Monday, July 15, 2024
Lenovo

ຮູ້ຈັກກັບ “ໜັງສືຄຳພີທຳມະສາດຫຼວງ” ກົດໝາຍພື້ນຖານຂອງປະເທດທີ່ນັບຖືສາສະໜາພຸດ

ຄໍາພິທຳມະສາດນີ້ ເປັນກົດຫມາຍພື້ນການ ຂອງປະເທດທີ່ບັບທີ່ພຸດທະສາດສະຫນາ ນິກາຍຫິນະຍານ ໃນສະໄໝບູຮານ ທຸກປະເທດ ເພາະກໍເອົາສີນ 5 ເປັນຫຼັກການໃຫຍ່ ໂດຍແບ່ງອອກເປັນ 5 ບັນຄື: ບັ້ນປານາຕິບາດ, ບັ້ນອະທິນນາທານ, ບັ້ນເມສຸມິດສາຈານ, ບັ້ນມຸສາວາດ ແລະ ບັ້ນສຸຣາເມໄລ.

ໃນຄຳພີ ທໍາມະສາດລາວ ສະບັບຫໍສະຫມຸດແຫ່ງຊາດວຽງຈັນ ທີ່ກວດເຫັນແຕ່ຜູກຕົ້ນ ນອກນັ້ນບໍ່ຮູ້ວ່າເສຍຫາຍໄປທາງໃດ ມີເລື່ອງເປັນທີ່ໜ້າສົນໃຈ ຄືຕົວຢ່າງພະຣາຊະສານ ທີ່ສົ່ງໄປຜູກສໍາພັນທະໄມຕີ ກັບປະເທດເພື່ອນບ້ານໃນສະໄໝນັ້ນ ໂດຍບອກແຈ້ງວ່າ ຣາຊະສານໄປກຸງສີອະຍຸດທະຍາ ວ່າແນວນີ້ ໄປກຸງກໍາພູຊາ ວ່າແນວນີ້ ໄປກຸງຫົງສາວະດີ ວ່າແນວນີ້ ສານພະ ຣາຊິນີ ວ່າແນວນີ້ ສານມະຫາອຸປະຮາດ ວ່າແນວນີ້ ແລະ ສານສົມເດັດພະສັງຄະຮາດ ວ່າແນວນີ້ ໃນຄໍາຂຶ້ນຕົ້ນ ແລະ ລົງທ້າຍ ສ່ວນໃຈຄວາມນັ້ນສຸດແລ້ວແຕ່ວັດຖຸປະສົງ ອັນນີ້ສະແດງໃຫ້ເຫັນວ່າ ໃນສະໄໝນັ້ນ ມີລະບຽບທໍານຽມ ແລະ ວັດທິນະທຳທີ່ເປັນລາຍລັກອັກສອນສູງທີ່ສຸດ ແຕ່ເປັນທີ່ໜ້າເສຍດາຍ ເພາະເສັຍຫາຍໄປຫຼາຍຜູກ ທີ່ຍັງເຫຼືອກໍຊໍາຣຸດຂາດຫ້ຽນເປັນສ່ວນຫຼາຍ ແລະ ຍັງບໍ່ພົບສະບັບທີ່ສົມບູນ.

ການຈັດແບ່ງກົດໝາຍອອກເປັນ 5 ບັ້ນ ຕາມສິນ 5 ຫ້າຂໍ້ນັ້ນ ເພິ່ນອະທິບາຍໄວ້ວ່າ:

  • ບັ້ນປານາຕິບາດ: ເວົ້າເຖິງໂທດອາຍາ, ການປຸ້ນສະດົມ, ການຂ້າ, ການຕີ ແລະ ການທຳຮ້າຍຮ່າງກ່ຍເປັນຕົ້ນ.
  • ບັ້ນອະທິນນາທານ: ເວົ້າເຖິງການ ລັກການຂະໂມຍ ສ່ວນຫຼາຍທຽບໃສ່ອະວຍະວະຫານ 25 ຂອງວິໄນພະພິກຂຸ.
  • ບັ້ນເມສຸມິດສາຈານ: ເວົ້າເຖິງລັດສະນະກົດໝາຍຄອບຄົວ, ການແຕ່ງດອງ, ການປະຮ້າງ, ການຫຼີ້ນຊູ້ສູ່ສາວ ແລະ ການຂົ່ມຂືນຊໍາເຣົາເປັນຕົ້ນ.
  • ບັ້ນມຸສາວາດ: ເວົ້າເຖິງການສໍ້ໂກງຫຼອກລວງ, ຍົວະເຍົ້າເອົາຊັບສິນ ແລະ ລ່ວງເກີນສິດອະທິປະໄຕຂອງບຸນຄົນເປັນຕົ້ນ.
  • ບັ້ນສຸຣາເມໄລ: ເວົ້າເຖິງຄວາມມົວເມົາ, ປະມາດ, ກະທຳຄວາມຜິດ ຫຼື ລ່ວງເກີນຜູ້ອື່ນ.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.

ສາຍການບິນ Vietjet ບັນລຸ​ຂໍ້​ຕົກລົງ ​ຍົກລະດັບ​ການ​ເຊື່ອມ​ຕໍ່​ການ​ຂົນ​ສົ່ງ​ທາງ​ອາກາດ ລະຫວ່າງ ສປປ ລາວ ແລະ ສສ ຫວຽດນາມ

(ນະຄອນຫຼວງວຽງຈັນ, ວັນທີ 11 ກໍລະກົດ 2024) - ກະຊວງໂຍທາທິການ ແລະ ຂົນສົ່ງປະຈຳ ສປປ ລາວ ແລະ ສາຍການບິນ Vietjet ປະກາດຂໍ້ຕົກລົງເພີ່ມທະວີການເຊື່ອມຕໍ່ການຂົນສົ່ງທາງອາກາດລະຫວ່າງ ປະເທດລາວ-ຫວຽດນາມ.

Sky Connections ໄດ້ຂະຫຍາຍ: ເສັ້ນທາງໃໝ່ຂອງສາຍການບິນ Vietjet ໃນທົ່ວປະເທດຈີນ ແລະ ເກົາຫຼີໃຕ້

(ນະຄອນຫຼວງວຽງຈັນ, ວັນທີ 08 ກໍລະກົດ 2024) –  ສາຍການບິນ Vietjet ໄດ້ສ້າງບາດກ້າວຄັ້ງໃໝ່ໃນການເຊື່ອມຕໍ່ສາຍການບິນຜ່ານ ພາກພື້ນອາຊີປາຊີຟິກ ດ້ວຍ​ການ​ເປີດ​ບໍລິການ​ໂດຍ​ກົງ​ແຫ່ງ​ທຳ​ອິດ ​ທີ່​ເຊື່ອມ​ຕໍ່​ ນະຄອນໂຮຈີ​ມິນ ​- Xi'an (ຈີນ) ​ແລະ ການ​ປະກາດ​ເສັ້ນທາງ Nha Trang - Daegu (ສ.​ເກົາຫຼີ),