Monday, July 15, 2024
Lenovo

ລະວັງ! ໂຣກນ້ຳກັດຕີນ

ລະດູຝົນກ້າວເຂົ້າມາແລ້ວ ແລະ ມັນກໍຈະມີນ້ຳຖ້ວມຂັງ ຊຶ່ງອາດເຮັດໃຫ້ເກີດໂຣກຜິວໜັງໄດ້ຫຼາຍຊະນິດ ຊຶ່ງແຕ່ລະຊະນິດຈະມີຄວາມແຕກຕ່າງກັນໄປ. ຊະນິດທຳອິດທີ່ຈະເກີດ ຫຼັງການສຳຜັດກັບນ້ຳເປື້ອນຢ່າງຕໍ່ເນື່ອງ ຄື: ໂຣກນ້ຳກັດຕີນ ເນື່ອງຈາກສິ່ງສົກກະປົກ ແລະ ສານເຄມີຕ່າງໆ ທີ່ປະປົນຢູ່ໃນນ້ຳຖ້ວມຂັງ ຜິວໜັງຈະມີອາການເປັນຝື່ນສີແດງ, ແສບ, ຄັນ ແລະ ອາດມີຂຸຍລອກໄດ້ ໂດຍສະເພາະຢູ່ບໍລິເວນຂໍ້ນິ້ວຕີນ.

ສຳລັບການປິ່ນປົວເບື້ອງຕົ້ນ ແມ່ນການໃຊ້ຢາທາແກ້ຝື່ນຄັນ ເພື່ອຊ່ວຍເພີ່ມຄວາມຊຸ່ມຊື່ນຂອງຜິວໜັງ ຈະຊ່ວຍຫຼຸດອາການຂຸຍຄັນໄດ້, ແຕ່ບໍ່ຄວນໃຊ້ຂີ້ເຜິ້ງປິ່ນປົວໂຣກເຊື້ອລາຊະນິດທີ່ມີລິດກັດ ເພາະຈະເພີ່ມຄວາມລະຄາຍເຄືອງຕໍ່ຜິວໜັງ ເຮັດໃຫ້ແສບ ແລະ ຄັນຫຼາຍຂຶ້ນ.

ຖ້າມີອາການຂອງນ້ຳກັດຕີນຕໍ່ເນື່ອງ ຜິວທີ່ເປື່ອຍລອກຈະຕິດເຊື້ອລາໄດ້ ແລະ ມີອາການຝື່ນແດງ, ມີຂຸຍຂາວລອກບໍລິເວນຂໍ້ນິ້ວຕີນ ຫຼື ເປັນຊະນິດຝື່ນໜາເປື່ອຍ ລອກເປັນຂຸຍທັງຝາຕີນ ແລະ ຂໍ້ນິ້ວໄດ້, ມີກິ່ນເໝັນ, ຖ້າເປັນຊຳເຮື້ອ ຝື່ນຈະໜາຂຶ້ນເລື້ອຍໆ ແລະ ປິ່ນປົວຍາກ.

ການປິ່ນປົວເຊື້ອລາທີ່ຜິວໜັງໃຫ້ໄດ້ຜົນນັ້ນ ຕ້ອງທາຢາຂ້າເຊື້ອລາຢ່າງສະໝ່ຳສະເໝີ ແລະ ຄວນທາຢາຢ່າງຕໍ່ເນື່ອງຢ່າງໜ້ອຍ 4 ອາທິດ, ຫຼີກເວັ້ນການໃຊ້ແອວກໍຮໍເຊັດບໍລິເວນຝື່ນແດງ ເພາະຈະເຮັດໃຫ້ຜິວແຫ້ງ ແລະ ຄັນຂຶ້ນກວ່າເກົ່າ. ທີ່ສຳຄັນ ຄວນຮັກສາຄວາມສະອາດ ແລະ ໃຫ້ຕີນແຫ້ງຢູ່ສະເໝີ ຈະຊ່ວຍປ້ອງກັນການກັບມາເປັນຊ້ຳອີກ.

ນອກຈາກການຕິດເຊື້ອລາແລ້ວ ພາວະທີ່ຜິວໜັງມີການປຽກຊຸ່ມຢູ່ເປັນເວລາດົນ ຈະເຮັດໃຫ້ເກີດການຕິດເຊື້ອແບັກທີເຣຍໄດ້ ຊຶ່ງສ່ວນໃຫຍ່ຈະເປັນການຕິດເຊື້ອທີ່ຜິວໜັງຊັ້ນຕື້ນໆ ເຮັດໃຫ້ຜິວໜັງເປື່ອຍເປັນຂຸມນ້ອຍ ຊຶ່ງຈະບໍ່ເປັນອັນຕະລາຍຮ້າຍແຮງນອກຈາກຈະມີກິ່ນເໝັນ. ແຕ່ຖ້າເປັນການຕິດເຊື້ອແບັກທີເຣຍ ທີ່ຜິວໜັງຊັ້ນເລິກ ຊຶ່ງມັກຈະເກີດຕາມຫຼັງການມີບາດແຜລອກ ຫຼື ຜິວໜັງຖືກຕຳສິ່ງທີ່ມີຄົມ ມັນກໍຈະບວມແດງຮ້ອນ, ກົດເຈັບ ແລະ ຕໍ່ມາ ກໍຈະແພ່ລາມໄປຍັງບໍລິເວນໃກ້ຄຽງ ແລ້ວອາດມີໄຂ້ສູງ ແລະ ມີຕ່ອມນ້ຳເຫຼືອງ ທີ່ບໍລິເວນຫວ່າງຂາໃຫຍ່. ສະນັ້ນ ການຮັກສາໂຕເອງໃນເບື້ອງຕົ້ນທີ່ຖືກວິທີ ຈະຊ່ວຍຫຼຸດການເກີດພາວະແຊກຊ້ອນຮຸນແຮງທີ່ຈະຕາມມາໄດ້.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.

ສາຍການບິນ Vietjet ບັນລຸ​ຂໍ້​ຕົກລົງ ​ຍົກລະດັບ​ການ​ເຊື່ອມ​ຕໍ່​ການ​ຂົນ​ສົ່ງ​ທາງ​ອາກາດ ລະຫວ່າງ ສປປ ລາວ ແລະ ສສ ຫວຽດນາມ

(ນະຄອນຫຼວງວຽງຈັນ, ວັນທີ 11 ກໍລະກົດ 2024) - ກະຊວງໂຍທາທິການ ແລະ ຂົນສົ່ງປະຈຳ ສປປ ລາວ ແລະ ສາຍການບິນ Vietjet ປະກາດຂໍ້ຕົກລົງເພີ່ມທະວີການເຊື່ອມຕໍ່ການຂົນສົ່ງທາງອາກາດລະຫວ່າງ ປະເທດລາວ-ຫວຽດນາມ.

Sky Connections ໄດ້ຂະຫຍາຍ: ເສັ້ນທາງໃໝ່ຂອງສາຍການບິນ Vietjet ໃນທົ່ວປະເທດຈີນ ແລະ ເກົາຫຼີໃຕ້

(ນະຄອນຫຼວງວຽງຈັນ, ວັນທີ 08 ກໍລະກົດ 2024) –  ສາຍການບິນ Vietjet ໄດ້ສ້າງບາດກ້າວຄັ້ງໃໝ່ໃນການເຊື່ອມຕໍ່ສາຍການບິນຜ່ານ ພາກພື້ນອາຊີປາຊີຟິກ ດ້ວຍ​ການ​ເປີດ​ບໍລິການ​ໂດຍ​ກົງ​ແຫ່ງ​ທຳ​ອິດ ​ທີ່​ເຊື່ອມ​ຕໍ່​ ນະຄອນໂຮຈີ​ມິນ ​- Xi'an (ຈີນ) ​ແລະ ການ​ປະກາດ​ເສັ້ນທາງ Nha Trang - Daegu (ສ.​ເກົາຫຼີ),