ໃນວັນບຸນປີໃໝ່ລາວນີ້ ກ່ອນທີ່ຈະໄປສົງນໍ້າພຣະຢູ່ທີ່ວັດ ແຕ່ເຮົາກໍຍັງມີກິດຈະກຳສຳຄັນນັ້ນຄືການສົງນໍ້າພຣະຢູ່ໃນເຮືອນ ເພື່ອກຽມສົງນ້ຳພຣະເສີມສິລິມຸງຄຸນຕ້ອນຮັບວັນປີໃໝ່ລາວ, ຫາກໃຜຍັງບໍ່ຮູ້ວ່າຈະຕ້ອງເຮັດແນວໃດ ກຽມສົງນ້ຳພະວັນປີໃໝ່ລາວນັ້ນມີຫຍັງແດ່ ອິນໄຊລາວ ໄດ້ລວບລວມມາໃຫ້ແລ້ວ.
ຂັ້ນຕອນທຳອິດ ກ່ອນທີ່ຈະເອົາພຣະພຸດທະຮູບລົງເຮືອນ ຈະຕ້ອງກ່າວຄຳຂໍຂະມາ ກ່ອນສົງນໍ້າທຳຄວາມສະອາດພະພຸດທະຮູບ ຫຼື ຮ້ານພະ ແລະ ເພື່ອບໍ່ໃຫ້ເກີດໂທດໄພ ໂດຍເລີ່ມຈາກຕັ້ງນະໂມ 3 ຈົບແລ້ວກ່າວຄຳຂໍຂະມາດັ່ງຕໍ່ໄປນີ້:
ຣະຕະນັດຕະເຢ ປະມາເທນະ ທະວາຣັດຕະເຢນະ ສັບພັງ ອະປະຣາທັງ ຂະມະຕຸ ໂນ ພັນເຕ (ຄຳແປ : ກາຍະກຳ 3 ວະຈີກຳ 4 ມະໂນກຳ 3 ທີ່ຂ້າພະເຈົ້າໄດ້ປະໝາດພາດພັ້ງໃນພະຣັດຕະນະໄຕຣ ດ້ວຍຄວາມຕັ້ງໃຈກໍດີ, ບໍ່ຕັ້ງໃຈກໍດີ, ຕໍ່ໜ້າກໍດີ, ລັບຫຼັງກໍດີ ຂໍພະຣັດຕະນະໄຕຣໄດ້ໂປຣດຍົກໂທດໃຫ້ຂ້າພະເຈົ້າດ້ວຍເຖີດ)
ຈາກນັ້ນ, ຫຼັງທຳຄວາມສະອາດພະພຸດທະຮູບ ແລະ ອົງພຣະຕ່າງໆ ສຳເລັດແລ້ວ ໃຫ້ອັງເຊີນພະພຸດທະຮູບໄວ້ທີ່ໂຕະທີ່ປະດັບດອກໄມ້, ກີບດອກໄມ້ຢ່າງສວຍງາມ ແລະ ນ້ຳທີ່ໃຊ້ສົງພະພຸດທະຮູບຄວນເປັນນ້ຳສະອາດຂະໜາດສາມາດດື່ມກິນໄດ້ກຽມອຸປະກອນຕ່າງໆ ທັງດອກໄມ້ກິ່ນຫອມ ເຊັ່ນ: ມະລິ, ກຸຫຼາບ, ດາວເຮືອງ, ດອກຄູນ ຫຼື ດອກໄມ້ທີ່ຊື່ເປັນມຸງຄຸນ ລວມທັງພວງມາໄລ ແລະ ນ້ຳຫອມ, ຂັນນ້ຳໃສ່ນ້ຳໃຫ້ພ້ອມ. ກຽມນ້ຳໂຮຍດອກໄມ້ ນ້ຳຫອມ ລົງໃນຂັນ ແລະ ເລີ່ມສົງນ້ຳ.
ເມື່ອເຖິງເວລາສົງນ້ຳພະ ໃຫ້ເລີ່ມຕັ້ງນະໂມ 3 ຈົບ ແລ້ວກ່າວຄຳອະທິຖານວ່າ:
ອິມິນາ ສິຍັງຈະເນເນວະ ໂຣໂຄ ໂສໂກ ອຸປັດທະວະໂທ ນິບພັນຕຸ ສັບພະໂສ ເອເຕ ສຸຂີ ໂຫນຕຸ ນິຣັນຕະຣັງ (ຄຳແປ: ເດຊະ ຂ້າພເຈົ້າສົງນ້ຳ ພະຊຸ່ມຊື່ນຕະຫຼອດການ ທຸກໂສກ ໂລກໄພພານ ສູນຫາຍໄປ ເປັນສຸກ ເທີ້ນ)