ການທີ່ຄົນຕ່າງແຂວງເຂົ້າມາອາໄສຢູ່ໃນເມືອງໃຫຍ່ ກໍມັກຕາມມາດ້ວຍພາລໃນະການໃຊ້ຈ່າຍ ອີກທັງຂະໜາດຫ້ອງເຊົ່າກໍໍ່ອາດຈະບໍ່ໃຫຍ່ປານໃດ, ເຊິ່ງການຈະເລືອກເອົາຂອງແບບໃດເຂົ້າມາຢູ່ໃນຫ້ອງກັບເຮົາ ກໍໍ່ຕ້ອງໄດ້ຄິດໃຫ້ດີໆກ່ອນ ແລະ ຄິດແລ້ວຄິດອີກ. ເຊື່ອວ່າຫຼາຍໆ ຄົນຄົງເປັນເຊັ່ນດຽວກັນ ຍິ່ງຢູ່ດົນໄປເຄື່ອງຂອງຍິ່ງຫຼາຍຂຶ້ນກວ່າເກົ່າ ກວ່າຈະຮູ້ອີກເທື່ອໜຶ່ງກໍຕອນຍ້າຍຫ້ອງ. ດັ່ງນັ້ນ, ຄົງຈະດີກວ່າ ຖ້າເຮົາຕັ້ງກົດງ່າຍໆ ສ່ວນຕົວໄວ້ວ່າ ເຄື່ອງຂອງສິ່ງໃດທີ່ບໍ່ຄວນຈະຢູ່ໃນຫ້ອງດຽວກັບເຮົາ ຈົນກວ່າເຮົາຈະມີເຮືອນເປັນຂອງຕົນເອງ ຫຼື ຈົນກວ່າເກັບເງິນໄດ້ ແລະຍ້າຍໄປຢູ່ບ້ານເກີດຂອງຕົນ.
- ໂຖດອກໄມ້ປະດັບຫ້ອງ:
ສຳລັບຄົນທີ່ມັກໄຫ້ວພະເປັນປະຈຳ ອາດຈະງົດເວັັ້ນ ເຮັດພຽງການຈູດທູບເທົ່ານັ້ນ, ສ່ວນທີ່ເຫຼືອລວມເຖິງໂຖດອກໄມ້ນ້ອຍໆກໍໍ່ ຍັງຢູ່ໃນຫ້ອງໄດ້ພໍໄຫວ, ແຕ່ສຳລັບໂຖດອກໄມ້ຂະໜາດໃຫຍ່ທີ່ໃຜກໍຢາກຈະມີໄວ້ໃສ່ດອກກຸຫຼາບກ້ານຍາວໆ ຫຼື ໃສ່ດອກໄມ້ຊະນິດອື່ນ ເຖິງວ່າຈະຊ່ວຍໃຫ້ທ່ານໄດ້ຊື່ນຊົມຄວາມງາມຂອງດອກໄມ້ໃນໂຖ ແຕ່ກໍເປັນໄລຍະເວລາສັ້ນໆ ເທົ່ານັ້ນ! ຫຼັງຈາກນັ້ນ ຄືພາລະລ້ວນໆ ບໍ່ວ່າຈະເປັນບັນຫາຝຸ່ນຈາກຊໍດອກໄມ້ໃຫຍ່ທີ່ແຫ້ງຫ່ຽວ, ອຸບັດຕິເຫດ ທີ່ອາດເກີດຈາກໂຖດອກໄມ້ລົ້ມ ຫຼື ຖ້າເລືອກໃຊ້ກໍໍຍັງເປືອງເນື້ອທີ່ຈັດເກັບອີກ.
- ຊັ້ນວາງປຶ້ມ:
ສຳລັບຄົນທີ່ມັກອ່ານືປຶ້ມ ຫຼື ມີປຶ້ມຫຼາຍ ແລະ ອ່ານເປັນປະຈຳ ການມີຊັ້ນວາງປຶ້ມນ້ອຍໆ ສຳລັບປຶ້ມບໍ່ເກີນ 10 ເຫຼັ້ມກໍໍ່ໜ້າຈະພຽງພໍ ຖ້າຫາກມີຫຼາຍກວ່ານັ້ນ ໃຫ້ເອົາໃສ່ກ່ອງຢາງທີ່ປິດແໜ້ນກັນນໍ້າກັນປວກໄດ້ຈະດີກວ່າ, ເືນື່ອງຈາກປຶ້ມທຸກເຫຼັ້ມຈະເປັນຕົວເກັບຝຸ່ນໃນຫ້ອງໄດ້ດີແລ້ວ ແຕ່ຍັງເປັນບ່ອນຫຼົບລີ້ຊັ້ນດີ ສຳລັບແມງໄມ້ໂຕນ້ອຍໆ ທຸກຊະນິດອີກດ້ວຍ.
- ອຸປະກອນຄົວ:
ບັນດາອຸປະກອນເຄື່ອງໃຊ້ໜ້າຕາແປກໆ ໃນທ້ອງຕະຫຼາດໂດຍສະເພາະຈາກຮ້ານຄ້າ 5.000-10.000 ນັ້ນ ແມ່ນດຶງດູດຄົນທີ່ບໍ່ຄ່ອຍມີເວລາຫຼາຍ ເພາະອັນນັ້ນກໍໃຊ້ງ່າຍ ອັນນີ້ກໍໄດ້ຜົນໄວ ເຊັ່ນ: ເຄື່ອງບີບນ້ຳໝາກນາວ, ເຄື່ອງຊອຍຜັກສາລະພັດປະໂຫຍດ, ເຄື່ອງບົດຊີ້ນ ໄປຈົນຮອດເຄື່ອງໃຊ້ໄຟຟ້າຂະໜາດນ້ອຍ ເຊັ່ນ: ຈອກຊົງກາເຟແບບມີປຸ່ມກົດຄົນໃຫ້ອັດຕະໂນມັດ ຫຼື ເຄື່ອງອຸ່ນຈອກເຊຣາມິກ ທີ່ເຮັດໃຫ້ເຄື່ອງດື່ມຂອງທ່ານອຸ່ນໆຕະຫຼອດເວລາ. ທັງໝົດທີ່ເວົ້າມານີ້ສາມາດເຮັດໄດ້ ຖ້າບໍ່ເກີນຄວາມຄ້ານຂອງເຮົາແທ້ໆ ຫຼື ຖ້າເຮັດປະຈຳຕະຫຼອດ, ຖ້າຊື້ມາເກັບໄວ້ຫຼາຍກໍເປືອງພື້ນທີ່ຈັດເກັບຂອງເຮົາໄປຢ່າງບໍ່ຈຳເປັນເລີຍ.
- ເຄື່ອງແຈກຂອງແຖມ:
ອັນນີ້ຄືເປັນຂອງດີທີ່ຂາດບໍ່ໄດ້ ມີສິ່ງໃດທີ່ໄດ້ມາຟຣີເປັນຕ້ອງເກັບໄວ້ໝົດ ແຕ່ອັນທີ່ແທ້ຈິງແລ້ວຖ້າເຮົາລອງມາຄິດເບິ່ງອີກເທື່ອ ຫາກບໍ່ແມ່ນຂອງທີ່ລະນຶກ ຫຼື ຂອງຝາກຈາກຄົນທີ່ເຮົາຮັກ ແລະ ເຄົາລົບແລ້ວ ກໍບໍ່ຄວນສະສົມໄວ້ໃຫ້ເຕັມຫ້ອງ ອາດໃຊ້ໂອກາດໃນຊ່ວງປີໃໝ່ເອົາຂອງທີ່ລະນຶກນີ້ໄປແຈກໃຫ້ຄົນພາຍໃນເຮືອນ ຫຼື ຫາກຢາກເກັບໄວ້ແທ້ໆ ກໍລວມໃສ່ຖົງຢາງຈັດໃສ່ກ່ອງແລ້ວສົ່ງໄປເກັບມ້ຽນທີ່ເຮືອນເຮົາເລີຍຈະດີກວ່າ ເພາະບໍ່ພຽງໄດ້ເພີ່ມພື້ນທີ່ໃນຫ້ອງຂອງເຮົາເທົ່ານັ້ນແຕ່ຍັງຫຼຸດບັນຫາຝຸ່ນໃນຫ້ອງ ແລະ ຍັງຊ່ວຍໃຫ້ການເຮັດຄວາມສະອາດຫ້ອງໄດ້ງ່າຍ.