ຜົນການວິໃຈ ຈາກກຸ່ມ Autonomy ຮ່ວມກັບ ນັກວິໃຈຈາກມະຫາວິທະຍາໄລ Boston College ແລະ University of Cambridge ຂອງປະເທດອັງກິດ ພາຍໃຕ້ແນວຄິດ “4 Day Week Global” ໄດ້ໃຫ້ຮູ້ວ່າ: ມີຫຼາຍບໍລິສັດໄດ້ເຂົ້າຮ່ວມເຮັດການທົດລອງປະມານ 3 ພັນຄົນ ໃນນັ້ນພົບວ່າມີ 15% ມັກການເຮັດວຽກ 4 ມື້/ອາທິດ.
ຈາກຜົນການສຳຫຼວດ ເຮັດວຽກ 4 ມື້/ອາທິດໄດ້ຜົນແທ້ ເພາະພະນັກງານໄດ້ເຮັດວຽກໜ້ອຍລົງ 1 ວັນ ແຕ່ຜົນໄດ້ຮັບຈາກການເຮັດວຽກ ມີປະສິດທິພາບ ຫຼາຍກວ່າການເຮັດວຽກ 5-6 ວັນ/ອາທິດ (ເງິນເດືອນສໍ່າເກົ່າ).
ໄອເດຍການເຮັດວຽກຮູບແບບໃໝ່ ທີ່ຫຼຸດເວລາຈາກປົກກະຕິ ມາເປັນ 4 ມື້/ອາທິດ, ໂດຍເຊື່ອວ່າ: ໄອເດຍດັ່ງກ່າວ ຈະຊ່ວຍໃຫ້ພະນັກງານມີຄວາມຫ້າວຫັນໃນການເຮັດວຽກຫຼາຍຂຶ້ນ, ມີປະລິມານວຽກເພີ່ມຂຶ້ນ, ຄຸນນະພາບວຽກກໍ່ໄດ້ດີຂຶ້ນ ແລະ ພະນັກງານມີສຸຂະພາບແຂງແຮງດີ ຫາກທຽບໃສ່ກັບເມື່ອກ່ອນ.
ສ່ວນກໍລະນີ້, ຖ້າຢາກໃຫ້ພະນັກງານເຮັດວຽກ 5-6 ມື້/ອາທິດ ບໍລິສັດຕ້ອງຈ່າຍຄ່າແຮງງານເພີ່ມຂຶ້ນ 26-50% ໂດຍມີພະນັກງານ 1 ໃນ 3 ບອກວ່າ: ຖ້າເງິນເພີ່ມຂຶ້ນ ກໍ່ຈະເປັນຈຸດດຶງດູດເຮັດໃຫ້ຄົນເຮັດວຽກຫຼາຍຂຶ້ນ.
ຜົນການທົດລອງ 6 ເດືອນຜ່ານໄປ ພະນັກງານທີ່ເຂົ້າຮ່ວມ ໄດ້ເຮັດລາຍງານປະໂຫຍດກ່ຽວກັບໂຄງການນີ້ວ່າ:
1) ພະນັກງານ ມີການນອນຢ່າງພຽງພໍ ແລະ ມີສຸຂະພາບດີຂຶ້ນ;
2) ຫຼຸດລະດັບຄວາມຄຽດ, ຄວາມກັງວົນໜ້ອຍລົງ;
3) ຊີວິດສ່ວນຕົວສົມບູນ ແລະ ສຸຂະພາບຈິດດີຂຶ້ນ;
4) ມີໄອເດຍໃໝ່ໆ ເຮັດໃຫ້ວຽກທີ່ມອບໝາຍສໍາເລັດກ່ອນເວລາ;
5) ລາຍໄດ້ຂອງບໍລິສັດເພີ່ມຂຶ້ນ ສະເລ່ຍ 35% ເມື່ອທຽບກັບໄລຍະດຽວກັນ;
6) ການລາອອກຂອງພະນັກງານໃນບໍລິສັດຫຼຸດລົງ.
ກຸ່ມນັກວິໄຈດັ່ງກ່າວ ກຳລັງປະສານງານເພື່ອສະເໜີແນວຄິດດັ່ງກ່າວໃຫ້ຂະຫຍາຍອອກໄປທົ່ວໂລກເພື່ອກະຕຸ້ນໃຫ້ບັນດາບໍລິສັດຕ່າງໆ ປ່ຽນຈາກການເຮັດວຽກແບບມາດຕະຖານ 40 ຊົ່ວໂມງຕໍ່ອາທິດ ມາເປັນ 32 ຊົ່ວໂມງຕໍ່ອາທິດໂດຍມຫ້ລູດຈ້າງໄດ້ຮັບຄ່າຈ້າງແລະສະຫວັດດີການເທົ່າເດີມ.
ຂໍ້ມູນຈາກ: washingtonpost