ໃຜມັກຟັງເລື່ອງເລົ່າແນ່! ເວລານອນບໍ່ຫຼັບ ຖ້າເຮົາເປີດຢູທູບມາຟັງເລື່ອງເລົ່າຕ່າງໆ ກໍຈະເຄີ້ມຫຼັບໄວກວ່າປົກກະຕິ, ມື້ນີ້ເຮົາເລີຍລວມເອົາ ຊ່ອງຢູ່ທູບສາຍເລົ່າເລື່ອງຂອງລາວເຮົາມາໃຫ້ຟັງນໍາກັນ ເຊິ່ງແຕ່ລະຊ່ອງຈະມີການເລົ່າເລື່ອງທີ່ອາດຈະແຕກຕ່າງ ຫຼື ຄ້າຍຄືກັນ ບໍວ່າຈະເປັນ ເລື່ອງເລົ່າຄວາມເຊື່ອ, ປະຫວັດສາດ, ຂ່າວສານ ແລະ ຄວາມຮູ້ທົ່ວໄປ ໃຜທີ່ມັກແນວໃດໄປຟັງນໍາກັນເລີຍ.
Bounlaiy Thakhek
ຊ່ອງນີ້ເອີ້ນໄດ້ວ່າເປັນສາຍ ນິຍາຍ ເລົ່າເລື່ອງ ແລະ ຫາຂໍ້ພິສູດຕ່່າງໆຕ້ອງຊ່ອງນີ້ເລີຍ ມີແຕ່ລະເລື່ອງທີ່ເຮົາບໍ່ເຄີນຮູ້ມາກ່ອນ ຫຼື ເລື່ອງລາວໃນອາດີີດ ແມ່ນສາມາດຫາຄງາມຮູ້ໄດ້ຈາກຊ່ອງນີ້ເລີຍ.
ຕຳນານ Laos
ກໍຕາມຊື່ຊ່ອງເລີຍ ເປັນຊ່ອງທີ່ເວົ່າເຖິງກ່ຽວກັບຕໍານານຕ່າງໆທີ່ເກີດຂຶ້ນຢູ່ລາວ ຫຼື່ ເປັນຕໍານານທີ່ເຮົາເລົ່າຕໍ່ໆກັນມາໃນສະໄໝແຕ່ກີ້ແຕ່ກ່ອນ ເຊັ່ນ: ຕຳນານເລື່ອງທາດດຳ, ພູທ້າວ ແລະ ພູນາງ, ພຣະທາດອີງຮັງ ແລະ ອື່ນໆ.
Lao Tales – ເລື່ອງເລົ່າລາວ
ຊ່ອງນີ້ເປັນຊ່ອງທີ່ເລົ່າເລື່ອງລາວ ກ່ຽວກັບສິ່ງທີ່ເປັນເລື່ອງລີ້ລັບ, ການເບິ່ງດວງສະຕາຕ່າງໆ ແລະ ຍັງລວມໄປເຖິງຕຳນານເລື່ອງເລົ່າຂໍ້ຫ້າມຕ່າງໆ ທີີ່ບໍ່ໃຫ້ປະຕິບັດກັນມາຕັ້ງແຕ່ອາດີດ.
ຢາກເລົ່າ – Want To Tell
ຊ່ອງ ຢາກເລົ່າ ເປັນຊ່ອງທີ່ເລົ່າກ່ຽວກັບສິ່ງທີ່ເກີດຂຶ້ນໃນລາວເຮົາ ເອົາມາເລົ່າສູ່ກັນຟັງວ່າເກີດຫຍັງຂຶ້ນໃນຊ່ວງນັ້ນໆ ຫຼືວ່າ ມີເຫດການສຳຄັນຫຍັງເກີດຂຶ້ນທີ່ກ່ຽວກັບລາວ.
ລຸງດີ Loung D
ລຸງດີ ເປັນຊ່ອງທີ່ເລົ່າກ່ຽວກັບປະຫວັດສາດຂອງລາວເຮົາ, ວິລະກຳຂອງຜູ້ທີ່ເສຍສະຫຼະໃນສະໄໝສົງຄາມ ແລະ ການເມືອງການປົກຄອງ ໃນແຕ່ລະສະໄໝຕັ້ງແຕ່ອາດີີດ ຈົນເຖິງ ປັດຈຸບັນ.
TOUR dharm ທ່ຽວທັມ
ທ່ຽວທັມ ເປັນຊ່ອງທີ່ເລົ່າສູ່ຟັງ ກ່ຽວກັບທຸກຕຳນານເລື່ອງເລົ່າ ປະຫວັດສິ່ງລີ້ລັບນິທານພື້ນບ້ານຕ່າງໆຂອງລາວເຮົາ.
Top Laos Story ເລື່ອງພັນລາວ
ສຳລັບຊ່ອງນີ້ຖືວ່າເປັນຊ່ອງຂ່າວສານເລີຍກໍວ່າໄດ້ ເນື່ອງຈາກແຕ່ລະວີດີໂອທີ່ລົງແມ່ນກ່ຽວກັບປະເດັນສັງຄົມ ແລະ ຂ່າວສານຕ່າງໆທີ່ເກີດຂຶ້ນ ເຮັດໃຫ້ເຮົາເຂົ້າໄປຟັງ ຳ້ອມກັບຮູ້ທັນເຫດການທີ່ເກີດຂຶ້ນໃນສັງຄົມໄດ້.
