮົາໄດ້ເຮັດຕາມຄວາມຝັນ ສຸດທ້າຍກໍຢາກບອກແມ່ວ່າຮັກແມ່ທີ່ສຸດ ຢາກໃຫ້ແມ່ໄດ້ມີຄວາມສຸກ ແລະ ຢາກໃຫ້ແມ່ໄດ້ສະບາຍ ເປັນແມ່ທີ່ຄອຍຢູ່ນຳລູກຕະຫລອດໄປ.

More from author

Related posts

Latest posts

ໂປຣໂມຊັນຈຳກັດເວລາ: VietJet ມອບສ່ວນຫຼຸດ 50% ປີ້ຍົນທົ່ວທຸກເສັ້ນທາງ

(ນະຄອນຫຼວງວຽງຈັນ, ວັນທີ 18 ເມສາ 2025) – ເພື່ອສະເຫຼີມສະຫຼອງວັນການຕ້ອນໂຮມປະເທດຊາດຫວຽດນາມ, VietJet ມອບສ່ວນຫຼຸດ ໃຫ້ນັກທ່ອງທ່ຽວເຖິງ 50% (ບໍ່ລວມພາສີ ແລະ ຄ່າທຳນຽມ) ໃນຄ່າໂດຍສານຊັ້ນ Eco-class ໃນທົ່ວເຄືອຂ່າຍຖ້ຽວບິນ ຕັ້ງແຕ່ມື້ນີ້ຈົນຮອດວັນທີ 18 ເມສາ 2025. ນັກທ່ອງທ່ຽວສາມາດເພີດເພີນກັບຂໍ້ສະເໜີນີ້ໄດ້ໂດຍການໃຊ້ລະຫັດໂປຣໂມຊັນ VJ50 ເມື່ອຈອງຜ່ານທາງ www.vietjetair.com ເຊິ່ງເລີ່ມເດີນທາງຕັ້ງແຕ່ວັນທີ 28 ເມສາ ເຖິງ 30 ພະຈິກ 2025 (ບໍ່ລວມວັນພັກລັດຖະການ).

ບົດສວດ ອັງເຊີນພຣະພຸດທະຮູບໃນເຮືອນລົງສົງນໍ້າ ໃນມື້ປີໃໝ່ລາວ

ໃນວັນບຸນປີໃໝ່ລາວນີ້ ກ່ອນທີ່ຈະໄປສົງນໍ້າພຣະຢູ່ທີ່ວັດ ແຕ່ເຮົາກໍ​ຍັງມີ​ກິດຈະກຳ​ສຳຄັນ​ນັ້ນ​ຄື​ການສົງນໍ້າພຣະຢູ່ໃນເຮືອນ ເພື່ອ​ກຽມ​ສົງ​ນ້ຳ​ພຣະ​ເສີມສິລິມຸງຄຸນ​ຕ້ອນ​ຮັບ​ວັນປີໃໝ່ລາວ, ຫາກ​ໃຜ​ຍັງ​ບໍ່​ຮູ້​ວ່າ​ຈະ​ຕ້ອງ​ເຮັດແນວໃດ ກຽມ​ສົງ​ນ້ຳ​ພະວັນປີໃໝ່ລາວ​ນັ້ນ​ມີ​ຫຍັງແດ່ ອິນໄຊລາວ ໄດ້ລວບລວມ​ມາ​ໃຫ້​ແລ້ວ.

5 ໂຣກຮ້າຍຕ້ອງລະວັງ ໃນຊ່ວງບຸນປີໃໝ່ລາວ.

ບຸນປີໃໝ່ລາວ ແມ່ນອີກບຸນໜຶ່ງທີ່ມ່ວນຊື່ນທີ່ທຸກຄົນຈະໄປສົງພຣະ ຫຼິ້ນນໍ້າ ແຕ່ມັນກໍເຕັມໄປດ້ວຍພະຍາດຮ້າຍແຮງຕ່າງໆທີ່ອາດຈະເກີດຂຶ້ນໃນຊ່ວງນັ້ນ ເພາະວ່າເປັນລະດູຝົນອາກາດຈະຮ້ອນ ແລະ ຈຳນວນເຊື້ອພະຍາດສາມາດເພີ່ມຂຶ້ນໄດ້ງ່າຍ ພ້ອມທັງຄວາມຊຸ່ມຊື່ນຈາກກິດຈະກຳຫຼິ້ນນໍ້າໃນບຸນປີໃໝ່ລາວ, ເຊິ່ງເຮົາໄດ້ລວມເອົາ 5 ໂຣກທີ່ເຈົ້າຕ້ອງລະວັງມາໃຫ້ເບິ່ງນໍາກັນ.