ໃນທຸກຊ່ວງຂອງລະດູຮ້ອນ ສິ່ງທີ່ຄົນຄົ້ນຫາຫຼາຍກ່ຽວກັບຄອມພິວເຕີແມ່ນວິທີການເພີ່ມຄວາມເຢັນຂອງຄອມພິວເຕີ ເພາະຄວາມຮ້ອນເປັນບັນຫາໃຫຍ່ທີ່ເຮັດໃຫ້ອຸປະກອນເສື່ອມເສຍໄວຂຶ້ນ. ເຮົາຈຶ່ງຈະມາແນະນຳວິທີພື້ນຖານທີ່ສາມາດຊ່ວຍຫຼຸດຄວາມຮ້ອນໄດ້ໃນລະດັບໃດໜຶ່ງ ໄປເບິ່ງນໍາກັນເລີຍ.
1. ປິດໂປແກຣມທີ່ບໍ່ໄດ້ໃຊ້ງານ
ນີ້ແມ່ນວິທີການພື້ນຖາທີ່ສຸດເມື່ອພວກເຮົາເປີດອຸປະກອນ ມັນຈະມີບາງໂປແກຣມທີ່ພວກເຮົາອາດຈະບໍ່ໄດ້ນໍາໃຊ້ທັນທີແຕ່ມັນເປີດໄວ້ ໂດຍສະເພາະບັນດາໂໂປແກຣມທີ່ມາພ້ອມກັບ Windows ເຊັ່ນ Mail, Skyped, Teams, ຫຼື ບາງໂປຣແກຣມ Game Luancher. ຖ້າທ່ານຍັງບໍ່ໄດ້ໃຊ້ເທື່ອໃຫ້ຢຸດວຽກກ່ອນ ເຊິ່ງນີ້ຈະເປັນການຫຼຸດຜ່ອນການໃຊ້ພະລັງງານ ແລະ ຈະຊ່ວຍຫຼຸດຜ່ອນຄວາມຮ້ອນໄດ້.
2. ທຳຄວາມສະອາດຝຸ່ນ ແລະ ພັດລົມ
ຂີ້ຝຸ່ນມີຫຼາຍຂຶ້ນການໄຫຼຂອງອາກາດໃນເຄື່ອງຈະໜ້ອຍລົງຈະເຮັດໃຫ້ເກີດຄວາມຮ້ອນສະສົມເປັນຜົນ ສຳລັບຄອມພິວເຕີຕັ້ງໂຕະ, ທ່ານສາມາດເອົາມັນອອກ ແລະ ເປົ່າຂີ້ຝຸ່ນອອກເອງໄດ້, ແຕ່ສຳລັບໂນ໊ດບຸ໊ກ ຫຼື ແມັກບຸ໊ກ, ແນະນຳໃຫ້ຊອກຫາພັດລົມພັດມາເປົ່າໃສ່ຊ່ອງລົມເພື່ອຟອກຂີ້ຝຸ່ນອອກ.
3. ໃຊ້ Cooling Pad
ສຳລັບໃຜທີ່ໃຊ້ໂນ໊ດບຸ໊ກ ຫຼືແມັກບຸ໊ກແລະ ໝັ້ນໃຈໃນລະບົບmeຄວາມເຢັນໃນເຄື່ອງ ຂໍໃຫ້ເຊົາຄິດແບບນັ້ນໄວ້ກ່ອນ ເພາະອາກາດໃນປະເທດລາວແມ່ນຮ້ອນຫຼາຍ ແລະ ສ່ວນໃຫຍ່ແລ້ວມັກຈະປ່ອຍຄວາມຮ້ອນຈາກກ້ອງເຄື່ອງ ຫຼືຈາກທາງຂ້າງເຄື່ອງ ຫຼືເທິງເຄື່ອວແລ້ວແຕ່ລະບົບ, ດັ່ງນັ້ນ Cooling Pad ຈະຊ່ວຍໃຫ້ດູດອາກາດດີກວ່າເກົ່າ ແລະ ລະບາຍເປົ່າລົມໃຫ້ຄອມເຢັນຢູ່ຕະຫຼອດ.
4. ປັບໂໝດຄອມພິວເຕີໃຫ້ເຮັດວຽກແບບ Performance
ໃນໂນ໊ດບຸ໊ກຫຼາຍຮຸ່ນ ລວມທັງ Desktop PC ຈະມີໂໝດໃຫ້ເລືອກເພື່ອປັບການນຳໃຊ້ ເຊັ່ນ: Power Efficiency (ປະຫຍັດພະລັງງານ), Balance (ສົມດູນ) ແລະປະສິດທິພາບ (ປະສິດທິພາບສູງ) ໂດຍໃນ Windows 11, ທ່ານສາມາດໄປທີ່ System > Power & Battery ໃນໜ້າ Power Mode ແລະເລືອກທີ່ດີທີ່ສຸດ. ການເລືອກໂໝດນີ້ ຈະເຮັດໃຫ້ລະບົບປັບຄວາມໄວພັດລົມສູງຂຶ້ນ ແລະ ເຮັດໃຫ້ຄອມພິວເຕີເຢັນລົງ.
5. ຕິດຕັ້ງໂປແກຣມເພື່ອເບິ່ງອຸນຫະພູມ.
ພວກເຮົາສາມາດຕິດຕັ້ງໂປຼແກຼມເພີ່ມເຕີມເພື່ອເບິ່ງອຸນຫະພູມຂອງຄອມພິວເຕີໄດ້ງ່າຍໆ, ບໍ່ວ່າຈະເປັນ Core Temp HWMonitor ຫຼືໂປຼແກຼມອື່ນໆທີ່ສາມາດດາວໂຫຼດ ແລະ ຕິດຕັ້ງໄດ້ໂດຍບໍ່ເສຍຄ່າ (ແຕ່ໃຫ້ລະວັງໄວຣັສ ດາວໂຫຼດໂດຍກົງຈາກເວັບໄຊທີ່ປອດໄພ) ໂປແກຣມເຫຼົ່ານີ້ຈະເຮັດໃຫ້ເຈົ້າເຫັນວ່າ ອຸນຫະພູມພາຍໃນຄອມພິວເຕີສູງເກີນໄປບໍ? ຖ້າມັນສູງເກີນໄປ, ທ່ານຄວນຫຼີກລ່ຽງການໃຊ້ມັນໃນຊ່ວງເວລານັ້ນ ຫຼື ຫາວິທີກະຈາຍອາກາດຫຼາຍຂຶ້ນ ເຊັ່ນ: ຕິດຕັ້ງພັດລົມເຢັນ ຫຼືຍົກມັນໄປໃຊ້ໃນບ່ອນທີ່ມີອຸນຫະພູມຕໍ່າ.