(ນະຄອນຫຼວງວຽງຈັນ, ວັນທີ 9 ຕຸລາ 2025) – ສາຍການບິນ Vietjet ໄດ້ເລີ່ມຕົ້ນແຄມເປນໂປຣໂມຊັ່ນຄັ້ງໃຫຍ່ທີ່ສຸດຂອງປີ, ໂດຍສະເໜີສ່ວນຫຼຸດຖ້ຽວບິນສູງສຸດ 50%, ຟຣີຄ່າກະເປົ໋າ, ຂໍ້ສະເໜີພິເສດສຳລັບໂຮງແຮມ ແລະ ອື່ນໆ ອີກຫຼາຍຢ່າງໃນຊ່ວງໄລຍະ Super Sale 10 ວັນ ທີ່ມີຈໍາກັດ. ໂປຣໂມຊັ່ນທີ່ໃຫຍ່ທີ່ສຸດຂອງສາຍການບິນໃນປີນີ້ ເຮັດໃຫ້ນັກທ່ອງທ່ຽວຊາວລາວສາມາດເຂົ້າເຖິງການເດີນທາງໃນທ້າຍປີໄປປະເທດຫວຽດນາມ ແລະ ຕ່າງປະເທດໄດ້ງ່າຍຂຶ້ນກວ່າທີ່ເຄີຍ.
ຕັ້ງແຕ່ວັນທີ 10 ຫາ 19 ຕຸລາ, ນັກທ່ອງທ່ຽວສາມາດເພີດເພີນກັບສ່ວນຫຼຸດ 50% ສໍາລັບຄ່າປີ້ເຄື່ອງບິນຊັ້ນ Eco (ບໍ່ລວມອາກອນ ແລະ ຄ່າທໍານຽມ) ໂດຍໃສ່ລະຫັດໂປຣໂມຊັ່ນ SUPERSALE1010 ເມື່ອຈອງປີ້ຜ່ານເວັບໄຊທ໌ www.vietjetair.com ຫຼື ແອັບພລິເຄຊັນມືຖື “Vietjet Air”. ໂປຣໂມຊັ່ນນີ້ແມ່ນນຳໃຊ້ໄດ້ກັບທຸກເສັ້ນທາງການບິນຂອງ Vietjet, ລວມທັງຖ້ຽວບິນລະຫວ່າງນະຄອນຫຼວງວຽງຈັນໄປຮ່າໂນ້ຍ ແລະ ນະຄອນໂຮ່ຈີມິນ, ສໍາລັບການເດີນທາງໃນລະຫວ່າງວັນທີ 1 ພະຈິກ 2025 ຫາ 27 ພຶດສະພາ 2026 (ຄວາມພ້ອມຂອງຖ້ຽວບິນຂຶ້ນກັບແຕ່ລະເສັ້ນທາງ; ຍົກເວັ້ນວັນພັກລັດຖະການ).
ນອກຈາກນັ້ນ, ນັກທ່ອງທ່ຽວທີ່ບິນໃນລະຫວ່າງວັນທີ 1 ຫາ 25 ພະຈິກ 2025, ຈະໄດ້ຮັບສິດທິປະໂຫຍດເພີ່ມເຕີມ. ສຳລັບຜູ້ໂດຍສານຊັ້ນ Eco, Vietjet ສະເໜີຟຣີຄ່າກະເປົາຂົນສົ່ງນ້ຳໜັກ 20 ກິໂລກຣາມ ໃນຖ້ຽວບິນຕ່າງປະເທດ ແລະ ສ່ວນຫຼຸດ 50% ສໍາລັບການສັ່ງອາຫານລ່ວງໜ້າໃນຖ້ຽວບິນພາຍໃນ ແລະ ຕ່າງປະເທດຂອງຫວຽດນາມ. ໃນຂະນະດຽວກັນ, ຜູ້ໂດຍສານຊັ້ນ SkyBoss ສາມາດເພີດເພີນກັບສ່ວນຫຼຸດສູງສຸດ 50% ສໍາລັບຄ່າປີ້ເຄື່ອງບິນທຸກເສັ້ນທາງ ໂດຍໃຊ້ລະຫັດໂປຣໂມຊັ່ນ LEADER10.
ຍິ່ງໄປກວ່ານັ້ນ, ຜູ້ໂດຍສານ Vietjet ຍັງຈະໄດ້ຮັບສ່ວນຫຼຸດສູງສຸດ 50% ສໍາລັບການເຂົ້າພັກທີ່ Furama Resort ທີ່ມີຊື່ສຽງໃນເມືອງດານັງ, ເຊິ່ງເປັນສະຫວັນແຫ່ງໜຶ່ງຂອງຫາດຊາຍ. ຂໍ້ສະເໜີພິເສດນີ້ແມ່ນໃຊ້ໄດ້ຈົນເຖິງວັນທີ 28 ກຸມພາ 2026 (ເງື່ອນໄຂ ແລະ ຂໍ້ກຳນົດແມ່ນນຳໃຊ້).
ຈາກຖະໜົນທີ່ຄຶກຄັກຂອງຮ່າໂນ້ຍ ແລະ ນະຄອນໂຮ່ຈີມິນ ໄປຈົນເຖິງຫາດຊາຍທີ່ງຽບສະຫງົບຂອງດານັງ, ຍະຕຣັງ, ຟູກວກ ຫຼື ຄວາມຫຼາກຫຼາຍທາງດ້ານວັດທະນະທໍາຂອງເມືອງຮຶງ (Hue), ໂຮ່ຍອານ (Hoi An) ແລະ ນິງບິ່ນ (Ninh Binh), Vietjet ສະເໜີປະສົບການທີ່ໜ້າຈົດຈໍາໃຫ້ແກ່ນັກທ່ອງທ່ຽວທຸກປະເພດ. ດ້ວຍໂປຣໂມຊັ່ນ Super Sale ທີ່ບໍ່ເຄີຍມີມາກ່ອນຂອງ Vietjet, ນີ້ຄືຊ່ວງເວລາທີ່ດີທີ່ສຸດໃນການວາງແຜນການເດີນທາງຄັ້ງຕໍ່ໄປຂອງທ່ານ.