ຮອດບຸນປີໃໝ່ລາວ ແອວກໍຮໍເປັນສິ່ງປາສະຈາກບໍ່ໄດ້ເລີຍທີ່ຕ້ອງມີຄຽງຄູ້ກັບການກິນລ້ຽງ ແລະ ການສັງສັນກັບຫໝູ່ເພື່ອນ, ຖ້າຫຼີກລ້ຽງກໍຄວນຫຼີກລ້ຽງ ແຕ່ຫາກວ່າຫຼີກລ່ຽງບໍ່ໄດ້ແມ່ນໃຫ້ມາຟັງທາງນີ້ ເຮົາຈະແນະນຳກ່ຽວກັບອາຫານທີ່ບໍ່ຄວນກິນກັບແອວກໍຮໍ ເຊິ່ງບາງຄັ້ງອາຫານເຫຼົ່ານີ້ຫຼາຍຄົນອາດຈະສັ່ງກິນກັບເຫຼົ້າ ແຕ່ທີ່ຈິງແລ້ວສາມາດທໍາລາຍສຸຂະພາບຂອງເຈົ້າໃນອະນາຄົດໄດ້ ຈະມີຫຍັງໄປເບິ່ງນໍາກັນເລີຍ.
- ອາຫານເຄັມ.
ອາຫານເຄັມ ເຮັດໃຫ້ຮ່າງກາຍຂອງພວກເຮົາໄດ້ຮັບ ໂຊດຽມຫຼາຍ ເຊິ່ງໂຊດຽມຈະເຮັດໃຫ້ພວກເຮົາຫິວ. ດັ່ງນັ້ນ, ມັນອາດຈະເຮັດໃຫ້ພວກເຮົາດື່ມເຫຼົ້າຫຼາຍໂດຍບັງເອີນເຊັ່ນກັນ. ເພາະສະນັ້ນ, ທ່ານຄວນປ່ຽນອາຫານຫວ່າງເປັນຜັກ, ຊີ້ນ ແລະ ແກ່ນມີລົດຊາດເບົາໆ (ບໍ່ມີເກືອ) ຈະດີກວ່າ.
- ອາຫານສົ້ມ
ໝາກໄມ້ສົ້ມເຊັ່ນ: ໝາກນາວ, ໝາກກ້ຽງ ອາດຈະເລັ່ງອາການຂອງກົດໄຫຼຍ້ອນໄດ້ ໃຜທີ່ມີຄວາມສ່ຽງ ຫຼື ເປັນໂຣກນີ້ຢູ່ ຄວນຫຼີກລ້ຽງ.
- ເຂົ້າຈີ່.
ຖ້າແອວກໍຮໍທີ່ທ່ານດື່ມແມ່ນເບຍ, ເຂົ້າຈີ່ ແລະ ເບຍທັງສອງແມ່ນຜະລິດຈາກເຊື້ອລາ ການບໍລິໂພກອາຫານທີ່ຜະລິດຈາກເຊື້ອລາຫຼາຍເກີນໄປໃນເວລາດຽວກັນ ອາດຈະເຮັດໃຫ້ທ້ອງອືດ ແລະ ອາຫານບໍ່ຍ່ອຍ.
- ນ້ຳອັດລົມທີ່ບໍ່ມີນ້ຳຕານ
ນ້ຳອັດລົມທີ່ບໍ່ມີນ້ຳຕານທີ່ຫຼາຍຄົນໃຊ້ເປັນເຄື່ອງປະສົມກັບເຫຼົ້າ ມັນອາດຈະເຮັດໃຫ້ເຮົາເມົາໄວກວ່ານ້ຳອັດລົມທຳມະດາທີ່ມີນ້ຳຕານ.
- ອາຫານໄຂມັນສູງ
ອາຫານປະເພດຂົ້ວ, ອາຫານທີ່ມີນໍ້າມັນຕ່າງໆ ອາດຈະເຮັດໃຫ້ເກີດການເລັ່ງອາການຂອງອາການກົດໄຫຼຍ້ອນໄດ້ ແລະ ມັນຍັງຊະລໍການເຮັດວຽກຂອງກະເພາະອາຫານ ຈົນເຮັດໃຫ້ອາຫານບໍ່ຍ່ອຍໄດ້ເຊັ່ນກັນ.
ສະນັ້ນ, ຖ້າເຈົ້າດື່ມເຫຼົ້າ ທ່ານຄວນກິນອາຫານຢ່າງຖືກຕ້ອງ ດື່ມເຫຼົ້າໃນຂອບເຂດຈໍາກັດຂອງທ່ານບໍ່ຄວນດື່ມຫຼາຍເພາະອາດຈະເກີກອຸບັດຕິເຫດົຝໄດ້ ແລະ ບໍ່ເປັນຜົນດີຕໍ່ສຸຂະພາບ.
ອິນໄຊລາວ #Insidelaos ສາລະດີໆ ມີຢູ່ບ່ອນນີ້.
