ໃນຊ່ວງນີ້ ຫຼາຍໆຄົນຄົງບໍ່ຢາກອອກໄປທາງນອກພໍປານໃດ ເພາະອາກາດຢູ່ທາງນອກນັ້ນຮ້ອນຫຼາຍ ອີກທັງຍັງເລື່ອງຂອງຝຸ່ນ PM2.5 ອີກ ຂໍເປີດແອນອນຢູ່ເຮືອນດີກວ່າ, ເຖິງວ່າການເປີດແອນອນຢູ່ບ້ານຈະເຢັນສະບາຍ ແຕ່ຄ່າໄຟທ້າຍເດືອນຄົງຈະບໍ່ເຢັນຄືແອເນາະ ດັ່ງນັ້ນ, ເຮົາມີ 5 ວິທີເປີດແອໃນຊ່ວງໜ້າຮ້ອນໃຫ້ປະຢັດຄ່າໄຟ ລອງເອົາໄປນຳໃຊ້ເບິ່ງເດີ້.
- ບໍ່ເລັ່ງຄວາມເຢັນຕອນເປີດແອທຳອິດ.
ເຂົ້າໃຈວ່າ ຫຼາຍຄົນຄົງຈະທົນຮ້ອນກັນບໍ່ໄຫວ ແຕ່ການເລັ່ງຄວາມເຢັນເຄື່ອງປັບອາກາດຕອນເປີດເຄື່ອງທຳອິດ ໂດຍການຫຼຸດອຸນຫະພູມໃຫ້ຕ່ຳລົງ ເປັນວິທີທີ່ເຮັດໃຫ້ສິ້ນເປືອງໄຟໂດຍບໍ່ມີປະໂຫຍດ ໃຫ້ລໍຖ້າບຶດໜຶ່ງ ເຄື່ອງປັບອາກາດກໍເຮັດຄວາມເຢັນໄດ້ທັນໃຈແລ້ວ ຫຼື ອີກວິທີໜຶ່ງ ຄືໃຊ້ໂໝດເລັ່ງຄວາມໄວພັດລົມແທນຈະດີກວ່າ.
2. ບໍ່ເປີດໆ-ປິດໆ ແອຕະຫຼອດ.
ໃນທຸກໆຄັ້ງ ທີ່ມີການເລີ່ມເຮັດວຽກໃໝ່ ເຄື່ອງປັບອາກາດຈະມີການດຶງພະລັງງານໄຟຟປໃຊ້ຂ້ອນຂ້າງສູງ ແລະ ນອກຈາກຈະເປັນການສິ້ນເປືອງພະລັງງານແລ້ວ ການເປີດ-ປິດ ເຄື່ອງປັບອາກາດ ຕະຫຼອດ ສ່ຽງຕໍ່ການເຮັດໃຫ້ເຄື່ອງປັບອາກາດມີບັນຫາໃນພາຍຫຼັງໄດ້.
3. ປ້ອງກັນບໍ່ໃຫ້ແສງແດດສ່ອງເຂົ້າມາໃນຫ້ອງ.
ການທີ່ມີແສງແດດສ່ອງເຂົ້າມາໃນຫ້ອງຈຳນວນຫຼາຍ ເຮັດໃຫ້ມີອຸນຫະພູມສູງ ແອຈະຍິ່ງເຮັດວຽກໜັກ ຖ້າຫ້ອງໃດທີ່ຖືກແດດສ່ອງໝົດມື້ ໃຫ້ຫາຜ້າກັ້ງທີ່ຊ່ວຍກັນແດດມາຕິດໄວ້ຢູ່ປ່ອງຢ້ຽມ ແລະ ກ່ອນເປີດເຄື່ອງປັບອາກາດ ໃຫ້ເປີດປ່ອງຢ້ຽມລະບາຍອາກາດ ເພື່ອໃຫ້ລະບາຍຄວາມຮ້ອນອອກໄປຈາກຫ້ອງ.
4. ບໍ່ນຳເຄື່ອງທີ່ມີຄວາມຮ້ອນ ຫຼື ເຄື່ອງທີ່ມີຄວາມຊຸ່ມເຂົ້າມາໃນຫ້ອງ.
ບໍ່ວ່າຈະເປັນອາຫານ, ເຄື່ອງໃຊ້ໄຟຟ້າ ເປັນຕົ້ນແມ່ນການ້ຳຮ້ອນ ລ້ວນເຮັດໃຫ້ອຸນຫະພູມໃນຫ້ອງເພີ່ມຂຶ້ນ ແລະ ທີ່ຫຼາຍໆ ຄົນອາດຈະເບິ່ງຂ້າມແມ່ນ ສິ່ງຂອງທີ່ມີຄວາມຊຸ່ມເຊັ່ນ: ເຄື່ອງນຸ່ງທີ່ປຽກ, ເຄື່ອງໃຊ້ທີ່ບັນຈຸຂອງແຫຼວ ແລະ ອື່ນໆ ກໍເຮັດໃຫ້ແອເຮັດວຽກໜັກຂຶ້ນ ເພາະເຄື່ອງປັບອາກາດ ຕ້ອງເຮັດໜ້າທີ່ກຳຈັດຄວາມຊຸ່ມໃນຫ້ອງອອກໄປ ຈຶ່ງເຮັດໃຫ້ເປືອງຄ່າໄຟນັ້ນເອງ.
5. ເພີ່ມອຸນຫະພູມໃຫ້ຢູ່ທີ່ 25-26 ອົງສາ.
ຖ້າມື້ໃດອາກາດບໍ່ຮ້ອນຫຼາຍ ຫຼື ມີຄວາມຕ້ອງການທີ່ຈະເປີດແອໝົດມື້ ໃຫ້ປັບອຸນຫະພູມເປັນ 25-26 ອົງສາ ເພາະເຮົາມັກຈະເຂົ້າໃຈວ່າ 25 ອົງສານັ້ນ ປະຢັດໄຟແລ້ວ ແຕ່ຄວາມຈິງແລ້ວ ອຸນຫະພູມ 25 ອົງສາ ຄືອຸນຫະພູມທີ່ຢູ່ໃນລະດັບທີ່ເປີດແລ້ວສະບາຍໂຕ ແຕ່ເຖິງເຮົາຈະປັບອຸນຫະພູມເປັນ 26-27 ອົງສາ ກໍບໍ່ຮູ້ສຶກແຕກຕ່າງຈາກ 25 ອົງສາ ພໍປານໃດ.
#ອິນໄຊລາວ #InsideLaos ສາລະດີໆ ມີຢູ່ບ່ອນນີ້.