Monday, December 9, 2024

ເຈົ້າເປັນນັກທ່ອງທ່ຽວສາຍໃດ?

ການທີ່ຈະໄປທ່ຽວແບບໄດ້ອັດທະລົດຄວາມມ່ວນຊື່ນ ແລະ ອີ່ມອົກອີ່ມໃຈ ໄປແລ້ວບໍ່ຄິດເສຍດາຍເງິນທີ່ເສຍໄປນັ້ນ ເຮົາຕ້ອງມາສັງເກດຕົນເອງໃຫ້ດີ ແລະ ວາງແຜນທ່ຽວກ່ອນວ່າ ເຮົາ, ຄູ່ຮັກ ຫຼື ໝູ່ເພື່ອນນັ້ນແມ່ນມັກທ່ຽວສາຍໃດກັນແທ້?

ໂດຍທົ່ວໄປແລ້ວ, ກໍຈະຈຳແນກຍາກ ເພາະທຸກຄົນມີຮູບແບບການທ່ອງທ່ຽວທີ່ແຕກຕ່າງກັນ ເຊິ່ງມື້ນີ້ ຈະຍົກມາເປັນຕົວຢ່າງບາງສາຍທີ່ໜ້າສົນໃຈ ແລະ ເປັນທີ່ນິຍົມໃນປັດຈຸບັນ ເຊັ່ນ:

  • ນັກທ່ອງທ່ຽວສາຍບຸນ (ສາຍມູ): ນັກທ່ຽວກຸ່ມນີ້ ມັກຈະເດີນທາງກັນໄປເປັນກຸ່ມໝູ່ເພື່ອນ, ຄອບຄອບ ທ່ຽວຕາມວັດວາອາຮາມ, ສະຖານທີ່ສັກສິດ ການທ່ຽວແມ່ນຈຸດປະສົງຮອງ ເພາະຫຼັກໆ ແລ້ວແມ່ນເນັ້ນໄປເຮັດບຸນ ແລະ ຂໍພອນ ຫາທີ່ເພິ່ງທາງຈິດໃຈຫຼາຍກວ່າ.
  • ນັກທ່ອງທ່ຽວສາຍທຳມະຊາດ: ກຸ່ມມັກທ່ຽວແບບນີ້ ຖືວ່າເປັນທີ່ນິຍົມສຸດໃນຕ່າງປະເທດ ແຕ່ສຳລັບປະເທດລາວເຮົາ ມີຂ້ອນຂ້າງໜ້ອຍ ໃນເມື່ອກ່ອນ ເພາະຄົນສ່ວນໃຫຍ່ກໍເຕີບໃຫຍ່ມາກັບທຳມະຊາດຢູ່ແລ້ວ ຈຶ່ງເຫັນວ່າ ມັນບໍ່ໜ້າສົນໃຈປານໃດ, ແຕ່ໃນປັດຈຸບັນ ມີເດັກໄວໜຸ່ມ ຄົນຍຸກໃໝ່ຫັນມາທ່ຽວທາງທຳມະຊາດຫຼາຍຂຶ້ນ ໂດຍສະເພາະກໍແມ່ນ ການຍ່າງປ່າ… ຈົນມີຄົນບອກວ່າ ທຳມະຊາດບຳບັດ.
Climbing the mountain mist tour Nong Khai, Thailand.
  • ນັກທ່ອງທ່ຽວສາຍ adventure: ນັກທ່ອງທ່ຽວກຸ່ມນີ້ ເປັນນັກທ່ອງທ່ຽວທີ່ມັກຄວາມທ້າທາຍ, ຄວາມເມື່ອຍ ແຕ່ຜົນຮັບທີ່ໄດ້ມາເກີນຄາດ ຫາໃສບໍ່ໄດ້; ການທ່ຽວແບບນີ້ ສ່ວນໃຫຍ່ກໍແມ່ນກຸ່ມໄວໜຸ່ມທີ່ເກີດໃໝ່ໃຫຍ່ລຸນ ຢາກໃຊ້ຊີວິດແບບແຕກຕ່າງ ແລະ ຫາປະສົບການໃໝ່ໆ ເມື່ອເຮັດສິ່ງທີ່ຢ້ານໄດ້ແລ້ວຈະມີຄວາມສຸກຫຼາຍທີ່ສຸດ.
  • ນັກທ່ອງທ່ຽວສາຍ Café: ເປັນທີ່ນິຍົມຫຼາຍທີ່ສຸດໃນຍຸກນີ້ແລ້ວ ບໍ່ວ່າຈະເປັນການໄປນັ່ງຮ້ານກາເຟເພື່ອດື່ມເຄື່ອງດື່ມ, ກິນອາຫານ ຂອງຫວານທີ່ແຊບຊ້ອຍ ກໍຍັງເນັ້ນໄປຖ່າຍຮູບ, ເຮັດຄອນເທັນ ແລະ ຫຼາຍຄົນກໍຍັງເນັ້ນການໄປເຮັດວຽກ, ລົມວຽກ ຫຼື ເຮັດວຽກບ້ານເປັນກຸ່ມ.

ບໍ່ວ່າທ່ານຈະເປັນນັກທ່ອງທ່ຽວສາຍໃດ ກໍລ້ວນແຕ່ເປັນການສົ່ງເສີມການທ່ອງທ່ຽວລາວ ແລະ ການໄປທ່ອງທ່ຽວແຕ່ລະບ່ອນນັ້ນ ກໍຢ່າລືມເປັນແບບຢ່າງທີ່ດີໃຫ້ກັບນັກທ່ຽວຕ່າງປະເທດ ໃນການຮັກສາຄວາມສະອາດ, ຮັກສາສິ່ງແວດລ້ອມນຳກັນເດີ້!

ແລ້ວເຈົ້າເດ້! ເປັນນັກທ່ອງທ່ຽວສາຍໃດ ຢ່າລືມຄອມເມັ້ນບອກກັນແດ່ເດີ້

#ນັກທ່ອງທ່ຽວ #ສາຍທ່ອງທ່ຽວ #ທ່ອງທ່ຽວລາວ

#ອິນໄຊລາວ #InsideLaos ສາລະດີໆ ມີຢູ່ບ່ອນນີ້.

More from author

Related posts

Latest posts

Vietjet ສືບ​ຕໍ່​ໄດ້​ຮັບ​ເຮືອ​ບິນ​ໃໝ່​ໃນ​ເດືອນ​ສຸດ​ທ້າຍ​ຂອງ​ປີ 2024 ເພື່ອຂະຫຍາຍ​ເຮືອ​ບິນ​ທີ່​ທັນ​ສະ​ໄໝ​

(ນະຄອນຫຼວງວຽງຈັນ, ວັນທີ 09 ທັນວາ 2024) – ສະມາຊິກໃໝ່ສຸດຂອງກອງທັບເຮືອ Vietjet, ເຮືອບິນ Airbus A321neo ACF (Airbus Cabin Flex), ໄດ້ມາຮອດສະໜາມບິນສາກົນເຕິນເຊີນເຍີດ, ນະຄອນໂຮ່ຈີມິນ ປະເທດຫວຽດນາມ ຫຼັງຈາກເດີນທາງອອກຈາກໂຮງງານ Airbus ໃນ Hamburg ປະເທດເຢຍລະມັນ ໂດຍຖືເປັນເຮືອບິນລຳທີ 111 ທີ່ເຂົ້າຮ່ວມເປັນເຮືອບິນທີ່ທັນສະໄໝລະດັບໂລກຂອງສາຍການບິນ.

Vietjet ເປີດໂຕຖ້ຽວບິນໃໝ່ລະຫວ່າງ Hanoi – Kuala Lumpur ເພື່ອເພີ່ມການເຊື່ອມຕໍ່ທີ່ຮັດແໜ້ນຂຶ້ນ

(ນະຄອນຫຼວງວຽງຈັນ, ວັນທີ 26 ພະຈິກ 2024) - ສາຍການບິນ Vietjet ສາຍການບິນລາຄາທີ່ປະຢັດທີ່ສຸດຂອງຫວຽດນາມ ປະກາດເປີດເສັ້ນທາງການບິນໂດຍກົງໃໝ່ລະຫວ່າງ Hanoi ເມືອງຫຼວງປະເທດຫວຽດນາມ ແລະ Kuala Lumpur ເມືອງຫຼວງປະເທດມາເລເຊຍ ເຊິ່ງໄດ້ຮັດ​ແໜ້ນ​ການ​ພົວ​ພັນ​ດ້ານ​ເສດ​ຖະ​ກິດ, ວັດ​ທະ​ນະ​ທຳ ແລະ ການ​ທ່ອງ​ທ່ຽວ​ລະ​ຫວ່າງ 2 ປະ​ເທດ ແລະ ທົ່ວພາກພື້ນອາຊຽນ. ພິທີ​ເປີດ​ເສັ້ນທາງ​ດັ່ງກ່າວ​ໄດ້​ຮັບ​ການ​ເຂົ້າ​ຮ່ວມ​ຂອງ​ທ່ານ ​To Lam ​ເລຂາທິການ​ໃຫຍ່​ພັກ​ກອມ​ມູນິດ​ຫວຽດນາມ ເພື່ອເປັນ​ກຽດເຂົ້າຮ່ວມເປັນສັກ​ຂີ​ພະ​ຍານ​ການ​ຢ້ຽມ​ຢາມ​ມາ​ເລ​ເຊຍ​ຢ່າງ​ເປັນ​ທາງ​ການ.

ເຄື່ອງດື່ມ 5 ປະເພດ! ບໍ່ຄວນໃສ່ໃນຈອກເກັບອຸນຫະພູມ

ຈາກການທີ່ເຮົາຢາກດື່ມນໍ້າອຸ່ນໆ ດີໆ ເພື່ອຮັກສາສຸຂະພາບ ແຕ່ອາດຈະສ່ຽງສ້າງສານຜິດແກ່ຮ່າງກາຍໄດ້ ສຳລັບຄົນທີ່ມັກໃຊ້ຈອກເກັບອຸນຫະພູມ ເຊິ່ງຈາກຄຳແນະນຳຂອງ ເວັບໄຊ SOHA ບອກວ່າ: ເຄື່ອງດື່ມ 5 ປະເພດ ຕໍ່ໄປນີ້ ບໍ່ຄວນໃສ່ໃນຈອກທີ່ເກັບອຸນຫະພູມ ເພາະອາດເປັນອັນຕະລາຍຕໍ່ຮ່າງກາຍໄດ້ ຈະມີເຄື່ອງດື່ມປະເພດໃດແດ່ນັ້ນ ມາເບິ່ງນຳກັນເລີຍ: