TikTok ເປັນແອັບທີ່ຂະຫຍາຍໂຕໄວທີ່ສຸດໃນຍຸກນີ້ ເຊິ່ງບາງຄົນຈັບໂທລະສັບມາກໍເຂົ້າ TikTok ຕອນຕື່ນນອນ ແລະ ຫຼິ້ນກ່ອນນອນ, ແຕ່ຮຸ້ບໍ່ວ່າ TikTok ກໍມີິມິດສາຊີບເກີດຂຶ້ນມາເຊັ່ນກັນ ບາງຄັ້ງກໍອາດຈະເຂົ້າມາຫຼອກເຮົແລ້ວ ແຕ່ເຮົາບໍ່ຮູ້ໂຕ.
ScamTok ຫຼື TikTok Scam ມິດສາຊີບທີ່ແຝງໂຕຢູ່ໃນ TikTok ມີຫຼາຍຮູບແບບ ແລະໃຊ້ຫຼາຍວິທີ ເພື່ອຫຼອກລວງເຮົາ ເຊິ່ງຈະມີວິທີໃດແນ່ໄປເບິ່ງນຳກັນເລີຍເພື່ອຮູ້ໄວ້ ຈະໄດ້ປ້ອງກັນໄວ້ທັນ:
- ຊ່ອງທາງລວຍທັນໃຈ: ມິດສາຊີບປອມໂຕເປັນຄົນດັງ ກູລູເລື່ອງຄວາມຮັກ ເຈົ້າຂອງທຸລະກິດ ຫຼືແມ່ຄ້າຂາຍສິນຄ້າ ລົງຄິບວີດີໂອແຜນການຊ່ອງທາງລວຍທັນໃຈ ຊ່ອງທາງອາຊີບໃໝ່ລວຍໄວ ເຊິ່ງເປັນພຽງການຫຼອກລວງຜູ້ຄົນໃຫ້ຄິດເຖິງຄວາມສຳເລັດຜົນຕອບແທນທີ່ໄດ້ຮັບ ຫຼື ໃຫ້ເຮັດວຽກທີ່ບໍ່ມີຈິງ.
- ບັນຊີທຸລະກິດປອມ: ເນື່ອງຈາກແອວກໍລິດທືມຂອງ TikTok ເຮັດໃຫ້ບັນຊີໃໝ່ສາມາດເຂົ້າສູ່ໜ້າຫຼັກຍອດນິຍົມໄດ້ແບບກ້າວກະໂດດ ພຽງແຕ່ຕາມເທນທີ່ຖືກຕ້ອງ ຫຼື ໃຊ້ເພງພື້ນຫຼັງຍອດນິຍົມ ແລ້ວສ້າງທຸລະກິດປອມໃຫ້ລົງທຶນ ຊື້ສິນຄ້າ ແລະ ຫຼອກໃຫ້ເຮົາຄິກລິ້ງ.
- ບັນຊີໄວຣັສ TikTok Bot: ສ່ວນໃຫຍ່ເປັນບັນຊີບັອດທີ່ມີເນື້ອຫາກ່ຽວກັບລົງທຶນ ເຊິ່ງບັອດເຫຼົ່ານີ້ສາມາດຂຶ້ນສູ່ໜ້າຫຼັກຂອງຜູ້ໃຊ້ງານຫຼາຍຄົນໄດ້ ຫຼືແຈກຍາຍລິ້ງທີ່ຕິດໄວຣັສ ຫາກຫຼົງກົດລິ້ງກໍອາດຈະຖືກຕິດຕັ້ງ Malwere.
- ແອັບ TikTok ປອມ: ມິດສາຊີບຈະແຈກຍາຍ TikTok ເວີຊັນປອມ ລົງຊື່ອອນລາຍ ຫຼື ເປັນລິ້ງໃຫ້ກົດດາວໂຫຼດ ນອກລະບົບ Store ຂອງໂທລະສັບ ເມື່ອດາວໂຫຼດແອັບເຫຼົ່ານີ້ຈະຖືກດູດຂໍ້ມູນ ສ່ຽງທີ່ຈະຖືກດູດເງິນໃນບັນຊີໄດ້.
- ຊື້ເພີ່ມຜູ້ຕິດຕາມ TikTok: ຜູ້ໃຊ້ຫຼາຍຄົນຢາກໃຫ້ບັນຊີໂຕເອງ ມີຄົນຖືກໃຈຫຼາຍຂຶ້ນ ກົດຕິດຕາມຫຼາຍຂຶ້ນ ຫຼື ມີຄົນເຂົ້າເບິ່ງວີດີໂອເຮົາຫຼາຍຂຶ້ນ ມິດສາຊີບຈຶ່ງໃຊ້ແນວທາງນີ້ຫຼອກລວງເຍື່ອ ບາງຄົນຈ່າຍເງິນໄປແລ້ວຫາຍໜີ ບາງຄົນຜູ້ຕິດຕາມເພີ່ມ ແຕ່ບັນຊີທີ່ມາຕິດຕາມເປັນບັນຊີບັອດທີ່ຖືກສ້າງຂຶ້ນ ອາດຈະເຮັດໃຫ້ບັນຊີເຮົາສ່ຽງຖືກປິດ.
- ບັນຊີແອບອ້າງ: ມິດສາຊີບຈະແອບອ້າງເປັນບຸກຄົນອື່ນ ຫຼື ບຸກຄົນທີ່ມີຊື່ສຽງເປັນທີ່ຮູ້ຈັກໃນສັງຄົມ ລວມໄປເຖິງກູລູດ້ານຕ່າງໆ ສົ່ງຂໍ້ຄວາມລໍ້ໃຫ້ຜູ້ເສຍຫາຍສົ່ງເງິນໃຫ້ເພື່ອແລກກັບໂອກາດມີກຳໄລເຊັ່ນ: ຫຼັກສູດການອອນລາຍ ຫຼື ຫຼັກສູດການລົງທຶນດ້ານຕ່າງໆ.
ປັດຈຸບັນ, ເດັກນ້ອຍຍຸກໃໝ່ກໍເລີ່ມຫັນມາຫຼິ້ນ TikTok ຫຼາຍເປັນໃຫຍ່ ພໍ່ແມ່ຄວນເບິ່ງ ແລະ ໃຫ້ຄຳແນະນຳຄວາມຮູ້ກັບລູກ ໃນການນໍາໃຊ້ສື່ສັງຄົມອອນລາຍໃນຍຸກທີ່ມີການຫຼອກລວງຫຼາຍວິທີແບບນີ້.
Hits: 2
