Friday, July 19, 2024
Lenovo

ກວດເບິ່ງອາການເປັນ​ມະ​ເຮັງດ້ວຍໂຕເອງ

​​ມະ​ເຮັງ ​ເປັນ​ພະຍາດ​ທີ່​ອັນຕະລາຍ ​ໂດຍເຮົາບໍ່​ສາມາດຮູ້​ວ່າ ມັນຈະ​ເກີດ​ຂຶ້ນ​ກັບ​ເຮົາ​ຕອນ​ໃດ. ແຕ່ວ່າ ພວກ​ເຮົາ​ມີ​ວິທີ​ສັງ​ເກດ​ອາການ​ເບື້ອງ​ຕົ້ນ​ຂອງມະ​ເຮັງ 14 ຊະນິດ​ ມາ​ໃຫ້ທ່ານ​ຮູ້.

1. ມະເຮັງປາກມົດລູກ: ຈະ​ມີ​ເລືອດ​ອອກ​ຈາກ​ຊ່ອງ​ຄອດ ເຖິງແມ່ນວ່າ ​ບໍ່​ແມ່ນ​ເວລາ​ຮອບ​ເດືອນ​ປົກກະຕິຂອງ​ທ່ານ, ຈະມີອາການ​ເຈັບ ​ແລະ ມີ​ເລືອດ​ອອກ ຫຼັງ​ຈາກ​ມີ​ເພດ​ສຳພັນ.

2. ມະເຮັງໃນມົດລູກ: ​ມີ​ເລືອດ​ອອກ​ຫຼັງ​ການ​ມີ​ເພດ​ສຳພັນ, ບາງ​ຄົນ​ອາດ​ມີ​ຄວາມ​ຮູ້ສຶກ​ວ່າ​ ມີ​ກ້ອນ​ຊີ້ນ ຫຼື ມີ​ອາຫານ​ບວມ​ຢູ່​ໃນ​ຊ່ອງ​ທ້ອງ.

3. ມະເຮັງຮັງໄຂ່: ​ປະຈຳ​ເດືອນ​ມາ​ບໍ່​ປົກກະຕິ ຫຼື ມີ​ອາການ​ເຈັບ​ປວດ​ຫຼັງ​ຈາກ​ມີ​ເພດ​ສຳພັນ, ມີ​ບັນຫາ​ກ່ຽວ​ກັບ​ລຳ​ໄສ້, ທ້ອງ​ອືດ​ເນື່ອງ​ຈາກອາຫານ​ບໍ່​ຍ່ອຍ, ນໍ້າໜັກ​ຫຼຸດ​ລົງ ​ແລະ ມີ​ອາການ​ປວດ​ຫຼັງ.

4. ມະເຮັງໃນເມັດເລືອດ (ລູຄີເມຍ): ​ເມື່ອຍ​ງ່າຍ, ຕົນ​ໂຕ​​ເຫຼືອງຈືດກວ່າ​ປົົກກະຕິ ມັກ​ເກີດ​ອາການ​ຊໍ້າ​ງ່າຍ​ຕາມ​ຜິວໜັງ ຫຼື ມີ​ເລືອດ​ອອກ​ທາງ​ຜິວໜັງ​ໄດ້​ງ່າຍ​ໂດຍ​ທີ່​ບໍ່ຮູ້​ສາຍ​ເຫດ ຊຶ່ງ​ມັກ​ຈະ​ເກີດ​​ຮ່ວມ​ກັບອາການປວດ​ຕາມ​ຂໍ່ຕ່າງໆ​ທົ່ວຮ່າງກາຍ ບາງ​ເທື່ອ​ຈະ​ມີ​ອາການ​ທ້ອງ​ອືດ ​ເມື່ອ​ຄຳ​ເບິ່ງ​ອາດ​ຈະ​ພົບ​ວ່າ​ ມີ​ກ້ອນ​ບວມ​ທີ່​ທາງ​ດ້ານ​ຊ້າຍ​ຂອງ​ຊ່ອງ​ທ້ອງ.

5. ມະເຮັງປອດ: ​ໄອ​ຢູ່​ເລື້ອຍໆ ມີ​ເລືອດ​ອອກ ​ແລະ ມີ​ຂີ້ກະ​ເທີ່​ປົນ​ມາ​ກັບ​ນຳ້ລາຍ, ນຳ້ໜັກ​ໂຕ​ຫຼຸດ​ລົງ​ໄວ, ​ເຈັບ​ໜ​້າ​ເອິກ ​ແລະ ຫາຍ​ໃຈ​ຍາກ ຫຼື ອາດ​ຈະ​ມີ​ອາການ​ຫອບ​ປະ​ປົນ​ຢູ່​ນຳທັ້ງໆ​ທີ່​ບໍ່​ເຄີຍ​ເປັນມາ​ກ່ອນ.

6. ມະເຮັງຕັບ: ມີ​ອາການ​ປວດ​ໃນ​ຊ່ອງ​ທ້ອງ,​​ເບື່ອ​ອາຫານ, ນຳ້ໜັກ​ລຸດ, ຕາ ​ແລະຜິວ​ສີ​ເຫຼືອງ ​ແລະ​ເຫຼືອງ​ຈົນ​ເຫັນ​ຈະແຈ້ງ.

7. ມະເຮັງພົກຍ່ຽວ: ອາການ​ຈະ​ມີ​ເລືອດ​ປົນ​ອອກ​ມາ​ກັບ​ປັດ​ສາ​ວະ​ທີ່​ຂັບ​ຖ່າຍ​ອອກ​ມາ.

8. ມະເຮັງສະໝອງ: ​ເຈັບ​ຫົວ​ດົນໆ ​ແລະ ມັກ​ມີ​ອາການ​ອື່ນ​ຮ່ວມ​ຢູ່​ນຳ ​ເຊັ່ນ: ຈາມ ຫຼື ຄວາມ​ສາມາດ​ໃນ​ການ​ເບິ່ງ​ເຫັນ​ຜິດ​ປົກກະຕິ ອາດ​ຈະ​ເຫັນ​ເປັນ​ແສງ​ຂຽວໆ ​ແດງໆ ລອຍ​ໄປມາ​ເວລາ​ເຈັບຫົວ, ອ່ອນ​ເພຍບໍ່​ມີ​ແຮງ, ​ເປັນ​ລົມ​ໂດຍ​ກະທັນຫັນ, ອະ​ໄວ​ຍະ​ວະ​ບາງ​ສ່ວນ​ຢຸດ​ເຮັດ​ວຽກ ​ເຊັ່ນ ​ມຶນ​ຊາຕາ​ມຕົນ​ໂຕ ຫຼື ​ເປັນ​ອຳມະພາດ​ຊົ່ວຄາວ. ທ່ານ​ຄວນລະວັງ​ເປັນ​ພິ​ເສດ ຖ້າ​ເຄີຍ​ມີ​ປະຫວັດການ​ເຈັບ​ຫົວ​ທີ່​ມີ​ອາການ​ເຫຼົ່າ​ນີ້​ປະກອບ​ຢູ່​ນຳ.

9. ມະເຮັງຊ່ອງປາກ: ​ມີກ້ອນ​ບວມ​ຢູ່​ໃນ​ປາກ ຫຼື ລີ້ນ​ເປັນ​ເວລາ​ດົນ ມີ​ບາດ​ແຜ​ເປື່ອຍ​ທີ່​ປາກ​ທີ່​ບໍ່​ໄດ້​ຮັບ​ການ​ຮັກສາ ຫຼື ​ເປັນ​ແຜ​ຊຳ​ເຮື້ອ​ຢູ່​ທີ່​ເຫືອກ ​ເນື່ອງ​ຈາກ​ການ​ກົດ​ທັບ​ຂອງ​ແຂ້ວ​ປອມ​ທີ່​ໃສ່​ໄວ້​ເປັນ​ປະຈຳ ຫຼື ​ເປັນ​ເວລາ​ດົນ.

10. ມະເຮັງລຳຄໍ: ມີ​ອາການ​ສຽງ​ແຫບ​​ທັນທີ ​ແລະມີ​ກ້ອນ​ບວມ​ຂຶ້ນ​ ຊຶ່ງ​​ເຮັດ​ໃຫ້​ຮູ້ສຶກ​ວ່າ ​ກືນ​ອາຫານ​ຍາກ ຫຼື ມີ​ການ​ຂະຫຍາຍ​ຂອງ​ຕ່ອມ​ໃນ​ລຳ​ຄໍ​ທີ່​ໃຫຍ່​ຂຶ້ນ ​ຈົນ​ສາມາດ​ຈັບ ​ແລະຮູ້ສຶກ​ໄດ້.

11. ມະເຮັງໃນກະເພາະອາຫານ: ​ນໍ້າໜັກ​ລົງ​ຢ່າງ​ໄວວາ, ຈາມອອກ​ມາ​ເປັນ​ເລືອດ, ທ້ອງ​ອືດ ຫຼື ອາຫານ​ບໍ່​ຍ່ອຍ. ຖ້າ​ເປັນ​ຕະຫຼອດ​ຈະ​ຮູ້​ສຶກວ່າ ​ຄື​ມີ​ກ້ອນ​ຊີ້ນ​ປົ່ງ​ອອກ​ມາ​ໃນ​ຊ່ອງ​ທ້ອງ.

12. ມະເຮັງຊວງເອິກ: ​ມີ​ເລືອດ​ ຫຼື ມີ​ຂອງ​ແຫຼວ​ບາງ​ຢ່າງ​ໄຫຼ​ອອກມາ​ຈາກ​ຫົວນົມ, ມີ​ອາການ​ບວມ ຫຼື ຜິວ​ຕາມ​ຊວງ​ເອິກ​ໜາ​ຂຶ້ນ, ມີ​ກ້ອນບວມ​ຂຶ້ນ​ມາ​ຈົນ​ຈັບ​ໄດ້​ເມື່ອ​ຄຳ​ເບິ່ງ​ບໍລິ​ເວນ​ກ້ອງ​ຮັກ​ແຮ້​, ບາງ​ຄັ້ງ​ອາດ​ຈະ​ມີ​ຕຸ່ມ ຫຼື ສິວ​ເກີດ​ຂຶ້ນທີ່​ເຕົ້ານົມ​ເປັນ​ເວລາ​ດົນ. ​ແມ່ຍິງ 9 ​ໃນ 10 ຄົນ ​ຈະ​ມີ​ອາການ​ບວມ​ຂອງ​ກ້ອນ​ຊີ້ນ​ບໍລິ​ເວນ​ຊວງ​ເອິກ ​ໂດຍ​ທີ່​ບໍ່​ຮູ້​ສາຍ​ເຫດ ​ເມື່ອ​ມີ​ອາຍຸ​ຫຼາຍ​ຂຶ້ນ ​ເນື່ອງ​ຈາກ​ການ​ປ່ຽນ​ແປງ​ຮໍ​ໂມນ ​ເຮັດ​ໃຫ້​ເກີດ​ເປັນ​ຖົງ​ນຳ ​ກ້ອງ​ຜິວໜັງ​ທີ່​ເອີ້ນ​ວ່າ: ຊີສ (Cysts) ຊຶ່ງ​ຄວນຄົ້ນ​ຫາ​ສາເຫດ​ຂອງ​ການ​ບວມ​ນັ້ນ​ໃຫ້​ຊັດ​ເຈນ ​ກ່ອນ​ວ່າ​ມັນ​ແມ່ນ​ຫຍັງ​ກັນ​ແທ້.

13. ມະເຮັງລຳໄສ້: ​ນໍ້າໜັກ​ໂຕ​ຫຼຸດ​ລົງ​ຢ່າງ​ໄວ, ​ເຈັບທ້ອງ ​ແລະ ລະບົບ​ການ​ຍ່ອຍ​ຜິດ​ປົກກະຕິ, ມີ​ເລືອດ​ອອກ​ປົນ​ມາ​ກັບ​ອາຈົມ. ​ມີ​ວິທີ​ສັງ​ເກດ​ຂອງ​ຜູ້​ທີ່​ມີ​ອາການ​ກ່ຽວ​ກັບ ລິດສະ​ດວງ​ທະວານ​ຢູ່​ແລ້ວ ​ຄື ​ຖ້າ​ໃຊ້​ເຈ້ຍອະນາໄມ​ເຊັດ ​ແລ້ວ​ເລືອດ​ມີ​ສີ​ແດງ​ສົດ ​ນັ້ນ​ຄື ​ອາການ​ຂອງລິດສະ​ດວງ​ທະວານ, ​ແຕ່​ຖ້າ​ເລືອດ​ມີ​ສີດຳ​ຄໍ້າ ນັ້ນ​ຄື ​ອາການ​ຂອງ​ມະ​ເຮັງ​ໃນ​ລຳ​ໄສ້.

14. ມະເຮັງຕ່ອມນໍ້າເຫຼືອງ: ​ມີ​ກ້ອນ​ບວມ​ເກີດ​ຂຶ້ນ​ທີ່​ກ້ອງ​ຂີ້​ແຮ້ ຫຼື ກ້ອງຂາ​ໜີບ ​ໂດຍ​ສະ​ເພາະ​ຖ້າ​ບໍ່​ໄດ້​ເກີດ​ອາການ​ຕິດ​ເຊື້ອ​ໃນ​ບາງ​ສ່ວນ​ຂອງ​ຮ່າງກາຍ ​ແລະມີ​ອາການ​ບາດ​ແຜ​ເປື່ອຍ​ໂພງ ​ທີ​່ບໍ່​ໄດ້​ຮັບ​ການ​ປິ່ນປົວ​ເປັນ​ເວລາ​ດົນ ຈົນ​ເຮັດ​ໃຫ້​ຂີ້​ແມງວັນ ຫຼື ຂີ້ກະຕອດ​ໃຫຍ່​ຂຶ້ນ​ ​ແລະ ມີ​ການ​ປ່ຽນ​ສີ, ປ່ຽນຮູບ​ຮ່າງ, ປ່ຽນຂະໜາດ. ນອກຈາກ​ນັ້ນ​ ອາການ​ອັນຕະລາຍ​ອີກ​ຢ່າງ​ໜຶ່ງ​ທີ່​ເອີ້ນ​ວ່າ ​ເມ​ລາ​ໂນ​ມາ (Melanoma) ຄື​ ຊີ້ນ​ປົ່ງ​ທີ່​ປະກອບ​ດ້ວຍ​ຈຸລັງທີ່​ມີ ​ເມ​ລາ​ນິນ ສະ​ສົມ​ຢູ່ ​ເຊັ່ນ: ຈຸດ​ດ່າງ ຫຼື ຂີ້​ແມງວັນ. ຖ້າ​ຫາກ​ທ່ານ​ມີ​ຂີ້​ແມງວັນ​ຫຼາຍ​ກວ່າ 50 ​ເມັດ​ທົ່ວ​ຮ່າງກາຍ ຫຼື ມີ​ຄົນ​ໃນ​ຄອບຄົວ​ມີ​ປະຫວັດ ກໍ​ອາດ​ມີ​ໂອກາດ​ເປັນ​ມະ​ເຮັງ​ຕ່ອມ​ນຳ້​ເຫຼືອງ​ໄດ້.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

“ອົດອາຫານ” ບໍ່ຊ່ວຍໃຫ້ຫຼຸດນຳ້ໜັກ

ການອົດອາຫານນັ້ນ ສຳພັນກັບການຈຳກັດ ແຄລໍຣີ່ ຂອງອາຫານທີ່ເຮົາກິນໃນແຕ່ລະມື້, ການນັບ ແຄລໍຣີ່ ເປັນວິທີທີ່ໄດ້ຮັບຄວາມນິຍົມຫຼາຍ ຊຶ່ງມີທີມນັກວິໄຈດ້ານໂພຊະນາການ ໃນ ສະຫະລັດ ອາເມຣິກາ ໄດ້ລາຍງານລົງໃນວາລະສານ ການແພດ ເຈເອເອັມເອ (JAMA International Medicine) ເຖິງຜົນການລົງເລິກກວດຜູ້ໃຫຍ່ ທີ່ລະບຸວ່າ ອ້ວນເຖິງ 100 ຄົນ ໂດຍແບ່ງຈາກພຶດຕິກຳການກິນເປັນ 3 ກຸ່ມ ຊຶ່ງເປັນເວລາ 1 ປີ.

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ