Tag: ເມນູຈາກເຂົ້າຊອຍ

“ເຂົ້າຊອຍ” ຖືວ່າເປັນອາຫານຍອດນິຍົມ ທາງພາກເໜືອຂອງລາວ ໂດຍສະເພາະຢູ່ທາງ ແຂວງ ບໍ່ແກ້ວ, ຫຼວງນ້ຳທາ ແລະ ຫຼວງພະບາງ ເຊິ່ງເປັນທີ່ຮູ້ຈັກທົ່ວໄປ ແຕ່ທີ່ຢາກນຳສະເໜີໃນມື້ນີ້ແມ່ນເຂົ້າຊອຍ ຫຼວງພະບາງ ສູດດັ້ງເດີມ ທີ່ສືບທອດກັນມາແຕ່ລຸ້ນປູ່ລຸ້ນຍ່າ ເຊິ່ງມີຣົດຊາດ ທີ່ເປັນເອກະລັກບໍ່ຄືໃຜ. ແຕ່ສິ່ງທີ່ພິເສດໄປກວ່ານັ້ນ, ແມ່ນເພິ່ນໄດ້ມີການນຳເອົາໜ້າເຂົ້າຊອຍ ມາປະຍຸກໃສ່ກັບເມນູອາຫານຍຸກໃໝ່ຂຶ້ນມາຫຼາກຫຼາຍເມນູ ບໍ່ວ່າຈະເປັນ ເຂົ້າຜັດ ໜ້າເຂົ້າຊອຍ, ຜັດຊີອິ້ວ ໜ້າເຂົ້າຊອຍ, ເຂົ້າຊອຍພັນ ແລະ ເມນູອື່ນໆອີກ ທີ່ສື່ເຖິງຣົດຊາດຂອງໜ້າເຂົ້າຊອຍໄດ້ເປັນຢ່າງດີ.