Friday, March 21, 2025

ມືປ່ວຍໄດ້ ຖ້າໃຊ້ງານຫຼາຍເກີນໄປ

“ມື” ເປັນອະໄວຍະວະທີ່ເຮົາໃຊ້ງານເກືອບຕະຫຼອດເວລາ ບໍ່ວ່າເຮົາຈະເຮັດສິ່ງໃດກໍລ້ວນແຕ່ໃຊ້ມືເປັນອົງປະກອບຮ່ວມສະເໝີ ຊຶ່ງການໃຊ້ງານມືດ້ວຍລັກສະນະທ່າທາງທີ່ແຕກຕ່າງກັນໄປບາງທ່າເທົ່ານັ້ນ, ອາດເປັນປັດໄຈທີ່ເຮັດໃຫ້ເກີດອາການຕິດຂັດ, ຕຶງ ແລະ ປວດມືຈົນນໍາໄປສູ່ໂຣກທີ່ກ່ຽວກັບມືໄດ້.

ໂຣກທີ່ກ່ຽວຂ້ອງກັບມື:

ໂຣກພັງຜືດ ກົດທັບເສັ້ນປະສາດມີດຽນທີ່ຂໍ້ມື: ຄົນທົ່ວໄປຮູ້ຈັກກັນວ່າ “ໂຣກເສັ້ນປະສາດຂໍ້ມືຖືກກົດທັບ ຫຼື ໂຣກພັງຜືດຂໍ້ມື” ເກີດຈາກການໃຊ້ງານຂໍ້ມືຊໍ້າໆ ຫຼື ກະດູກຂໍ້ມືຄ້າງໄວ້ດົນໆ ເຮັດໃຫ້ເກີດຄວາມດັນໃນຊ່ອງກະດູກ ຫຼື ອຸມົງຂໍ້ມືເພີ່ມຂຶ້ນ ຊຶ່ງເປືອກຢູ່ຊ່ອງກະດູກຂໍ້ມືຄື ພັງຜືດ ເມື່ອເສັ້ນປະສາດມີດຽນທີ່ແລ່ນຜ່ານຊ່ອງກະດູກຂໍ້ມືຖືກກົດທັບ ກໍຈະເຮັດໃຫ້ຂາດເລືອດໄປລ້ຽງເສັ້ນປະສາດຈະບວມ ແລະ ຖືກທຳລາຍ, ເກີດການໜາໂຕຂອງ ພັງຜືດ ໄລຍະທຳອິດຈະມີອາການຊາຢູ່ປາຍນິ້ວ ແລະ ໄລຍະຕໍ່ມາຈະມີອາການກ້າມຊີ້ນອ່ອນເພຍ.

ລັກສະນະອາການ: ຮູ້ສຶກຊາ ຫຼື ປວດທີ່ບໍລິເວນນິ້ວຫົວໂປ້ມື,​ ນິ້ວຊີ້, ນິ້ວກາງ ແລະ ເຄິ່ງນຶ່ງຂອງນິ້ວນາງ, ບາງຂະນະອາດປວດໄປຕາມແຂນ ແລະ ມັກເປັນຕອນກາງຄືນໃນເວລານອນຫຼັບ, ບາງຄັ້ງປວດຈົນເຖິງຂັ້ນຕື່ນຂຶ້ນມາຕອນເດິກ ຫຼື ມີອາການຕອນເຊົ້າຫຼັງຕື່ນນອນ ເມື່ອໄດ້ເຄື່ອນໄຫວມືຈະເລີ່ມມີອາການດີຂຶ້ນ. ຖ້າມີອາການຊຳເຮື້ອເປັນເວລາດົນ ອາດເຮັດໃຫ້ກ້າມຊີ້ນບໍລິເວນນິ້ວຫົວໂປ້ມືອ່ອນເພຍ ຈົນເຮັດໃຫ້ການໃຊ້ງານມືຫຼຸດລົງ.

ໂຣກຊະນິດນີ້ ເກີດຂຶ້ນກັບທຸກຄົນ ທີ່ເຮັດວຽກທີ່ຕ້ອງເຄື່ອນໄຫວຂໍ້ມືຊຳ້ໆ ເຊັ່ນ ການຈັບເມົ້າຄອມພິວເຕີ່ ທ່າເກົ່າເປັນເວລາດົນ, ຫຼິ້ນສະມາດໂຟນ ຫຼື ແທັບເລັດຕະຫຼອດເວລາ, ຈັບມີດຕັດ ຫຼື ການເຮັດວຽກເຮືອນ, ເຮັດສວນ ເຊັ່ນ ການຈັບໄມ້ກວາດ, ຈັບມີດ ຮ່ວມກັບການເຄັ່ງຂໍ້ມືຂະນະກຳສິ່ງຂອງ ຈະເຮັດໃຫ້ເກີດພາວະພັງຜືດກົດທັບເສັ້ນປະສາດໄດ້ຫຼາຍຂຶ້ນ.

ຜູ້ທີ່ເຄີຍປະສົບອຸບັດເຫດກະດູກຫັກບໍລິເວນຂໍ້ມື:

  • ຄົນທີ່ມີອາການຂໍ້ມືເສື່ອມ.
  • ຄົນປ່ວຍທີ່ເປັນໂຣກເບົາຫວານ ຫຼືໂຣກຂໍ້ອັກເສບຣູມາຕອຍ ຫຼືໄທຣອຍ.
  • ຜູ້ທີ່ມີພາວະອ້ວນ.
  • ເພດຍິງມີໂອກາດເປັນໂຣກນີ້ຫຼາຍກວ່າເພດຊາຍ.
  • ທ່ານອນກໍສາມາດເຮັດໃຫ້ເປັນໂຣກພັງຜືດຂໍ້ມືໄດ້.

ການທີ່ຂໍ້ມືເຮົາຢູ່ໃນທ່າທີ່ບໍ່ເໝາະສົມ: ບໍ່ວ່າຈະເປັນຕອນໃຊ້ງານ ຫຼືບໍ່ໃຊ້ງານ ເຊັ່ນ ເວລານອນຫຼັບມີອາການກະດູກຂໍ້ມືຫຼາຍເກີນ 32.7 ອົງສາ ຫຼືກະດູກຂໍ້ມືລົງຫຼາຍເກີນ 48.6 ອົງສາ ເປັນເວລາດົນເກີນ 2 ຊົ່ວໂມງ ເຮັດໃຫ້ເສັ້ນປະສາດມີດຽນຖືກກົດທັບຫຼາຍຂຶ້ນ.

ການນອນສະແຄງມີຜົນກັບການເກີດໂຣກພັງຜືດກົດທັບເສັ້ນປະສາດ ມີດຽນ ໃນເບື້ອງນັ້ນໆໄດ້: ເພາະການນອນສະແຄງຈະເຮັດໃຫ້ຂໍ້ມືງໍ ຫຼືອຽງຫຼາຍກວ່າປົກກະຕິ ແລ້ວຈະໄປເພີ່ມຄວາມດັນໃນຊ່ອງຂໍ້ມືທີ່ເສັ້ນປະສາດຫຼາຍຂຶ້ນ.

More from author

Related posts

Latest posts

ເຮືອນຂອງເຮົາມີຄວາມສຸກລະດັບໃດ?

ຄວາມສຸກໃນເຮືອນຂອງເຈົ້າເປັນຈັ່ງໃດ? ຫລາຍຄົນຄິດວ່າ ຄວາມສຸກຂຶ້ນກັບເງິນທອງ ຫລື ຂອງຂວັນທີ່ມີ ແຕ່ຄວາມສຸກມວນຮວມປະເທດ (Gross National Happiness - GNH) ຂອງພູຖານ ບໍ່ໄດ້ວັດເພີຍແຕ່ຄວາມຮັ່ງມີທາງເສດຖະກິດເທົ່ານັ້ນ! ມັນຍັງວັດເຖິງຄວາມຮູ້ສຶກ ຄວາມຮ່ວມມື ແລະ ບັນຍາກາດຂອງເຮືອນແບບລວມດ້ວຍ

VietJet ປະກາດເສັ້ນທາງສາຍໃໝ່ ພູກວກ-ສິງກະໂປ ແລະ ຮັບປະກັນຂໍ້ຕົກລົງດ້ານການເງິນ 300 ລ້ານໂດລາສະຫະລັດ

(ນະຄອນຫຼວງ ວຽງຈັນ, 12 ມີນາ 2025) - ໃນລະຫວ່າງການຢ້ຽມຢາມ ປະເທດສິງກະໂປ ຢ່າງເປັນທາງການ ຂອງທ່ານເລຂາທິການໃຫຍ່ ປະທານປະເທດຫວຽດນາມ ທ່ານ ໂຕ້ ລຳ. VietJet ໄດ້ປະກາດເປີດເສັ້ນທາງໂດຍກົງໃໝ່ເຊື່ອມຕໍ່ ລະຫວ່າງ ຜູ້ກວກ ກັບ ສິງກະໂປ, ພ້ອມກັບການລົງນາມໃນສັນຍາ ສະໜອງທຶນ 300 ລ້ານໂດລາສະຫະລັດ ຮ່ວມມືກັບການບິນ Carlyle. ເຫດການນີ້ແມ່ນການເພີ່ມທະວີການເຊື່ອມຕໍ່ ແລະ ຊຸກຍູ້ການແລກປ່ຽນການຄ້າ ແລະ ການທ່ອງທ່ຽວໃນທົ່ວປະເທດອາຊີຕາເວັນອອກສ່ຽງໃຕ້.

7-Eleven ສາຂາທຳອິດໃນແຂວງຫຼວງພະບາງ ເປີດເປັນທາງການແລ້ວ.

ໜູນຊ່ວຍຂະແໜງການບໍລິການສົ່ງເສີມການທ່ອງທ່ຽວ ຮ່ວມສ້າງເສດຖະກິດສັງຄົມ ຂະຫຍາຍຕົວແບບຍືນຍົງ. ວັນທີ 06 ມີນາ 2025 ທ່ານ ວຽງທອງ ຫັດສະຈັນ ເຈົ້ານະຄອນຫຼວງພະບາງ ໄດ້ໃຫ້ກຽດເປັນປະທານໃນພິທີເປີດຮ້ານ 7-Eleven ສາຂາ ແອວພີບີ ໂພສີ (LPB PHOSY) ຢ່າງເປັນທາງການ ໂດຍຮ້ານນີ້ ຕັ້ງຢູ່ບ້ານສາຍລົມ, ເມືອງຫຼວງພະບາງ ຖືວ່າເປັນຮ້ານ 7-Eleven ສາຂາທຳອິດຂອງແຂວງຫຼວງພະບາງ ພາຍໃນງານຍັງຮ່ວມໄປດ້ວຍແຂກຜູ້ມີກຽດຈາກຫຼາຍໆພາກສ່ວນໃນພື້ນທີ່