Saturday, July 20, 2024
Lenovo

ປະຫວັດຄວາມເປັນມາ “ກິລາຕີຄີ” ໃນບຸນພຣະທາດຫຼວງວຽງຈັນ.

ການຕີຄີ ແມ່ນກີລາພື້ນເມືອງ ເປັນກິດຈະກຳ ໜຶ່ງທີ່ຈັດຂຶ້ນໃນຕອນບ່າຍມື້ສຸດທ້າຍຂອງບຸນ ນະມັດສະການພຣະທາດຫຼວງ ເພື່ອເຕົ້າໂຮມ ຄວາມສາມັກຄີລະຫວ່າງບ້ານຕໍ່ບ້ານ ແລະ ສ້າງຄວາມສາມັກຄີຮັກແພງລະ ຫວ່າງພະນັກງານ ກັບປະຊາຊົນທັງຍັງເປັນກິດຈະກຳທີ່ສາມາດດຶງ ດູດຄວາມສົນໃຈຂອງມວນຊົນທັງລາວ ແລະ ຕ່າງປະເທດ.

ລູກຄີເຮັດດ້ວຍເຫງົ້າໄມ້ໄຜ່ຕັນທາສີຄຳ ແລະ ໄມ້ຄີ ເຮັດດ້ວຍໄມ້ໄຜ່ທີ່ມີເຫງົ້າ ຫຼື ໂຄນຕົ້ນເດ່ອອກ ມາເປັນຮູບຊົງໂຄ້ງໂດຍທາສີຄຳ ແລະ ສີເງິນ. ການແຂ່ງຂັນກິລາພື້ນເມືອງນີ້ຈາກເມື່ອກ່ອນ ຕ້ອງຕີໃຫ້ໄດ້ໄລຍະໄກທີ່ສຸດ ຈຶ່ງຈະເປັນຜູ້ ຊະນະ ໄດ້ພັດທະນາມາເປັນການແຂ່ງຂັນແບບ ໝູ່ຄະນະ. ຂະນະທີ່ກະຕິກາການແຂ່ງຂັນ ກໍປ່ຽນໄປເປັນການຕີລູກຄີໃຫ້ເຂົ້າປະຕູຂອງອີກຝ່າຍໜຶ່ງ.

ພາຍຫຼັງສຳເລັດພິທີຕັກບາດຖວາຍສັງຄະທານຕອນເຊົ້າມື້ຂຶ້ນ 15 ຄໍ່າເດືອນ 12 ລາວໂດຍ ໃນຕອນ ບ່າຍມື້ດຽວກັນກໍໄດ້ມີການແຂ່ງຂັນ ຕາມປະເພນີ. ກ່ອນການແຂ່ງຂັນ ໄດ້ມີພິທີນຳເອົາລູກຄີ ແຫ່ອ້ອມລານພະທາດຫຼວງ 3 ຮອບ ກວານຈໍ້າປະຈຳບ້ານທາດຫຼວງ ໄດ້ພາຄະນະຝ່າຍລັດຖະບານ ແລະ ຝ່າຍປະ ຊາຊົນຂຶ້ນໄປຄາລະວະຂາບໄຫວ້ບອກກ່າວ. ຈາກນັ້ນກໍແຫ່ ໄປທີ່ລານເດີ່ນພຣະທາດຫຼວງ. ໃນການແຂ່ງຂັນໃຊ້ເວລາ 50 ນາທີຄື ເວລາທຳອິດ 25 ນາທີ ແລະ ເວລາຫລັງ 25 ນາທີ ໂດຍແຕ່ລະຄະນະມີ ນັກຕີຄີແຕ່ 20-25 ຄົນ.

ການແຂ່ງຂັນຕີຄື ໄດ້ບົ່ງບອກເຖິງຄວາມສັກສິດ ເຊິ່ງຕາມການເຊື່ອຖືມາແຕ່ບູຮານນະການວ່າ: ຖ້າປີໃດ ຝ່າຍປະຊາຊົນ ຊະນະ, ບ້ານເມືອງ ຈະ ຢູ່ເຢັນເປັນສຸກ ປະຊາຊົນເຂັ້ມແຂງ.

ຂະນະດຽວກັນກໍເປັນການບົ່ງບອກເຖິງການສ່ຽງທວາຍຂອງຄົນບູຮານ ບ້ານເມືອງຈະຢູ່ເຢັນເປັນສຸກ ບໍ່ອຶດເຂົ້າ ບໍ່ອຶດປາ ມີເຂົ້າເຕັມນາ ປາເຕັມໜອງ ບ້ານເມືອງມີຄວາມຮົ່ມເຢັນສະຫງົບ ປອດໄພ ການທຳມາຫາກິນມີທ່ວງທ່າດີຂຶ້ນດັ່ງ​ນີ້ແລ, ຫຼັງສຳເລັດການແຂ່ງຂັນກໍໄດ້ແຫ່ລູກຄີ ກັບຄືນ ແລະ ອັນເຊີນລູກຄີໄປໄວ້ບ່ອນເກົ່າ.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ປະຫວັດບຸນເຂົ້າພັນສາ

ວັນບຸນເຂົ້າພັນສາ ໃນປີນີ້ ແມ່ນກົງກັບ ວັນທີ 20 ກໍລະກົດ 2024 ຫຼື ຂຶ້ນ 15 ຄໍ່າ ເດືອນ 8 ລາວ ຊຶ່ງເປັນມື້ທີ່ຊາວພຸດທະສາສະໜາ ຈະໄດ້ພ້ອມກັນນຳພາຄອບຄົວອອກໄປຟັງທຳມະເທສະໜາ ແລະ ໄດ້ມີການກະກຽມສິ່ງຂອງຕ່າງໆ ເພື່ອໄປທຳບຸນໃນມື້ເຂົ້າພັນສາ

“ອົດອາຫານ” ບໍ່ຊ່ວຍໃຫ້ຫຼຸດນຳ້ໜັກ

ການອົດອາຫານນັ້ນ ສຳພັນກັບການຈຳກັດ ແຄລໍຣີ່ ຂອງອາຫານທີ່ເຮົາກິນໃນແຕ່ລະມື້, ການນັບ ແຄລໍຣີ່ ເປັນວິທີທີ່ໄດ້ຮັບຄວາມນິຍົມຫຼາຍ ຊຶ່ງມີທີມນັກວິໄຈດ້ານໂພຊະນາການ ໃນ ສະຫະລັດ ອາເມຣິກາ ໄດ້ລາຍງານລົງໃນວາລະສານ ການແພດ ເຈເອເອັມເອ (JAMA International Medicine) ເຖິງຜົນການລົງເລິກກວດຜູ້ໃຫຍ່ ທີ່ລະບຸວ່າ ອ້ວນເຖິງ 100 ຄົນ ໂດຍແບ່ງຈາກພຶດຕິກຳການກິນເປັນ 3 ກຸ່ມ ຊຶ່ງເປັນເວລາ 1 ປີ.

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.