*ນັກທ່ອງທ່ຽວລາວຍັງໄດ້ຮັບຜົນປະໂຫຍດໃນທາງເລືອກທີ່ຫຼາຍຂຶ້ນຈາກການເຕີບໂຕຂອງເຄືອຂ່າຍ Vietjet
(ນະຄອນຫຼວງວຽງຈັນ, ວັນທີ 25 ຕຸລາ 2024)-ສາຍການບິນ Vietjet ໄດ້ເປີດສາຍການບິນໂດຍກົງລະຫວ່າງນະຄອນ Da Nang ປະເທດຫວຽດນາມ ແລະ ເມືອງ Ahmedabad ປະເທດອິນເດຍ. ເສັ້ນທາງໃໝ່ນີ້ເພີ່ມຄວາມເຂັ້ມແຂງໃຫ້ Vietjet ເປັນສາຍການບິນທີ່ມີເສັ້ນທາງລະຫວ່າງສອງປະເທດຫຼາຍທີ່ສຸດ ພ້ອມຍັງຊ່ວຍຂະຫຍາຍເຄືອຂ່າຍການບິນຂອງສາຍການບິນໃຫ້ກວ້າງຂວາງຂຶ້ນ.
ປັດຈຸບັນ, ນັກທ່ອງທ່ຽວຈາກລາວສາມາດໃຊ້ປະໂຫຍດຈາກການຂະຫຍາຍເຄືອຂ່າຍການບິນຂອງ Vietjet ເພື່ອເດີນທາງໄປຫວຽດນາມ, ອິນເດຍ ແລະ ປະເທດອື່ນໆໄດ້ຫຼາຍຂຶ້ນ. ການເປີດເສັ້ນທາງໃໝ່ຈາກ Da Nang ໄປ Ahmedabad ໄດ້ເພີ່ມຄວາມຖີ່ຂອງຖ້ຽວບິນລະຫວ່າງ ນະຄອນຫຼວງວຽງຈັນ ຫາ ນະຄອນໂຮ່ຈິມິນ ເຊິ່ງເປັນນະຄອນທີ່ໃຫຍ່ທີ່ສຸດຂອງຫວຽດນາມ. ເລີ່ມຕັ້ງແຕ່ວັນທີ 27 ຕຸລາ 2024, Vietjet ຈະດຳເນີນຖ້ຽວບິນປະຈຳວັນໃນເສັ້ນທາງທີ່ສຳຄັນນີ້ ໂດຍມີການເພີ່ມຂຶ້ນເປັນສີ່ຖ້ຽວບິນຕໍ່ອາທິດ. ສິ່ງນີ້ຈະເຮັດໃຫ້ນັກທ່ອງທ່ຽວຈາກປະເທດລາວມີຕົວເລືອກໃນຖ້ຽວບິນທີ່ສະດວກ ແລະ ລາຄາຖືກທີ່ສຸດ.
ຖ້ຽວບິນທຳອິດຈາກນະຄອນ Da Nang ໄປ Ahmedabad ໃນວັນທີ 23 ຕຸລານີ້ໄດ້ຮັບການຕ້ອນຮັບເປັນຢ່າງດີຈາກນັກທ່ອງທ່ຽວ ເນື່ອງຈາກເປັນການເຊື່ອມຕໍ່ທີ່ລາບລື່ນລະຫວ່າງສອງຕົວເມືອງທີ່ມີນັກທ່ອງທ່ຽວຢ່າງຫຼວງຫຼາຍ ດ້ວຍສອງຖ້ຽວບິນໄປກັບຕໍ່ອາທິດ. ໃນເສັ້ນທາງ Da Nang – Ahmedabad ຄາດວ່າບໍ່ພຽງແຕ່ຈະເພີ່ມທະວີການພົວພັນລະຫວ່າງ ຫວຽດນາມ ແລະ ອິນເດຍ ເທົ່ານັ້ນ. ແຕ່ຍັງຊ່ວຍສົ່ງເສີມການແລກປ່ຽນທາງດ້ານເສດຖະກິດ, ການຄົມມະນາຄົມ ແລະ ວັດທະນະທໍາໃນພາກພື້ນອາຊີປາຊີຟິກອີກດ້ວຍ.
Vietjet ໄດ້ເປັນຜູ້ທຳອິດໃນການນຳສະເໜີຖ້ຽວບິນໂດຍກົງລະຫວ່າງຫວຽດນາມ ແລະ ອິນເດຍ ຕັ້ງແຕ່ປີ 2019 ເປັນຕົ້ນມາ. ການເພີ່ມເສັ້ນທາງໃໝ່ນີ້ຂະຫຍາຍຂອງການບິນໄດ້ທັງໝົດ 8 ເສັ້ນທາງ, ໂດຍມີ 60 ຖ້ຽວຕໍ່ອາທິດລະຫວ່າງສອງປະເທດ ເຊິ່ງຈະມີເສັ້ນທາງເຊື່ອມຕໍ່ກັບ Hanoi, Ho Chi Minh ແລະ Da Nang ກັບ New Delhi, Mumbai, Cochin ແລະ Ahmedabad.
ນະຄອນ Da Nang ເປັນເມືອງທີ່ມີຊື່ສຽງດ້ວຍຫາດຊາຍທະເລທີ່ສວຍງາມ ແລະ ສະຖານທີ່ທ່ອງທ່ຽວ ເປັນເມືອງທີ່ມີຊີວິດຊີວາຂອງຫວຽດນາມ ແລະ ເປັນປະຕູສູ່ບັນດາມໍລະດົກວັດທະນະທຳໃນພາກກາງຂອງຫວຽດນາມ ລວມທັງເມືອງບູຮານຢ່າງ Hoi An ເປັນເມືອງທີ່ມີສະຖານທີ່ບູຮານຄະດີ My Son Sanctuary ແລະ ເມືອງປະຫວັດສາດຂອງ Hue, Ahmedabad ເປັນເມືອງທີ່ສໍາຄັນໃນລັດ Gujarat ຂອງອິນເດຍ ເຊິ່ງເປັນທີ່ຮູ້ຈັກໃນນາມມໍລະດົກວັດທະນະທໍາອັນອຸດົມສົມບູນ, ສະຖານທີ່ສໍາຄັນ ແລະບັນຍາກາດທີ່ຄຶກມີສີສັນ.
ເສັ້ນທາງ Da Nang ຫາ Ahmedabad ທີ່ຫາກໍ່ເປີດໃຫ້ບໍລິການໃໝ່ ແມ່ນໜຶ່ງໃນການບໍລິການໃໝ່ທີ່ Vietjet ວາງແຜນຈະເປີດຕົວໃນເດືອນສຸດທ້າຍຂອງປີ 2024. ສາຍການບິນຍັງຈະເປີດເສັ້ນທາງເຊື່ອມຕໍ່ Hanoi ກັບ Kuala Lumpur ແລະ Yajarang ກັບ Daegu ພ້ອມທັງເປີດຄືນການບໍລິການຄືນໃໝ່ໃນເສັ້ນທາງນະຄອນ Ho Chi Ming – Tainan, ນອກຈາກນີ້, Vietjet ຍັງຈະເພີ່ມຄວາມຖີ່ການບິນໃນທົ່ວອາຊີ ແລະ ຕ່າງປະເທດ, ລວມເຖິງເສັ້ນທາງນະຄອນຫຼວງວຽງຈັນ-ນະຄອນໂຮ່ຈິມິນ.
ໃນຖານະສ່ວນໜຶ່ງຂອງຍຸດທະສາດການຂະຫຍາຍສາຍການບິນ, ບໍລິສັດ Vietjet ໄດ້ຕ້ອນຮັບເຮືອບິນໃໝ່ໃນໄວໆນີ້ ແລະ ຄາດວ່າຈະມີການຈັດສົ່ງມອບເພີ່ມເຕີມພາຍໃນທ້າຍປີ. ເມື່ອຮ່ວມກັບລູກເຮືອທີ່ເປັນມືອາຊີບ ແລະ ມີຄວາມເອົາໃຈໃສ່ໃນການບໍລິການ, ການເພີ່ມຄັ້ງນີ້ຄາດວ່າຈະຕອບສະໜອງຄວາມຕ້ອງການການທ່ອງທ່ຽວທີ່ເພີ່ມຂຶ້ນ. ສິ່ງນີ້ຈະເຮັດໃຫ້ຜູ້ໂດຍສານສາມາດເພີດເພີນກັບປະສົບການການບິນທີ່ມະຫັດສະຈັນໃນການເດີນທາງຂອງເຂົາອີກດ້ວຍ.