ທຸກມື້ນີ້ ຄົນນິຍົມກິນປາດິບຫຼາຍຂຶ້ນ ໂດຍສະເພາະໃນເມືອງໃຫຍ່ ທີ່ໄດ້ຮັບອິດທິພົນຂອງອາຫານຍີ່ປຸ່ນ ເຊັ່ນ ເຂົ້າປັ້ນຊູຊິ, ຊາຊິມິ ທີ່ມີປາດິບເປັນສ່ວນປະກອບ. ປາດິບທີ່ຄົນມັກກິນກໍມີ 2 ຊະນິດ ຄື ປານຳ້ຈືດ ແລະປາທະເລ ຊຶ່ງປາ 2 ຊະນິດມີເຊື້ອໂຣກທີ່ແອບແຝງມາທີ່ແຕກຕ່າງກັນ.
- ປາດິບນຳ້ຈືດ: ອາດພົບພະຍາດບາງຊະນິດແອບແຝງມາ ເຊັ່ນ ພະຍາດແມ່ທ້ອງແປ-ກົມ, ພະຍາດໃບໄມ້ໃນຕັບ ແລະພະຍາດໃບໄມ້ໃນລຳ້ໄສ້.
- ປາທະເລ: ອາດພົບໂຕອ່ອນຂອງພະຍາດອະນິຊາຄິດ ແຕ່ຢູ່ໃນປານຳ້ເຄັມ ຈະພົບພະຍາດໜ້ອຍກວ່າປານຳ້ຈືດ ແລະມີຄວາມຮຸນແຮງໜ້ອຍກວ່າ. ປາດິບທີ່ນຳມາປະກອບອາຫານຍີ່ປຸ່ນ ມັກຈະເຮັດມາຈາກປານຳ້ເຄັມ.
ກິນປາແບບໃດ ເພື່ອຫຼີກເວັ້ນຈາກພະຍາດ?
- ກ່ອນອື່ນຕ້ອງໃຫ້ແນ່ໃຈກ່ອນວ່າ ປາດິບທີ່ນຳມາເຮັດອາຫານນັ້ນເປັນປາທະເລ ເພາະບາງຄັ້ງຜູ້ທີ່ຮູ້ເທົ່າບໍ່ເຖິງການນຳເອົາປານຳ້ຈືດຫຼາຍຊະນິດມາເຮັດອາຫານ ເຮັດໃຫ້ເກີດພະຍາດແມ່ທ້ອງ, ພະຍາດໃບໄມ້ໃນຕັບ ຫຼື ພະຍາດໃບໄມ້ໃນລຳໄສ້ຊຶ່ງມີຄວາມຮຸນແຮງຫຼາຍກວ່າ.
- ການແຊ່ແຂງໃນອຸນຫະພູມຕຳ່ກວ່າ -35 ອົງສາ ຢ່າງໜ້ອຍ 15 ຊົ່ວໂມງ ຫຼື ຕຳ່ກວ່າ -20 ອົງສາ ຢ່າງໜ້ອຍ 7 ມື້ ຫຼື ຜ່ານຄວາມຮ້ອນຫຼາຍກວ່າ 60 ອົງສາ ຢ່າງໜ້ອຍ 5 ນາທີ ກ່ອນຈະນຳໄປປະກອບອາຫານ ເພື່ອເຮັດໃຫ້ພະຍາດຊະນິດນີ້ຕາຍໄດ້.