ມີຈັກມື້ນຶ່ງບໍ່ທີ່ອອກຈາກເຮືອນໄປແລ້ວ ບໍ່ມີລົດແອອັດ? ປະໂຫຍກຄຳຖາມນີ້ ເປັນຄຳຕອບທີ່ດີ ຂອງຄົນທີ່ເລືອກໃຊ້ລົດເກຍ ອໍໂຕ້ ເພາະມັນສະດວກະບາຍ, ຂັບງ່າຍ, ຂຶ້ນທາງຊັນ ກໍບໍ່ຢ້ານລົດໄຫຼ ແລະສິ່ງສຳຄັນກໍຄື ເວລາພົບຝູງລົດແອອັດ ແລ້ວເຮັດໃຫ້ເຮົາບໍ່ເມື່ອຍ. ແຕ່ບໍ່ແມ່ນວ່າ ລົດເກຍອໍໂຕ້ ຈະບໍ່ມີຈຸດດ້ອຍ ເພາະຄວາມທົນທານ, ຄ່າບຳລຸງຮັກສາ ແລະອັດຕາສິ້ນເປືອງນຳ້ມັນນັ້ນ ສູງກວ່າລົດເກຍທຳມະດາ.
ເມື່ອໃຊ້ລົດເກຍ ອໍໂຕ້ ການບຳລຸງຮັກສາເປັນເລື່ອງຕາມໄລຍະເວລາ ແຕ່ເລື່ອງອັດຕາສິ້ນເປືອງນຳ້ມັນ ສາມາດປັບໃຫ້ຫຼຸດລົງໄດ້ ຈາກນິດໄສການຂັບ ແລະເຕັກນິກເລັກໆນ້ອຍໆ ເພື່ອຊ່ວຍໃຫ້ອອມເງິນໃນກະເປົາຂອງທ່ານໄດ້ ໂດຍສາມາດປະຕິບັດດັ່ງຕໍ່ໄປນີ້.
- ຮູ້ຈັກລົດຕົວເອງ: ຮູ້ຈັກລົດ ຍິ່ງຂັບກໍຈະຍິ່ງປະຢັດ, ຫຼາຍທ່ານອາດຂັບລົດທຸກມື້ ແຕ່ບໍ່ຄຸ້ນເຄີຍກັບນິດໄສຂອງລົດ. ສິ່ງນຶ່ງທີ່ຕ້ອງຈື່ໄວ້ກໍຄື ໄລຍະທີ່ແຮງບິດສູງສຸດຖືກຮຽກອອກມາ ຊຶ່ງຈະມີປະໂຫຍດຫຼາຍໃນຍາມເລັ່ງແຊງ.
- ບໍ່ຕ້ອງຢຽບຄັນເລັ່ງທຸກຄັ້ງ: ຫຼາຍໆທ່ານອາດຈະຮຽກເຕັກນີ້ວ່າ Walking Speed ນັ້ນໝາຍເຖິງການທີ່ລົດສາມາດເຄື່ອນໄຫວດ້ວຍຕົວເອງ ໂດຍທີ່ເຮົາບໍ່ຕ້ອງຢຽບຄັນເລັ່ງ. ຍົກຕົວຢ່່າງ: ໃນຊົ່ວໂມງເລັ່ງດ່ວນທີ່ລົດເຄື່ອນໂຕຊ້າໆ ພຽງແຕ່ເຂົ້າເກຍ D ໄວ້ ແລ້ວໃຊ້ຕີນຄຸມເບກກໍພຽງພໍແລ້ວ.
- ປັບເກຍເມື່ອຂຶ້ນທາງຊັນ: ການຂຶ້ນທາງຊັນ ໂດຍສະເພາະການຂຶ້ນບ່ອນຈອດລົດຕ່າງໆ ຫຼາຍທ່ານມັກຈະລະເລີຍການປ່ຽນມາເປັນເກຍຕົວ L. ຄວາມຈິງແລ້ວ ຖ້າຖາມວ່າ ຜິດ ຫຼື ບໍ່? ຄຳຕອບຄື “ບໍ່”, ແຕ່ມັນບໍ່ເໝາະສົມ. ການໃຊ້ເກຍ D ໂດຍໃຊ້ກຳລັງແຮງບິດເຄື່ອງຈັກສົ່ງຂຶ້ນນັ້ນ ຈະເຮັດໃຫ້ລົດບໍ່ຕ້ອງອອກແຮງຮູ້ກັບເນີນຊັນຫຼາຍ ຜົນກໍຄື ປະຢັດກວ່າ.
- ຄິກດາວສະເພາະທີ່ຈຳເປັນ: ການຄິກດາວໃນເກຍອໍໂຕ້ ນັ້ນ ຖືເປັນເລື່ອງເຮັດໃຫ້ສະດວກສະບາຍໃນການເລັ່ງແຊງ, ແຕ່ມັນກໍຕ້ອງແລກມາດ້ວຍອັດຕາກິນນຳ້ມັນ ຊຶ່ງແມ່ນແຕ່ລະບົບເກຍປັດຈຸບັນຈະມີການພັດທະນາໃຫ້ຕອບສະໜອງໄດ້ດີ ສົ່ງກຳລັງໄດ້ຫຼາຍຂຶ້ນ, ແຕ່ການຄິກດາວ ກໍຍັງປຽບໄດ້ດັ່ງການດຶງເກຍຢູ່ດີ. ຫຼາຍຄົນທີ່ຂັບລົດເກຍ ອໍໂຕ້ ເຂົ້າໃຈວ່າ ການຄິກດາວນັ້ນ ເປັນວິທີທີ່ເລັ່ງແຊງ, ແຕ່ຄວາມຈິງແລ້ວ ນອກຈາກທີ່ປາຍຕີນແລ້ວ ຍັງມີການໃຊ້ລະບົບ Overdrive ຫຼື O/d ຊຶ່ງເຮັດໃຫ້ເກຍປ່ຽນຢ່າງນິ່ມນວນຫຼາຍກວ່າການຄິກດາວ ຫຼື ບາງຄັນເປັນຕຳແໜ່ງ D/D3 ຕາມແຕ່ລະຍີ່ຫໍ້ລົດ.
- ເບກໃຫ້ໜ້ອຍ, ໃຊ້ວິທີຜ່ອນແທນ: ຮູບແບບການຂັບຂີ່ທີ່ໃຊ້ວິທີຜ່ອນຄວາມໄວ ເປັນອີກຫົນທາງນຶ່ງທີ່ຈະຢັດນຳ້ມັນໄດ້ເປັນຢ່າງດີ. ຍົກຕົວຢ່າງ: ເມື່ອລົດແອອັດຢູ່ດ້ານໜ້າ ລອງກະໄລຍະແລ້ວປ່ອຍຄັນເລັ່ງໃຫ້ລົດໄຫຼໄປເລື້ອຍໆ ດ້ວຍແຮງລົມ ເພາະເມື່ອເຮົາເບກ ລົມຈກທໍ່ໄອດີ ຈະຖືກດູດມາທີ່ໝໍ້ລົມ ເພື່ອຫຼຸດການເຮັດວຽກຂອງເຄື່ອງຈັກ ຊຶ່ງຈະມີອັດຕາຫຼຸດລົງຫຼາຍກວ່າການທີ່ເຮົາບໍ່ຢຽບຄັນເລັ່ງ ຫຼື ຜ່ອນຄວາມໄວ. ນີ້ຍັງບໍ່ນັບການສູນເສຍນຳ້ມັນ ກັບການເລັ່ງເມື່ອຄວາມໄວຫຼຸດລົງກວ່າທີ່ຂັບປົກກະຕິ ຊຶ່ງເທົ່າກັບການເຜົານຳ້ມັນ 2 ເທົ່າໂຕ.
- ຢຽບຄັນເລັ່ງໃຫ້ນຽນ: ຫຼາຍຄົນທີ່ບໍ່ໄດ້ຝຶກຂັບລົດຢ່າງຈິງຈັງນັ້ນ ມັກຈະບໍ່ຮູ້ວ່າ ການຢຽບຄັນເລັ່ງນັ້ນ ເປັນເລື່ອງສຳຄັນໃນການພິຊິດຄວາມປະຢັດ ທີ່ຈະໃຊ້ນຳ້ມັນໃຫ້ກຸ້ມຄ່າ. ວິທີກໍຄື ຢຽບແຕ່ພໍດີ ໂດຍອາດຈະໃຊ້ວິທີກົດເລັ່ງໄປຮອດລະດັບຄວາມໄວທີ່ຕ້ອງການກ່ອນ ແລ້ວຜ່ອນຮັກສາຄວາມໄວ ແລະສຳຄັນໄປກວ່ານັ້ນ ໃຫ້ພະຍາຍາມຮັກສາຄວາມໄວໃຫ້ຄົງທີ່ຕະຫຼອດທາງ.