ປະຈຳວັນ ⠚ 13 ເມສາ 2021 ⠓ ສຳນັກຂ່າວມີເດຍລາວໄດ້ໃຫ້ຮູ້ວ່າ:
ການນຳແຂວງສາລະວັນ ລົງຢ້ຽມຢາມພົບປະໃຫ້ກຳລັງໃຈ ປະຊາຊົນໄດ້ຮັບຜົນກະທົບຈາກລົມພະຍຸ
ທ່ານ ສີເຮັ່ງ ຫອມສົມບັດ ຮອງເລຂາພັກແຂວງສາລະວັນ ພ້ອມຄະນະ ແລະການນໍາຂອງເມືອງເລົ່າງາມ, ໄດ້ລົງຢ້ຽມຢາມພົບປະໂອ້ລົມໃຫ້ກຳລັງໃຈ ພໍ່ແມ່ປະຊາຊົນ ທີ່ໄດ້ຮັບຜົນກະທົບ ລົມພະຍຸພັດເຮືອນ ເຊິ່ງມີທັງໝົດ 4 ບ້ານ
ເຊິ່ງໃນນັ້ນມີບ້ານດົງບັງ ໄດ້ຮັບຜົນກະທົບ ຈໍານວນ 50 ກວ່າຫຼັງ, ບ້ານຫ້ວຍຫູນເໜືອ ມີ 14 ຫຼັງຄາ, ບ້ານຫໍກອງ ມີ 14 ຫຼັງຄາ, ບ້ານອົ້ນໃຫຍ່ ມີ 13 ຄອບຄົວ, ລວມມູນຄ່າເສຍຫາຍທັງໝົດໃນ 4 ບ້ານປະມານ 8 ຮ້ອຍລ້ານກວ່າກີບ…ອ່ານຕໍ່
ລາວໂທລະຄົມ ມອບເງິນ ແລະ ເຄື່ອງນຸ່ງຫົ່ມ ໃຫ້ປະຊາຊົນບ້ານດົງບັງ
ທ່ານ ຖາວອນ ກິ່ງສັກດາ ຮັກສາການຫົວໜ້າບໍລິສັດລາວໂທລະຄົມ ມະນາຄົມ ມະຫາຊົນ ສາຂາ ແຂວງສາລະວັນ ພ້ອມຄະນະ ມອບເງິນມູນຄ່າ 3 ລ້ານກວ່າກີບ ແລະເຄື່ອງນຸ່ງຫົ່ມຈຳນວນໜຶ່ງ ທີ່ໄດ້ຈາກການລະດົມນຳອ້າຍເອື້ອຍນ້ອງພະນັກງານໃນບໍລິສັດ
ເພື່ອເປັນການຊ່ວຍເຫຼືອບັນເທົາທຸກເບື້ອງຕົ້ນ ໃຫ້ພໍ່ແມ່ປະຊາຊົນ ບ້ານດົງບັງ ທີ່ໄດ້ຮັບຜົນກະທົບຈາກໄພພິບັດທໍາມະຊາດ…ອ່ານຕໍ່
ແຂວງສາລະວັນ ກຽມພ້ອມໃຫ້ ປກສ ເຝົ້າລະວັງໃນຊ່ວງປີໃຫມ່
ທ່ານ ພອ ສີເສີດ ສອນດາລາ ຫົວໜ້າກອງບັນຊາການ ປກສ ແຂວງສາລະວັນ ລາຍງານວ່າ ໄດ້ວາງກຳລັງລົງໄປປະຈຳຢູ່ໃນແຕ່ລະຈຸດທີໄດ້ກຳນົດ ແລະ ບັນດາເລົ່າລົບຕ່າງໆກໍ່ເຮັດໜ້າທີ່ວິຊາສະເພາະຂອງຕາມຄວາມຮັບຜິດຊອບໃຜລາວ
ເປັນຕົ້ນແມ່ນບັນຫາການມົ້ວສຸມຢາເສບຕິດ, ບັນຫາອຸປະຕິເຫດຕ່າງໆຕາມທ້ອງຖະຖົນ, ບັນຫາຂີ້ລັກ-ງັດເງະ ແລະບັນຫາອື່ນໆ…ອ່ານຕໍ່