#LIFE |ອາກາດຮ້ອນໆແບບນີ້ ເປັນອັນຕະລາຍຕໍ່ສັດລ້ຽງ ສຳລັບບ້ານທີ່ບໍ່ມີແອ ຫຼື ພັດລົມມາຊ່ວຍ. ເຖິງແມ່ນວ່າ ສັດຈະມີວິທີການປັບຕົວກັບອາກາດຮ້ອນຕາມທຳມະຊາດ ຢູ່ແລ້ວ ແຕ່ຖ້າຫາກຄົນລ້ຽງຊ່ວຍອອກແຮງ ແລະ ຄ່າໃຊ້ຈ່າຍພຽງເລັກນ້ອຍ ກໍຈະເຮັດໃຫ້ສັດລ້ຽງຂອງເຮົາຢູ່ສະບາຍຍິ່ງຂຶ້ນ, ຫຼຸດຜ່ອນຄວາມສ່ຽງໃນການເຈັບປ່ວຍ ແລະ ຫຼຸດຜ່ອນ ຄ່າປິ່ນປົວໄດ້ຫຼາຍສົມຄວນ.
ເລີ່ມຈາກການສຳຫຼວດບໍລິເວນຄອກທີ່ໃຊ້ຂັງສັດລ້ຽງ, ບໍລິເວນທີ່ສັດລ້ຽງນອນ ວ່າມີຮົ່ມພຽງພໍຫຼືບໍ່. ຖ້າຫາກບໍ່ພໍ ກໍເຮັດຮົ່ມຈາກງ່າໄມ້ ຫຼື ເຮັດຈາກເຈ້ຍແຂງ ໂດຍສະເພາະແມ່ນທາງດ້ານທິດຕາເວັນຕົກທີ່ໄດ້ຮັບແສງແດດໃນຕອນບ່າຍ.
ນອກຈາກນີ້ ການສ້າງແອ່ງນ້ຳຈາກຊາມ ຫຼື ພາຊະນະອື່ນໆ ແລ້ວນຳເອົາຜ້າທີ່ຈຸ່ມນ້ຳເຢັນໆ ລົງໄປແຊ່ ກໍຈະຊ່ວຍຫຼຸດຜ່ອນ ຄວາມຮ້ອນໃຫ້ແກ່ສັດລ້ຽງໄດ້.ຖ້າຫາກວ່າມີເວລາ ແລະ ງົບປະມານທີ່ພຽງພໍ ກໍສ້າງບ່ອນຮົ່ມໄວ້ຕາມແຕ່ລະຈຸດ ເພື່ອໃຫ້ສັດລ້ຽງສາມມາດ ຫາຈຸດຫຼົບແດດ ໃນແຕ່ລະຊ່ວງເວລາໄດ້ເອງ.
ສຳລັບສັດລ້ຽງທີ່ຢູ່ໃນຄອກຕະຫຼອດເວລາ ຢ່າລືມຫາຂວດນ້ຳ ຫຼື ຖາດນ້ຳເຢັນໆ ໄວ້ໃນຄອກ ແລ້ວໝັ່ນປ່ຽນນ້ຳເລື້ອຍໆ ໂດຍສະເພາະແມ່ນຕອນບ່າຍທີ່ອາກາດຮ້ອນໆ ຖ້າຫາກປ່ຽນໄດ້ທຸກໆ 30 ນາທີ ຈະຊ່ວຍໃຫ້ສັດລ້ຽງເຢັນສະບາຍ ແລະ ຊ່ວຍລະບາຍຄວາມຮ້ອນໃນຄອກໄດ້ເປັນຢ່າງດີ.
#ອິນໄຊລາວ #InsideLaos ສາລະດີໆ ມີຢູ່ບ່ອນນີ້.