Monday, July 15, 2024
Lenovo

ການດື່ມແອວກໍຮໍ! ບໍ່ຄວນດື່ມເກີນປະລິມານເທົ່າໃດ ຈຶ່ງບໍ່ເປັນອັນຕະລາຍ.

ການດື່ມແອວກໍຮໍສາມາດສ້າງຄວາມສ່ຽງຕໍ່ການເກີດອຸບັດເຫດເທິງຖະໜົນ ແລະ ສຸຂະພາບໄດ້ ໂດຍສະເພາະກັບຕັບ ຖ້າທ່ານດື່ມຫຼາຍມັນສາມາດທໍາລາຍຕັບຂອງທ່ານໄດ້ ແລະ ຍັງເປັນສາເຫດຂອງພະຍາດຕ່າງໆເຊັ່ນ: ໂລກກະດູກພຸນ, ໂລກຫຼອດເລືອດໃນສະໝອງແຕກ, ຄວາມດັນເລືອດສູງ, ແລະ ອື່ນໆ.

ການ​ດື່ມ​ແອວກໍຮໍໃຫ້ປອດໄພ ຈະຕ້ອງບໍ່​ດື່ມເກີນ​ປະລິມານ​ທີ່​ກຳນົດ ແລະ ການບໍ່ດື່ມແອວກໍຮໍເລື້ອຍໆ ເພາະມັນຈະສາມາດຫຼຸດຜ່ອນຄວາມສ່ຽງຂອງພະຍາດເຫຼົ່ານີ້ ໄດ້, ນອກນັ້ນ ການເລືອກດື່ມວາຍຈະໃຫ້ຜົນປະໂຫຍດຫຼາຍກວ່າການດື່ມເບຍ ແລະ ເຫຼົ້າ ເນື່ອງຈາກວ່າ ວາຍມີປະໂຫຍດຕໍ່ສຸຂະພາບຂອງຫົວໃຈ ແລະ ເສັ້ນເລືອດ.

ຖ້າຫາກເຈົ້າຕ້ອງການດື່ມແອວກໍຮໍໃຫ້ປອດໄພ ເຈົ້າຈະຕ້ອງຄຳນຶງເຖິງສິ່ງເຫຼົ່ານີ້ຄື ປະລິມານການດື່ມແອວກໍຮໍທີ່ປອດໄພຂຶ້ນຢູ່ກັບເພດ ແລະ ນໍ້າໜັກຂອງຜູ້ດື່ມ ໂດຍຜູ້ຊາຍບໍ່ຄວນດື່ມເກີນ 2 ໜ່ວຍບໍລິໂພກຕໍ່ວັນ ແລະ ຜູ້ຍິງຄວນດື່ມບໍ່ເກີນ 1 ໜ່ວຍບໍລິໂພກຕໍ່ວັນ.

ສຳລັບປະລິມານໜ່ວຍບໍລິໂພກຂອງແອວກໍຮໍແຕ່ລະປະເພດແຍກຕາມເຄື່ອງດື່ມດັ່ງນີ້:

  • 1 ໜ່ວຍບໍລິໂພກຂອງ “ເບຍ” ເທົ່າກັບ 360 ມິນລິລິດ.
  • 1 ໜ່ວຍບໍລິໂພກຂອງ “ວາຍ” ເທົ່າກັບ 150 ມິນລີລິດ.
  • 1 ໜ່ວຍບໍລິໂພກຂອງ “ເຫຼົ້າ” ເທົ່າກັບ 45 ມິນລີລິດ.

ປີໃໝ່ລາວນີ້ ຄວນກິນດື່ມຢ່າງມີສະຕິ ເມົາບໍ່ຂັບ ແລະ ຕ້ອງດື່ມບໍ່ເກີນປະລິມານທີ່ກຳນົດໄງ້ວ່າບໍ່ເປັນອັນຕະລາຍ, ສຳລັບອັນຕະລາຍທີ່ດື່ມເກີນໜ່ວຍບໍລິໂພກຈະປະກອບມີ: ດື່ມເຫຼົ້າ 3 ໜ່ວຍບໍລິໂພກທຸກວັນມີໂອກາດເປັນ ຄວາມດັນເລືອດສູງ, ຜູ້ທີ່ດື່ມເຫຼົ້າຫຼາຍກວ່າ 8 ໜ່ວຍບໍລິໂພກ ທີໂອກາດຈະເປັນໂລກຫົວໃຈສູງກວ່າປົກກະຕິ 2 ເທົ່າ ສຳລັບຜູ້ທິ່ດື່ມແບບເປັນຊໍາເຮື້ອອາດຈະມີໂອກາດຫົວໃຈວາຍ ແລະ ອື່ນໆ.

ນອກນັ້ນ, ໃຜທີ່ຢາກຮູ້ກ່ຽວກັບ ສັນຍານເຕືອນ ແລະ ຂໍ້ແນະນຳ ກ່ຽວກັບແອວກໍຮໍ ຈາກອົງການອະນາໄມໂລກ ແມ່ນກົດເຂົ້າໄປອ່ານເພີ່ມເຕີມໄດ້ທີ່: ສັນຍານເຕືອນ! ຄວນໃຫ້ຢຸດ ການດື່ມແອວກໍຮໍ

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.

ສາຍການບິນ Vietjet ບັນລຸ​ຂໍ້​ຕົກລົງ ​ຍົກລະດັບ​ການ​ເຊື່ອມ​ຕໍ່​ການ​ຂົນ​ສົ່ງ​ທາງ​ອາກາດ ລະຫວ່າງ ສປປ ລາວ ແລະ ສສ ຫວຽດນາມ

(ນະຄອນຫຼວງວຽງຈັນ, ວັນທີ 11 ກໍລະກົດ 2024) - ກະຊວງໂຍທາທິການ ແລະ ຂົນສົ່ງປະຈຳ ສປປ ລາວ ແລະ ສາຍການບິນ Vietjet ປະກາດຂໍ້ຕົກລົງເພີ່ມທະວີການເຊື່ອມຕໍ່ການຂົນສົ່ງທາງອາກາດລະຫວ່າງ ປະເທດລາວ-ຫວຽດນາມ.

Sky Connections ໄດ້ຂະຫຍາຍ: ເສັ້ນທາງໃໝ່ຂອງສາຍການບິນ Vietjet ໃນທົ່ວປະເທດຈີນ ແລະ ເກົາຫຼີໃຕ້

(ນະຄອນຫຼວງວຽງຈັນ, ວັນທີ 08 ກໍລະກົດ 2024) –  ສາຍການບິນ Vietjet ໄດ້ສ້າງບາດກ້າວຄັ້ງໃໝ່ໃນການເຊື່ອມຕໍ່ສາຍການບິນຜ່ານ ພາກພື້ນອາຊີປາຊີຟິກ ດ້ວຍ​ການ​ເປີດ​ບໍລິການ​ໂດຍ​ກົງ​ແຫ່ງ​ທຳ​ອິດ ​ທີ່​ເຊື່ອມ​ຕໍ່​ ນະຄອນໂຮຈີ​ມິນ ​- Xi'an (ຈີນ) ​ແລະ ການ​ປະກາດ​ເສັ້ນທາງ Nha Trang - Daegu (ສ.​ເກົາຫຼີ),