ເມື່ອຕ້ອງເດີນທາງໃນຕອນກາງຄືນ ສິ່ງສຳຄັນແມ່ນຄວາມປອດໄພ ຍິ່ງເປັນຊ່ວງເຄົ້າດາວ ສົ່ງທ້າຍປີເກົ່າຕ້ອນຮັບປີໃໝ່ແບບນີ້ ຕ້ອງໃຫ້ຄວາມສຳຄັນເຄົ້າດາວແລ້ວກັບບ້ານມືດໆຕ້ອງເຮັດແນວໃດ ມື້ນີ້ເຮົາຈະມາແບ່ງປັນວິທີໃນການກຽມພ້ອມກ່ອນທີ່ຈະຂັບລົດກາງຄືນຕ້ອງກໜມຫຍັງແນ່ໄປເບິ່ງນໍາກັນເລີຍ.
ນອນຫຼັບພັກຜ່ອນໃຫ້ພຽງພໍ: ການຫຼັບໃນ ເປັນສາເຫດຂອງການເກີດອຸບປະຕິເຫດ, ການນອນຫຼັບຢ່າງພຽງພໍ ເປັນສິ່ງສໍາຄັນທີ່ຊ່ວຍປ້ອງກັນການຫຼັບໃນ. ການກິນຢາປົວພະຍາດທີ່ເຮັດໃຫ້ເກີດອາການເຫງົານອນ ກ່ອນອອກເດີນທາງ ເປັນສິ່ງທີ່ຄວນຫຼີກລ້ຽງ.
ການຂັບລົດໃນຕອນກາງຄືນ ເຮັດໃຫ້ຄວາມສາມາດໃນການເບິ່ງເຫັນຫຼຸດລົງ ແລະ ເຮັດໃຫ້ຕາເຮັດວຽກໜັກກວ່າການຂັບລົດໃນເວລາກາງເວັນ.
ກວດກາລະບົບໄຟ: ແສງໄຟຈາກລົດຂອງທ່ານ ເປັນສິ່ງສໍາຄັນຫຼາຍໃນການຂັບຂີ່ໃນຕອນກາງຄືນ. ຢ່າລືມກວດສອບໄຟເຍືອງທາງ (ໄຟຕໍ່າ, ໄຟສູງ), ໄຟ break, ໄຟທ້າຍ, ໄຟລ້ຽວ ແລະ ໄຟສຸກເສີນກ່ອນອອກເດີນທາງທຸກຄັ້ງ. ຫ້າມໃຊ້ໄຟຕາສູງບໍ່ສະເພາະແຕ່ຕອນມີລົດສວນທາງມາ ເທົ່ານັ້ນ ເວລາຂັບລົດຕາມຫຼັງຜູ້ອື່ນກໍ່ຫ້າມຄືກັນ ແລະ ເວລາຂັບຕາມເສັ້ນທາງໃນຕົວເມືອງກໍ່ຫ້າມໃຊ້ໄຟສູງຄືກັນ
ການຂັບຂີ່ລົດໃນຍາມກາງຄືນຄວາມສາມາດໃນການເບີ່ງເຫັນຈະມີຂອບເຂດຈໍາກັດຫລາຍ ຕ້ອງລະມັດລະວັງໃຫ້ຫລາຍ ເມື່ອຂັບຕາມຫຼັງຄັນອື່ນຕ້ອງຮັກສາໄລຍະຫ່າງໃຫ້ເໝາະກັບຄວາມໄວທີ່ໃຊ້ ແລະ ເມື່ອເຫັນໄຟເບກ ແລະ ໄຟສັນຍານລ້ຽວຂອງຄັນທາງໜ້າຮຸ່ງຂຶ້ນຕ້ອງຜ່ອນຄວາມໄວລົງ ເພື່ອຄວາມປອດໄພ
ຝົນຕົກໜັກ ໃຫ້ແວະພັກທັນທີ: ບໍ່ພຽງແຕ່ເຮັດໃຫ້ວິໄສທັດການເບິ່ງບໍ່ຈະແຈ້ງ ຍັງເຮັດໃຫ້ຖະໜົນມື່ນ, ທາງທີ່ດີຄວນຈອດລົດພັກຢູ່ໄຫຼ່ທາງ ພ້ອມເປີດໄຟສຸກເສີນ ຫລື ແລ່ນຊ້າໆ (ຂຶ້ນກັບສະຖານະການ) ເພື່ອໃຫ້ລົດຄັນອື່ນສັງເກດເຫັນທ່ານໄດ້ງ່າຍຂຶ້ນ.
ຢ່າໄວ້ໃຈໃຜຍາມກາງຄືນຕາມສາຍທາງປ່ຽວນອກເມືອງ ຖ້າເຫັນມີຄົນຢືນໂບກລົດໃນຍາມກາງຄືນ ໃຫ້ທ່ານຕັ້ງສະຕິ, ລ໋ອກລົດ ແລະ ສັງເກດວ່າມີອຸບປະຕິເຫດຫຼືບໍ່? ຢ່າລົງຈາກລົດ ແລະ ໃຫ້ໂທແຈ້ງ 1191