Thursday, July 18, 2024
Lenovo

ອັນຕະລາຍ ແລະ ຜົນກະທົບຈາກ ຝຸ່ນ PM 2.5

ທ່ານຢ່າຟ້າວຄິດວ່າ ຝຸ່ນ PM 2.5 ບໍ່ມີຜົນກະທົບຕໍ່ທ່ານ ເພາະມີມາດົນແລ້ວ ເນື່ອງຈາກວ່າທ່ານເອງຍັງບໍ່ທັນໄດ້ຮັບຜົນກະທົບໂດຍກົງ ເຖິງວ່າມັນຈະບໍ່ເກີດຜົນກະທົບຕໍ່ສຸຂະພາບຂອງເຮົາແບບກະທັນຫັນ ບໍ່ມີອາການຜິດປົກກະຕິຫຍັງເທື່ອ ແຕ່ຜົນກະທົບໃນໄລຍະຍາວຈາກ ຝຸ່ນ PM 2.5 ນັ້ນ ຮ້າຍແຮງກວ່າທີ່ເຮົາຄິດ.

ຜົນກະທົບຕໍ່ລະບົບທາງເດີນຫາຍໃຈ ແລະ ປອດ

ດ້ວຍຄວາມທີ່ PM 2.5 ທີ່ມີຂະໜາດນ້ອຍຫຼາຍ ຈຶ່ງສາມາດເຂົ້າໄປເຖິງປອດໄດ້ ໂດຍໃນຝຸ່ນ PM 2.5 ນັ້ນ, ມີສານກໍ່ມະເຮັງທີ່ຊື່ວ່າ Polycyclic Aromatic Hydrocarbon (PAH) ຫາກສູດເຂົ້າໄປສະສົມຢູ່ໃນປະລິມານຫຼາຍ ກໍສາມາດເຮັດໃຫ້ເກີດປອດອັກເສບ ແລະ ມະເຮັງປອດໄດ້.

ຜົນກະທົບຕໍ່ຫົວໃຈ

ນອກຈາກຈະເຂົ້າໄປໃນປອດໄດ້ແລ້ວ PM 2.5 ຍັງສາມາດເຂົ້າໄປປະປົນຢູ່ໃນກະແສເລືອດໄດ້ ຫາກໃນຫຼອດເລືອດມີ PM 2.5 ສະສົມຢູ່ໃນປະລິມານຫຼາຍ ຈະເຮັດໃຫ້ເກີດຕະກອນຕົກຄ້າງ ສົ່ງຜົນໃຫ້ຫົວໃຈເຕັ້ນຜິດປົກກະຕິ ອາດເຮັດໃຫ້ເກີດຫົວໃຈວາຍ ຫຼື ຫົວໃຈວາຍກະທັນຫັນ.

ຜົນກະທົບຕໍ່ສະໝອງ

ເລືອດສຳຄັນຕໍ່ສະໝອງ ແຕ່ເລືອດທີ່ເຕັມໄປດ້ວຍມົນລະພິດເຊັ່ນ PM 2.5 ຈະມີຄວາມໜຽວກວ່າ ສົ່ງຜົນໃຫ້ຄວາມດັນເລືອດເພີ່ມຂຶ້ນ ສ່ຽງຕໍ່ການເກີດເສັ້ນເລືອດໃນສະໝອງຕີບ ນຳໄປສູ່ການເປັນອຳມະພາດ ຫຼື ເສຍຊີວິດໄດ້.

ຜົນກະທົບຕໍ່ແມ່ຍິງຖືພາ

ຜົນງານດ້ານການວິໄຈຫຼາຍຢ່າງ ຈາກທົ່ວໂລກ ບອກເປັນສຽງດຽວກັນວ່າ PM 2.5 ນັ້ນ ມີຄວາມອັນຕະລາຍຕໍ່ແມ່ຍິງທີ່ກຳລັງຖືພາ ແລະ ລູກໃນທ້ອງ ຫາກແມ່ສູດເອົາ PM 2.5 ເຂົ້າໄປ ອາດເຮັດໃຫ້ເກີດກ່ອນກຳນົດ ແລະ ສ່ຽງຕໍ່ການລຸລູກ ອີກທັງຍັງເຮັດໃຫ້ເດັກນ້ອຍທີ່ເກີດອອກມາມີນ້ຳໜັກໜ້ອຍ, ຕິດເຊື້ອງ່າຍ ຫຼື ເປັນໂຣກ ອໍທິສຊຶມ (Autism).

ຜົນກະທົບຕໍ່ຜູ້ສູງອາຍຸ

ເຖິງວ່າ ທຸກຄົນມະມີຄວາມສ່ຽງໄດ້ຮັບຜົນກະທົບຮ້າຍແຮງຈາກ PM 2.5 ແຕ່ກຸ່ມຜູ້ສູງອາຍຸທີ່ລະບົບພູມຄຸ້ມກັນເລີ່ມເສື່ອມຖອຍລົງ ທີຄວາມສ່ຽງທີ່ຈະເກີດອັນຕະລາຍຮ້າຍແຮງໄດ້ຫຼາຍກວ່າ, ໂດຍສະເພາະຜູ້ສູງອາຍຸທີ່ມີໂຣກປະຈຳໂຕ ດັ່ງນັ້ນ ໃນມື້ທີ່ອາກາດປິດ ຫຼື ມີຄ່າຝຸ່ນເກີດມາດຕະຖານ ຄວນໃຫ້ຜູ້ສູງອາຍຸຢູ່ແຕ່ໃນເຮືອນ ຫຼື ອາຄານ ແລະ ໃສ່ໜ້າກາດ N95 ຕະຫຼອດເວລາເມື່ອອອກນອກເຮືອນ.

ຜົນກະທົບຕໍ່ຜູ້ທີ່ມີໂຣກປະຈຳໂຕ

ສຳລັບຄົນທີ່ມີໂຣກປະຈຳໂຕ ເປັນຕົ້ນແມ່ນໂຣກພູມແພ້ ຫຼື ຫອບຫືດ ອາດໄດ້ຮັບຜົນກະທົບແບບກະທັນຫັນຈາກ PM 2.5 ເຊັ່ນ ຫາຍໃຈຍາກ, ມີນ້ຳມູກ, ເກີດອາການໄອ, ເຈັບຄໍ, ເລືອດດັງອອກ, ຕາບວມແດງ, ມີຜື່ນຂຶ້ນທີ່ຜິວໜັງ ອີກທັງຍັງອາດເຮັດໃຫ້ໂຣກປະຈຳໂຕອອກລິດ ນຳໄປສູ່ອັນຕະລາຍຮ້າຍແຮງ ຈົນເຖິງຂັ້ນເສຍຊີວິດ.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.