ຊໍາຊຸງ ຍົກລະດັບມືຖືຈໍພັບໄປອີກຂັ້ນ ດ້ວຍການເປີດໂຕ Galaxy Z Flip4 ແລະ Galaxy Fold4 ທີເບົາລົງ, ບາງລົງ ແລະ ຂະໜາດນ້ອຍລົງກວ່າເກົ່າ ແຕ່ຍັງໄດ້ໜ້າຈໍທີ່ຄົມຊັດ ພ້ອມຊິບເຊັດ ແລະ ໜ່ວຍປະມວນຜົນອັນຊົງພະລັງດ້ວຍ Snapdragon 8+ Gen 1 ລຸ້ນຫຼ້າສຸດ ແລະ ເຊັນເຊີກ້ອງຈາກ S22+ ທີ່ໃຫ້ພາບຄົມຊັດ ບໍ່ວ່າຈະຖ່າຍພາບນິ້ງ ແລະ ພາບເຄື່ອນໄຫວໃນເວລາກາງຄືນ ດ້ວຍເຕັກນິກ Nightography ທີ່ເປັນເອກະລັກສະເພາະຂອງ ຊໍາຊຸງ ພ້ອມຄຸນສົມບັດອື່ນໆ ອີກຫຼາກຫຼາຍ ທີ່ຈະປ່ຽນຮູບແບບການໃຊ້ໂທລະສັບມືຖືຂອງຄົນຮຸ່ນໃໝ່ໃຫ້ແຕກຕ່າງໄປຈາກເກົ່າ.
ການເປີດໂຕໂທລະສັບມືຖືໃນຕະກຸນ Galaxy Z series ຂອງຊຳຊຸງຄັ້ງນີ້ ເກີດຂຶ້ນໃນງານ Samsung Global Unpacked ເມື່ອວັນທີ 10 ສິງຫາ ທີ່ຜ່ານມາ ໂດຍຊຳຊຸງໄດ້ເປີດໂຕໂທລະສັບ Galaxy Z Flip4 ແລະ Galaxy Fold4 ຢ່າງເປັນທາງການ ພ້ອມອຸປະກອນເສີມລຸ້ນໃໝ່ຄື: Galaxy Watch5 ແລະ Galaxy Buds2 Pro ເຊິ່ງສະແດງໃຫ້ເຫັນເຖິງຄວາມເປັນຜູ້ນຳລະດັບໂລກໃນເຕັກໂນໂລຊີມືຖືຈໍພັບໄດ້ ທັງໃນດ້ານການອອກແບບ, ປະສິດທິພາບການໃຊ້ງານ ແລະ ການສ້າງປະສົບການການໃຊ້ງານທີ່ລໍ້າສະໄໝໃຫ້ກັບລູກຄ້າຂອງຊໍາຊຸງໄດ້ໃນແບບທີ່ບໍ່ເຄີຍມີມາກ່ອນ.
ເພື່ອເປັນການພິສູດໃຫ້ເຫັນເຖິງຄວາມທຸ້ມເທຂອງ Samsung ໃນການສ້າງຜົນງານດ້ານຄວາມຊຳນານທີ່ເໜືອກວ່າ, ທຸກໆການອອກແບບຂອງທັງສອງຮູບແບບໄດ້ຜ່ານການວິເຄາະຢ່າງລະອຽດເພື່ອມອບປະສົບການທີ່ດີທີ່ສຸດຢ່າງແທ້ຈິງ ແລະ ຮັບປະກັນວ່າຜູ້ບໍລິໂພກທຸກທ່ານມີອຸປະກອນທີ່ເໝາະສົມກັບຄວາມຕ້ອງການຂອງໂຕເອງ. Samsung Galaxy Z Flip4 ຕໍ່ຍອດຈາກຄວາມສຳເລັດໃນຮູບແບບທີ່ເປັນເອກະລັກຂອງ Samsung ໂດຍມີການເພີ່ມຄຸນສົມບັດທີ່ສໍາຄັນເຊັ່ນ: ປະສົບການໃນການໃຊ້ກ້ອງຖ່າຍຮູບທີ່ມີການຍົກລະດັບໃຫ້ດີຂຶ່ນ, ແບັດເຕີຣີຂະໜາດໃຫຍ່ຂຶ້ນກວ່າເກົ່າ ແລະ ການປັບແຕ່ງທີ່ເພີ່ມຂຶ້ນ ແຕ່ຍັງຄົງຮັກສາການອອກແບບທີ່ແໜ້ນໜາກະທັດຮັດເປັນພິເສດໄວ້. Samsung Galaxy Z Fold4 ເປີດໂອກາດໃໝ່ໆໃຫ້ກັບຜູ້ໃຊ້ໂດຍການມອບປະສົບການນຳໃຊ້ໂທລະສັບມືຖືທີ່ສົມບູນແບບທີ່ສຸດຂອງ Samsung ໃນປະຈຸບັນ. ນອກຈາກເຕັກໂນໂລຊີກ້ອງຖ່າຍຮູບທີ່ທັນສະໄໝ ແລະ ໜ່ວຍປະມວນຜົນທີ່ມີປະສິດທິພາບສູງແລ້ວ ມືຖືລຸ້ນນີ້ຍັງນຳສະເໜີການອອກແບບທີ່ປ່ຽນຮູບຮ່າງ, ຈໍສະແດງຜົນທີ່ສົມຈິງ ແລະ ຄຸນສົມບັດການເຮັດໜ້າທີ່ໄດ້ຫຼາຍຢ່າງພ້ອມກັນຄືກັບຄອມພິວເຕີສ່ວນຕົວ.
Galaxy Z Flip4, ສຸດຍອດເຄື່ອງມືໃນການຖ່າຍທອດຄວາມຮູ້ສຶກຂອງໂຕເອງທັງພາຍໃນ ແລະ ພາຍນອກ
Galaxy Z Flip4 ຍົກລະດັບຄຸນສົມບັດຂອງສິ່ງທີ່ຜູ້ໃຊ້ງານໃຫ້ຄວາມສົນໃຈ ແລະ ເປັນເຄື່ອງມືທີ່ດີທີ່ສຸດສຳລັບການສະແດງຄວາມຮູ້ສຶກຂອງຜູ້ໃຊ້ງານ ແລະ ມອບປະສົບການທີ່ເປັນເອກະລັກທີ່ບໍ່ມີຢູ່ໃນຖືມືລຸ້ນອື່ນໆອີກດ້ວຍ.
ການຖ່າຍວິດີໂອໂດຍບໍ່ໃຊ້ມືຈັບ ຫຼື ຖ່າຍຮູບເຊວຟີເປັນກຸ່ມໃນມຸມຕ່າງໆກໍສາມາດເຮັດໄດ້ໂດຍການພັບໜ້າຈໍເພື່ອເປີດໃຊ້ງານຟີເຈີ FlexCam ແລະ ດ້ວຍເຊັນເຊີຂອງກ້ອງທີ່ມີການປັບປຸງໃຫ້ດີຂຶ້ນ ທີ່ຂັບເຄື່ອນດ້ວຍ Snapdragon 8+ Gen 1 ຈະເຮັດໃຫ້ຮູບພາບ ແລະ ວິດີໂອທີ່ຖ່າຍຄົມຊັດຂຶ້ນ ບໍ່ວ່າຈະຖ່າຍກາງເວັນ ຫຼື ກາງຄືນ.
ນອກຈາກນີ້ ແບັດເຕີຣີຂະໜາດ 3,700mAh ຂອງ Galaxy Z Flip4 ຍັງຮອງຮັບການສາກໄວ (Super-Fast Charging) ທີ່ສາມາດສາກໄຟໄດ້ເຖິງ 50% ພາຍໃນເວລາປະມານ 30 ນາທີເທົ່ານັ້ນ.
Galaxy Z Fold4, ພະລັງຂອງການເຮັດວຽກຫຼາຍຢ່າງພ້ອມກັບປະສິດທິພາບການໃຊ້ງານສູງສຸດ
Galaxy Z Fold4 ເປັນນະວັດຕະກຳມືຖືທີ່ທົນທານ ແລະ ຊົງພະລັງ ທີ່ສ້າງຂຶ້ນສໍາລັບປະສົບການການໃຊ້ງານມືຖືໜ້າຈໍຂະໜາດໃຫຍ່ທີ່ສາມາດພັບໄດ້ ແລະ ສາມາດເຮັດໜ້າທີ່ໄດ້ຫຼາຍຢ່າງພ້ອມກັນເຊັ່ນ: ການແບ່ງໜ້າຈໍມືຖືອອກເປັນສອງສ່ວນເພື່ອເຮັດວຽກຫຼາຍຢ່າງໃນເວລາດຽວກັນ.
ພ້ອມກັນນັ້ນ ປະສົບການໃນການໃຊ້ງານຂອງ Galaxy Z Fold4 ແມ່ນສົມບູບແບບໄປອີກຂັ້ນດ້ວຍການຮອງຮັບການນຳໃຊ້ S Pen ທີ່ຊ່ວຍໃຫ້ຜູ້ໃຊ້ງານສາມາດແຕ້ມ ແລະ ຈົດບັນທຶກຂໍ້ມູນໄດ້ຢ່າງສະດວກສະບາຍ.
ນອກຈາກນີ້ Galaxy Z Fold4 ຍັງສາມາດຖ່າຍຮູບພາບ ແລະ ວິດີໂອ ທີ່ໜ້າປະທັບໃຈໄດ້ດ້ວຍກ້ອງເລນກວ້າງ (Wide) ທີ່ລະອຽດ 50MP ແລະ ເລນຊູມ (Telephoto) ທີ່ສາມາດຊູມໄດ້ເຖິງ 30 ເທົ່າ ແລະ ດ້ວຍເຊັນເຊີຂອງກ້ອງທີ່ມີການພັດທະນາໃຫ້ດີຂຶ້ນຈຶ່ງເຮັດໃຫ້ຜູ້ໃຊ້ງານສາມາດຖ່າຍພາບ ແລະ ວິດີໂອໄດ້ແຈ້ງ ແລະ ຊັດເຈນໄດ້ເຖິງວ່າຈະເປັນເວລາກາງຄືນກໍຕາມ.
Galaxy Z Flip4 ແລະ Galaxy Z Fold4 ເປັນມືຖືຈໍພັບໄດ້ທີ່ທົນທານທີ່ສຸດເທົ່າທີ່ເຄີຍມີມາ ເຊິ່ງທົນທານກັບຄວາມເສຍຫາຍຈາກການກະທົບພາຍນອກ. ນອກຈາກນີ້, ທັງ Galaxy Z Flip4 ແລະ Galaxy Z Fold4 ຍັງສາມາດກັນນໍ້າໄດ້ໃນລະດັບ IPX8 ອີກດ້ວຍ.
ຂໍ້ສະເໜີສຸດພິເສດສຳລັບຜູ້ທີ່ຈອງສິນຄ້າລ່ວງໜ້າ
ສະເພາະຊາວລາວທີ່ຈອງເຄື່ອງ Galaxy Z Flip4 ລ່ວງໜ້າ ຈະໄດ້ລຸ້ນພິເສດທີ່ມີໜ່ວຍຄວາມຈຳ 256 GB ແລະ ຜູ້ທີ່ຈອງເຄື່ອງ Galaxy Z Fold4 ລ່ວງໜ້າຈະໄດ້ລຸ້ນມີໜ່ວຍຄວາມຈຳ 512 GB.
ນອກຈາກນີ້ ຊຳຊຸງຍັງຈັດຂອງແຖມສຸດພິເສດໃຫ້ແຕ່ລະລຸ້ນໃນຊ່ວງສັ່ງຈອງລ່ວງໜ້າ ລວມມີ Galaxy Tab A7 Lite Wifi, ເຄສໃສ ແລະ ຫົວສາກ 25W ສຳລັບຜູ້ຈອງ Galaxy Z Flip4 ແລະ Galaxy Watch4 ພ້ອມ Note Package (ເຄສພ້ອມ S Pen ແລະ ຫົວສາກ 25W) ສຳລັບຜູ້ທີ່ຈອງ Galaxy Z Fold4.
ທັງນີ້ ຂໍ້ສະເໜີດັ່ງກ່າວມີຈຳນວນຈຳກັດສະເພາະຊ່ວງສັ່ງຈອງລ່ວງໜ້າເທົ່ານັ້ນ ຜູ້ທີ່ສົນໃຈສາມາດສັ່ງຈອງ ແລະ ຮັບເຄື່ອງທັງສອງລຸ້ນໄດ້ທີ່ຕົວແທນຈຳໜ່າຍຊຳຊຸງທົ່ວປະເທດຕັ້ງແຕ່ມື້ນີ້ເປັນຕົ້ນໄປ ຈົນເຖິງວັນທີ 1 ກັນຍາ 2022 ນີ້. ໂດຍລາຄາໃນຊ່ວງເປີດໂຕຂອງ Galaxy Z Flip4 ແມ່ນຢູ່ທີ່ 18,999,000 ກີບ ແລະ Galaxy Z Fold4 ຢູ່ທີ່ 32,599,000 ກີບ.
ຂໍ້ມູນເພີ່ມເຕີມສາມາດສອບຖາມໄດ້ທີ່:
Samsung Call Center: 021 417 333
Facebook page: SamsungLaos
Instagram: Samsunglaos
Tiktok: @Samsungmobilelaos
ຂໍ້ມູນທາງເຕັກນິກຂອງແຕ່ລະລຸ້ນ
| ລຸ້ນ | Galaxy Z Flip4 | Galaxy Z Fold4 |
| Network | 5G | |
| ໜ້າຈໍໃນ | 6.7” Dynamic AMOLED 2X, Adaptive 1-120Hz FHD+ Infinity-O Display | 7.6” Dynamic AMOLED 2X, Adaptive 1-120Hz QXGA+ Infinity-Flex Display, ຮອງຮັບ S Pen |
| ໜ້າຈໍນອກ | 1.9” Super AMOLED 60Hz | 6.2” Dynamic AMOLED 2X, Adaptive 48-120Hz Infinity O-Display |
| ກ້ອງຫຼັງ | (Ultra Wide) 12MP F2.2 123° (Wide) 12MP F1.8 OIS (Nightography) Super Clear Glass (Gorilla DX) | (Ultra Wide) 12MP F2.2 123° (Wide) 50MP F1.8 OIS, Dual Pixel (Telephoto) 10MP F2.4 OIS, 3x Optical Zoom |
| ກ້ອງໜ້າ | 10 MP F2.4 | 4 MP Under Display Camera F1.8 |
| ກ້ອງໜ້າຈໍນອກ | – | 10 MP F2.2 |
| Feature ຂອງກ້ອງ | Single Take, Dual recording, Director’s view | |
| CPU | Snapdragon 8+ Gen1 | |
| ກັນນໍ້າ | IPx8, 1.5 m, 30 minutes | |
| Durability | Gorilla Glass Victus+ (Fornt/Back) | |
| ລໍາໂພງ | Stereo speakers with Dolby Atmos technology | |
| Ram | 8 GB | 12 GB |
| Rom | 256 GB | 512 GB |
| ແບັດເຕີຣີ | 3,700 mAh (Dual battery) | 4,400 mAh (Dual Battery) |
| ນ້ຳໜັກ | 183g | 263g |
| ສີ | Graphite (ດຳ), Pink Gold, Bora Purple (ມ່ວງ) | Phantom black (ດຳ), Gray green (ຂຽວເທົາ), Beige (ຄຣີມ) |
| ລາຄາຊ່ວງສັ່ງຈອງ | 18.999.000 ກີບ | 32.599.000 ກີບ |
| ຂອງແຖມຊ່ວງສັ່ງຈອງ | Tab A7 Lite Wifi, ເຄສໃສ, ຫົວສາກ 25W | Galaxy Watch4, Note Package (ເຄສພ້ອມ S Pen + ຫົວສາກ 25W) |
Hits: 52
