*ໂປຣໂມຊັນພິເສດສຳລັບປີ້ຍົນເຮືອບິນ ສອງລ້ານໃບ ເຊິ່ງໂປຣໂມຊັນມີຮອດວັນທີ 08 ສິງຫານີ້
(ນະຄອນຫຼວງວຽງຈັນ, ວັນທີ 05 ສິງຫາ 2024) – Vietjet ໄດ້ຈັດພິທີສະເຫຼີມສະຫຼອງຄັ້ງສຳຄັນ ໂດຍຕ້ອນຮັບຜູ້ໂດຍສານທີ່ບັນລຸເຖິງ 200 ລ້ານຄົນ, ເຊິ່ງເປັນຂີດໝາຍຄວາມສຳເລັດໃນການເດີນທາງເຊື່ອມຕໍ່ທາງອາກາດລະຫວ່າງ ຫວຽດນາມ ແລະ ທົ່ວໂລກ.
ຜູ້ໂດຍສານໝາຍເລກ 200 ຊື່ວ່າ Sandeep Mehta, ນັກທຸລະກິດຊາວອິນເດຍ ໄດ້ຮັບຂອງຂວັນພິເສດຟຣີສຳລັບໜຶ່ງປີໃນຖ້ຽວບິນລະຫວ່າງປະເທດຂອງ Vietjet.
ເພື່ອສະເຫຼີມສະຫຼອງໃນຄັ້ງນີ້ Vietjet ຍັງໄດ້ປະກາດເປີດເສັ້ນທາງສາຍໃໝ່ທີ່ເຊື່ອມຕໍ່ລະຫວ່າງ Ahmedabad ພາກຕາເວັນຕົກຂອງອິນເດຍ ກັບນະຄອນແຄມທະເລທີ່ມີຊື່ສຽງຂອງຫວຽດນາມຄື Da Nang. ໂດຍຈະເລີ່ມດຳເນີນການໃນເດືອນຕຸລາ ປີ 2024. ການປະກາດດັ່ງກ່າວໄດ້ມີພິທີຈັດຂຶ້ນທີ່ງານ Vietnam – India Business Forum ຢູ່ນະຄອນ New Delhi, ປະເທດ ອິນເດຍ ແລະ ຜູ້ເຂົ້າຮ່ວມພິທີມີທ່ານນາຍົກລັດຖະມົນຕີ ປະຈຳຫວຽດນາມ ທ່ານ Pham Minh Chinh, ຜູ້ນຳ ແລະ ຜູ້ຕາງໜ້າວິສາຫະກິດຈາກທັງສອງປະເທດ.
ເນຶ່ອງໃນໂອກາດນີ້, Vietjet ໄດ້ສະເໜີໂປຣໂມຊັນໃນລາຄາພິເສດນັບແຕ່ມື້ນີ້ຮອດວັນທີ 08 ສິງຫາ 2024, ດ້ວຍປີ້ 2 ລ້ານໃບໃນລາຄາພຽງ 55 USD/ຖ້ຽວ. (ລວມທັງພາສີ ແລະ ຄ່າທໍານຽມ) ໃນເຄືອຂ່າຍການບິນພາຍໃນ ແລະ ຕ່າງປະເທດຂອງ Vietjet. ນັກທ່ອງທ່ຽວຈາກປະເທດລາວສາມາດຖືໂອກາດນີ້ເພື່ອຊື້ປີ້ລາຄາພິເສດໄດ້ທີ່ www.vietjetair.com ແລະ ແອັບມືຖື Vietjet Air, ໂດຍເດີນທາງລະຫວ່າງວັນທີ 04 ກັນຍາ 2024 ຫາ 22 ພຶດສະພາ 2025 (ບໍ່ລວມມື້ພັກທາງລັດຖະການ).
ເປັນທີ່ໜ້າໂຊກດີສໍາລັບນັກທ່ອງທ່ຽວຈາກລາວທີ່ວາງແຜນທີ່ຈະເດີນທາງໄປຈຸດໝາຍປາຍທາງທີ່ສໍາຄັນອື່ນໆເຊັ່ນ: Ahmedabad, Mumbai ແລະ New Delhi ໃນປະເທດອິນເດຍ. ສາມາດເດີນທາງຜ່ານເຄືອຂ່າຍການບິນຂອງ Vietjet ດ້ວຍຈຸດເຊື່ອມຕໍ່ຢູ່ທີ່ນະຄອນໂຮ່ຈີມິນ. ເຊິ່ງຈະເປັນປະສົບການ ການເດີນທາງທີ່ສະດວກຂຶ້ນພ້ອມລາຄາທີ່ປະຢັດ. ສາຍການບິນ Vietjet ມີຖ້ຽວບິນຈາກນະຄອນຫລວງວຽງຈັນ ຫາ ນະຄອນໂຮ່ຈິມິນດ້ວຍ 4 ຖ້ຽວຕໍ່ອາທິດ.
Vietjet ເປັນສາຍການບິນບຸກເບີກທີ່ໄດ້ເປີດບໍລິການຖ້ຽວບິນໂດຍກົງທີ່ເຊື່ອມຕໍ່ລະຫວ່າງຫວຽດນາມ ແລະ ອິນເດຍ ນັບແຕ່ປີ 2019 ໂດຍສະເໜີໃຫ້ປະຊາຊົນ ແລະ ນັກທ່ອງທ່ຽວມີທາງເລືອກໃນການເດີນທາງທີ່ສະດວກ ແລະ ຄຸ້ມຄ່າ. ປັດຈຸບັນ Vietjet ໄດ້ດຳເນີນໃຫ້ບໍລິການ 7 ເສັ້ນທາງ, ໃນນັ້ນມີ 56 ຖ້ຽວບິນຕໍ່ອາທິດລະຫວ່າງຫວຽດນາມ ແລະ ອິນເດຍ ພ້ອມທັງໃຫ້ບໍລິການຂົນສົ່ງຜູ້ໂດຍສານເກືອບ 1.3 ລ້ານຄົນ.
Vietjet ຕ້ອນຮັບຜູ້ໂດຍສານເທິງເຮືອບິນທີ່ທັນສະໄໝ ແລະ ໃຫ້ບໍລິການໂດຍລູກເຮືອທີ່ເປັນມືອາຊີບ, ເປັນມິດ ແລະ ມີຄວາມໃສ່ໃຈ. ທ່ານສາມາດຮັບປະທານອາຫານຫວຽດນາມ, ອິນເດຍ ແລະ ອາຫານສາກົນເຊັ່ນ: ເຂົ້າຈີ່ປາເຕ້, ເຝີຫວຽດ, ເຂົ້າບາສມາຕີ ແລະ ອາຫານຮ້ອນໆ ທີ່ດີຕໍ່ສຸຂະພາບ ແລະ ແຊບໆອີກຫຼາຍລາຍການ. ນອກຈາກນັ້ນ, Vietjet ຍັງໄດ້ມອບປະກັນໄພ SkyCare ໃຫ້ກັບຜູ້ໂດຍສານທັງໝົດ ພ້ອມທັງມີໂອກາດທີ່ຈະໄດ້ລຸ້ນຮັບລາງວັນທຸກມື້ ຜ່ານໂຄງການສະສົມຄະແນນໃນ Vietjet SkyJoy.
