ພະນັກງານ ຫຼື ນັກສຶກສາ ທີ່ມັກພົບບັນຫານອນບໍ່ຫຼັບ ເຊິ່ງບັນຫາແບບນີ້ອາດເກີດຈາກຫຼາຍສາເຫດເຊັ່ນ ເຮັດວຽກຫຼາຍ ຫຼື ອາຫານການກິນຂອງເຮົາໃນແຕ່ລະມື້ ມື້ນີ້ເຮົາເລີຍຈະມາແນະນຳ ອາຫານທີ່ມີສ່ວນຊ່ວຍໃນການນອນຫຼັບ ເຊິ່ງຈະຊ່ວຍໃຫ້ເຮົານອນຫຼັບໄດ້ດີຂຶ້ນກວ່າເກົ່າ.
ນົມ ຫຼື ຜະລິດຕະພັນຈາກນົມ
ເຮົາສາມາດດື່ມນົມອຸ່ນໆ 1 ຈອກກ່ອນນອນ ເພື່ອເພີ່ມກົດອະມິໂນທິບໂຕເຟນໄດ້ງ່າຍໆເຊິ່ງຈະຊ່ວຍໃຫ້ຮ່າງກາຍຮູ້ສຶກຜ່ອນຄາຍ ສົ່ງເສີມໃຫ້ນອນຫຼັບສະບາຍຕະຫຼອດຄືນ.
ນໍ້າເຜິ້ງ
ນໍ້າເຜິ້ງມີສານຟລາໂວນອຍ ທີ່ມີສ່ວນລົດຄວາມຄຽດ ແລະ ປັບສະພາວະອາລົມໃຫ້ດີຂຶ້ນ ເລີຍເຮັດໃຫ້ຊ່ວຍໃນການນອນຫຼັບດີຂຶ້ນ ແຕ່ວ່າເຮົາບໍ່ຄວນກິນນໍ້າເຜິ້ງໃນປະລິມານຫຼາຍເກີນໄປຕໍ່ໜຶ່ງມື້.
ປາແຊວມອນ ແລະ ທູນາ
ເປັນອາຫານທີ່ອຸດົມໄປດ້ວຍວິຕາມິນ ແລະ ກໄດໄຂມັນໂອເມກ້າ 3 ເຊິ່ງມີການສຶກສາພົບວ່າ ມີສ່ວນຊ່ວຍໃນການຄວບຄຸມການເຮັດວຽກຂອງສານເຊໂຣໂທນິນທີ່ກ່ຽວຂ້ອງກັບສົມດຸນການນອນ ແລະ ພົບວ່າໃນກຸ່ມຄົນທີາກິນປາສາມາດຫຼັບໄດ້ງ່າຍຂຶ້ນ, ດັ່ງນັ້ນ ກິນເມນູຈາກປາຢ່າງໜ້ອຍອາທິດລະ 2 ຄັ້ງ ຊ່ວຍໃຫ້ສຸຂະພາບຫົວໃຈແຂງແຮງ ແລະ ເພີ່ມຄຸນນະພາບການນອນຫຼັບໃຫ້ດີຍິ່ງຂຶ້ນ ຊ່ວຍຫຼຸດຜ່ອນອາການນອນຫຼັບຍາກ.
ເຂົ້າໂອ໊ດ
ຈາກການສຶກສາພົບວ່າການກິນອາຫານທີ່ມີຄາໂບໄຮເດດກ່ອນເວລານອນຢ່າງໜ້ອຍ 4 ຊົ່ວໂມງ ມີສ່ວນຊ່ວຍໃຫ້ນອນຫຼັບໄດ້ດີຂຶ້ນ, ນອກນັ້ນ ເຂົ້າໂອ໊ດກໍເປັນແຫຼ່ງຂອງເມລາທານິນທີ່ຈະຊ່ວຍໃຫ້ການນອນດີຂຶ້ນ.
ຖົ່ວ Almonds
ເປັນຖົ່ວທີ່ຊ່ວຍປັບສົມດຖນການນອນ ແລະ ການສ້າງຮໍໂມນເມລາໂທນິນໄດ້ດີຍິ່ງຂຶ້ນ, ນອກນັ້ນ ຍັງເປັນແຫຼ່ງຂອງສານທິບໂຕເຟນທີາຈະຖືກປ່ຽນເປັນສານເຊໂຣໂທນິນ ແລະ ນໍາໄປສ້າງເປັນຮໍໂມນ ເມລານິນໃນທີ່ສຸດ ການທີ່ກິນຖົ່ວ 1 ກຳມື ກໍຈະຊ່ວຍໃຫ້ນອນຫຼັບງ່າຍ ຜ່ອນຄາຍຂຶ້ນຍິ່ງຂຶ້ນ.
ໝາກໄມ້
ໂດນສະເພາະກ້ວຍ, ກີວີ ຈະມີສານສຳຄັນຕໍ່ການນອນ ເຊັ່ນ: ໂພແທສຊຽມ, ທິບໂຕເຟນ ແລພ ເຊໂຣໂທນິນ ທີ່ຈະເປັນສານຕັ້ງຕົ້ນໃນການສ້າງຮໍໂມນເມລາໂທນິນ ເຊິ່ງຈາກການສຶກສາພົບວ່າ ການກິນໝາກໄມ້ ກີວີ 2 ລູກກ່ອນນອນ 1 ຊົ່ວໂມງ ຈະຊ່ວຍໃຫ້ນອນຫຼັບງ່າຍ ຜ່ອນຄາຍຍິ່ງຂຶ້ນ.
