Thursday, July 18, 2024
Lenovo

ຮູ້ບໍ່ວ່າ ຄວາມຄຽດ ເປັນໜຶ່ງປັດໄຈທີ່ເຮັດໃຫ້ຜົມຫຼົ່ນ.

ການປ່ຽນແປງຂອງເສັ້ມຜົມ ບໍ່ວ່າຈະເປັນຄວາມໜາ ຄວາມບາງ ຫຼື ການຫຼົ່ນ ມັກຈະປ່ຽນແປງໄປຕາມຊ່ວງອາຍຸ ເຊິ່ງປັດໄຈໃນການປ່ຽນແປງນອກຈາກອາຍຸແລເວຍັງມີປັດໄຈອີກຫຼາຍຢ່າງ ທີ່ສາມາດເຮັດໃຫ້ຜົມຫຼົ່ນໄດ້.

ກ່ອນຈະໄປເບິ່ງສາເຫດ ຕ້ອງຮູ້ກ່ອນວ່າອາການຜົມຫຼົ່ນຖືເປັນເລື່ອງປົກກະຕິທີ່ສາມາດເກີດຂຶ້ນກັບທຸກຄົນໄດ້ ໂດຍປົກກະຕິແລ້ວນໜຶ່ງວັນຄົນເຮົາຈະມີຜົມຫຼົ່ນສິເລ່ຍ 100 ເສັ້ນຕໍ່ວັນ ແຕ່ຈຳນວນດັ່ງກ່າວແມ່ນຈະໜ້ອຍຫຼືຫຼາຍ ຂຶ້ນກັບປັດໄຈຕ່າງໆເຊັ່ນ: ອາຍຸຄົນເຮົາ, ອາຍຸຂອງເສັ້ນຜົມ, ການຈັດຊົງຜົມ, ກຳມະພັນ, ຄວາມຄຽດ ແລະ ອື່ນໆ

ອາຍຸ

ຫຼັງຈາກທີ່ເຈົ້າມີອາຍຸໄດ້ 30 ປີຂຶ້ນໄປ ກໍມັກຈະພົບກັບປັນຫາຜົນຫຼົ່ນທັງໃນຜູ້ຊາຍ ແລະ ຜູ້ຍິງ ແຕ່ສ່ວນໃຫຍ່ແລ້ວມັກຈະເກີດອາການຜົມຫຼົ່ນໃນຜູ້ຊາຍຫຼາຍກວ່າ

ອາຍຸຂອງເສັ້ນຜົມ

ໂດຍສະເລ່ຍແລ້ວຜົມຂອງຄົນເຮົານັ້ນຈະມີອາຍຸປະມານ 4 ປີ 6 ເດືອນ ເມື່ອເສັ້ນຜົມອາຍຸຄົບກຳນົດກໍຈະເກີດອາການຫຼຸດຫຼົ່ນຕາມທຳມະຊາດ ແລະ ຂຶ້ນໃໝ່ພາບໃນ 6 ເດືອນ.

ການຈັດຊົງຜົມ

ການຈັດຊົງຜົມ ບໍ່ໄດ້ໝາຍເຖິງການຈັດຊົງພຽງຢ່າງດຽວ ຍັງລວມໄປເຖິງການໃຊ້ຢາສະຫົົວ, ຫວີຜົມ ແລະ ການໃຊ້ນໍ້າມັນບໍາລຸງຜົມຕ່າງໆ ເຊິ່ງກິດຈະກຳເຫຼົ່ານີ້ລ້ວນເຮັດໃຫ້ເກີດອາການຜົມຫຼົ່ນໄດ້.

ກຳມະພັນ

ຜົມຫຼົ່ນທີ່ເກີດຈາກກຳມະພັນ ຫາກເຈົ້າມີກຳມະພັນຫົວລ້ານ ບໍ່ໄດ້ໝາຍຄວາມວ່າຈະເຮັດໃຫ້ຜົມຫຼົ່ນຫຼາຍກວ່າຄົນອື່ນ ພຽງແຕ່ວ່າແອັດຕາໃນການງອກຜົມໃໝ່ໜ້ອຍກວ່າຄົນອື່ນ ແລະ ຊ້າກວ່າປົກກະຕິ ເຮັດໃຫ້ເກີດຜົມບາງຫົວລ້ານໄດ້ ເຊິ່ງຜົມຫຼົ່ນທີ່ເກີດຈາກກຳມະພັນນັ້ນ ໃນແຕ່ລະບຸກຄົນຈະມີຜົມຫຼົ່ນບໍ່ເທົ່າກັນຂຶ້ນກັບ ອາຍຸ ເພດ ແລະ ຮໍໂມນ.

ອີກປັດໄຈໜຶ່ງທີ່ສຳຄັນ ເຊິ່ງເປັນອີກສາເຫດເຮັດໃຫ້ເກີດຜົມຫຼົ່ນ ແລະ ສາມາດເກີດຂຶ້ນກັບທຸກຄົນໄດ້ນັ້ນກໍຄື ຄວາມຄຽດ ໂດຍສາມາດແບ່ງປະເພດຂອງອາການຜົມຫຼົ່ນທີ່ເກີດຈາກ ການມີລະດັບຄວາມຄຽດ ໄດ້ດັ່ງນີ້:

  • Telogen effluvium ພາວະຜົມຫຼົ່ນທີ່ເກີດຂຶ້ນຈາກການກະຕຸ້ນຈາກຄວາມຄຽດ ເມື່ອເກີດຄວາມຄຽດຫຼາຍໆ ຈະເຮັດໃຫ້ຮາກຜົມເຂົ້າສູ່ໄລຍະພັກໂຕ ເມື່ອສະຜົມ ຫຼື ຫວີຜົມກໍຈະເຮັດໃຫ້ຜົມຫຼຸດງ່າຍຂຶ້ນ.
  • Trichotillomania ເປັນພາວະ ຜົມຫຼົ່ນທີ່ເກີດຈາກການຕອບສະໜອງຕໍ່ອາລົມດ້ານລົບຫຼືຄວາມຄຽດ ກະຕຸ້ນໃຫ້ເຈົ້າຮູ້ສຶກຢາກດຶງຜົມ ເພາະການດຶງຜົມເປັນການຕອບສະໜອງຂອງຮ່າງກາຍຕໍ່ຄວາມບໍ່ສະບາຍໃຈ ຫຼື ຄວາມຮູ້ສຶກດ້ານລົບຢ່າງໜຶ່ງ ເຊັ່ນ: ຄວາມຄຽດ ເບື່ອ ຫງຸດຫງິດ ຫຼື ຮູ້ສຶກເຫົງາ.
  • Alopecia areata ເປັນອາການຜົມຫຼົ່ນທີ່ເກີດຈາກຄວາມຄຽດຂັ້ນຮຸນແຮງ ເຮັດໃຫ້ລະບົບພູມຄຸ້ມກັນຂອງຮ່າງກາຍເຂົ້າໂຈມຕີຮູຂຸມຂົນ ເຮັດໃຫ້ຜົມຫຼົ່ນ.

ຈາກທີ່ກ່າວມາຂ້າງເທິງເຫັນໄດ້ວ່າ ຄວາມຄຽດກໍເປັນຕົວການໜຶ່ງທີ່ເຮັດໃຫ້ເກີດອາການຜົມຫຼົ່ນໄດ້ ແຕ່ບໍ່ແມ່ນອາການທີ່ເກີດຂຶ້ນຢ່າງຖາວອນ ຫາກເຈົ້າສາມາດຈັດການກັບຄວາມຄຽດ ຫຼື ຄວບຄຸມຄວາມຄຽດທີ່ເກີດຂຶ້ນໄດ້ ເສັ້ນຜົມກໍຈະກັບມາງອກ ແລະ ແຂງແຮງໄດ້ ແຕ່ຫາກເຈົ້່າສັງເກດເຫັນອາການຜົມຫຼົ່ນຂອງຕົນເອງຫຼາຍກວ່າປົກກະຕິ ຄວນປຶກສາກັບໝໍສະເພາະທາງເປັນການດີທີ່ສຸດ ເພື່ອບໍ່ໃຫ້ເກີດບັນຫາຮ້າຍແຮງ.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.